Монголбанк 2025 оны аравдугаар сард 2.8 тонн үнэт металл худалдан авчээ

Монголбанк 2025 оны аравдугаар сард нийт 2,829 кг үнэт металл худалдан авчээ. Энэ оны эхнээс эхэлсэн худалдан авалтын нийт хэмжээ 12.7 тонн хүрсэн байна.

Тодруулбал, Дархан-Уул аймаг дахь Монголбанкны хэлтэс 722.6 кг, Баянхонгор аймаг дахь хэлтэс 1,532.9 кг үнэт металл худалдан авсан бөгөөд энэ үзүүлэлт өмнөх оны мөн үеэс 10.3 хувиар буурсан байна.

Монголбанк үнэт металл худалдан авах үнийг дэлхийн зах зээл дээрх үнээр тогтоодог бөгөөд 2025 оны аравдугаар сард алтны дундаж үнэ 466 мянган төгрөг байжээ.

Эдийн засагчдын үзэж буйгаар дэлхийн алтны үнийн хэлбэлзэл, дотоодын алт олборлолтын хэмжээ болон валютын ханшийн өөрчлөлт зэрэг хүчин зүйлс нь алтны худалдан авалтын хэмжээнд нөлөөлсөн байна. Тухайлбал, сүүлийн зургаан жилд хамгийн өндөр худалдан авалтыг 2020 онд хийсэн байна.

Монголбанк дотоодын алт олборлогчид, аж ахуйн нэгжүүд, иргэдээс худалдан авсан алтыг олон улсын жишигт нийцүүлэн цэвэршүүлж, мөнгөжүүлэн гадаад валютын улсын албан нөөцийг нэмэгдүүлэхэд ашигладаг юм.