Сайжруулсан түлшний стандарт шинэчлэгдлээ

Засгийн газраас 2018 оны хоёрдугаар сарын 28-ны өдрийн 62 дугаар тогтоол гарч “Түүхий нүүрс хэрэглэхийг хориглох тухай” Агаарын бохирдлыг бууруулахтай холбогдуулан Улаанбаатар хотын зарим дүүргийн нутаг дэвсгэрт үйл ажиллагаа явуулж байгаа цахилгаан, дулааны эрчим хүч үйлдвэрлэх тусгай зөвшөөрөлтэй аж ахуйн нэгжээс бусад иргэн, аж ахуйн нэгж байгууллагуудыг өнгөрөгч тавдугаар сарын 15-ны өдрөөс эхлэн түүхий нүүрс хэрэглэхийг хориглосон шийдвэр гарсан.

Дээрх асуудлын хүрээнд Эрчим Хүчний Сайдын 2019 оны 04 дүгээр сарын 08-ны өдрийн 112 дугаар тушаалаар Ажлын хэсэг байгуулагдан 2014 онд шинэчлэн батлагданаас хойш даруй 5 жилийн хугацаа өнгөрсөн MNS5679 “Сайжруул санхатуу түлш. Техникийн шаардлага” стандартад үзлэг хийн, зохих стандартчиллын ажлыг явуулж шинэчилжээ.

Шинэчилсэн стандарт нь өнөөгийн шахмал түлш үйлдвэрлэлийн техник, технологийн ололт, туршилтын хүрсэн үр дүнг тооцоолон техникийн шаардлагад нийцүүлж, стандартын агуулгад тогтоосон техникийн шаардлагыг дээшлүүлсэн бөгөөд ойлгомжтой, хэрэглэхэд хялбар хүртээмжтэй болсон юм байна.

Энэхүү стандартын дагуу үйлдвэрлэсэн Сайжруулсан хатуу түлш нь агаарт ялгаруулах утааны хор аюултай бохирдлын хэмжээг зохих хэмжээгээр бууруулж байгаа нь лабораторийн шинжилгээгээр нотлогдсон бөгөөд экологи, хүн амын эрүүл мэндэд үзүүлэх сөрөг нөлөөг зохих түвшинд бууруулна хэмээн эрдэмтэн, судлаачид тооцоолсон болохыг Стандартчилал хэмжил зүйн газраас тодотголоо.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн