Улс төр

Ерөнхийлөгч Х.Баттулга азарганы түрүү авсан О.Батбилэгийн галаар зочлов

Монгол Улсын Ерөнхийлөгч Х.Баттулга Үндэсний их баяр наадмын хурдан азарганы уралдаанд азаргаа түрүүгэсэн улсын тод манлай уяач О.Батбилэгийн галаар зочиллоо.

Тулгар төрийн 2228 жил, Их Монгол Улсын 813 жил, Ардын хувьсгалын 98 жилийн ой Үндэсний их баяр наадмын азарганы уралдаанд 163 хурдан азарга шандсаа сорьсноос түүний зээрд халзан азарга тод манлай, торгон жолоо өргүүлсэн юм.

Монгол Улсын Ерөнхийлөгч Х.Баттулга тод манлай уяач О.Батбилэгийн галаар зочлохдоо зээрд халзан азарга нь түрүүлж, наадамчин олноо баясгасанд нь баяр хүргэж, хөөрөг зөрүүлсэн юм.

Энэ үеэр улсын тод манлай уяач О.Батбилэг Төрийн тэргүүн морилон саатаж байгаад бэлэгшээж, “…Дорнод аймгийн Баянтүмэн суманд мал очоод 10 гаруй жил болж байна. Энэ жил Цээл, Бурхант ууланд уяа гарч, Налайхын урд Буурлын давааны энгэрээр байрлаж сунгаандаа оролцсон. 10-аадхан хоногийн дараа Их хурд болно. Өмнө нь манай хээр азарга Их хурдад түрүүлж байсан юм. Энэ жил халзан азарга маань наадамд түрүүллээ” хэмээн наадмын сонин сайхнаас хуучиллаа.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close