Дэлхийн хамгийн баян хүмүүс ядуусаас 2655 дахин их хөрөнгөтэй гэж G20 тайланд тэмдэглэв

Дэлхийн хамгийн баян хүмүүсийн хөрөнгө ядуусынхтай харьцуулахад 2,655 дахин их байгаа нь Энэтхэгт баян ба ядуугийн ялгаа сүүлийн 20 жилд эрс нэмэгдсэн тухай “G20”-ийн шинэ тайланд дурдагджээ. 2000-2023 оны хооронд дэлхийн хамгийн баян нэг хувийн хөрөнгө 41 дахин өссөн бол ядуу хүмүүсийн хөрөнгө ердөө нэг хувиар нэмэгдсэн байна.

Энэхүү тэгш бус байдал нь хамгийн өндөр орлоготой нэг хувь нь бага орлоготой 50 хувиас 2,655 дахин их хөрөнгөтэй гэсэн үг бөгөөд “G20”-ын судлаачид олон улсын түвшинд тэгш бус байдлыг судлах шинэ ажлын хэсэг байгуулахыг уриалж байна. Энэхүү ажлын хэсэг нь баян, ядуугийн хооронд үүссэн том орон зайг судалж, шалтгаан, нөлөөг нь хянах бөгөөд засгийн газруудад ялгааг багасгах зөвлөгөө өгөх боломжтой юм.

Тэгш бус байдал нь ардчиллыг доройтуулж, улс төрийг зэврүүлдэг гэж судалгаанд онцолжээ. Нобелийн шагналт эдийн засагч Жозеф Стиглицийн хэлснээр, өндөр тэгш бус байдалтай орнуудад ардчилсан тогтолцоо унах өндөр магадлалтай бөгөөд энэ нь шударга бус байдал, нийгмийн эв нэгдлийг алдагдуулж, эдийн засаг, улс төрийн том асуудал болдог.

Тайланд дурдсанаар COVID-19, Украины дайн, худалдааны маргаан зэрэг дэлхий даяарх асуудлууд ядуурал, тэгш бус байдлыг улам дордуулж байна. Дэлхийн дөрвөн хүн тутмын нэг нь өдөртөө тогтмол хооллож чаддаггүй бөгөөд тэрбумтнуудын хөрөнгө түүхэн дэх хамгийн өндөр түвшинд хүрсэн байна.

2020 оноос хойш дэлхийн ядуурлын бууралт зогсонги байдалд орж, зарим бүс нутагт эсрэгээрээ нэмэгдэж, 2.3 тэрбум хүн хүнсний аюулгүй байдлын хомсдолд орсон нь 2019 оноос хойш 335 саяар нэмэгдсэн үзүүлэлт ажээ.