Монгол Улсад суугаа БНСУ-ын элчин сайдын алдаатай үйл ажиллагаа тус улсын гадаад бодлогод саад учруулж болзошгүй хэмээн болгоомжилж буй хэдий ч дорвитой арга хэмжээ авч чадахгүй байгаа нь түүний бүрэн эрхтэй холбоотой гэсэн мэдээллийг Mglradio-гийн Солонгос мэдээний буланд нийтэлжээ.
Манай улсад суух ЭСЯ-ны нэгэн ажилтны мэдээлснээр элчин сайд А нь өөрийн захиргааны гүйцэтгэх ажилтнуудаас гадна харуул, тогооч нараа дарамтлан, доромжлохын зэрэгцээ туслах ажилтнаа дураараа сольдог гэсэн байна.
Мөн тэрээр өөрийн эхнэр болон тогоочтой ярилцсан бичлэгийг бичиж эзнийх нь зөвшөөрөлгүйгээр бусдад дамжуулжээ. Үүгээр зогсохгүй шинэ журам гарган Монгол ажилтныг туслахаараа томилсон нь БНСУ-ын визний мэдүүлэгт хөндлөнгөөс оролцон өөрийн дураар худалддаг болсон гэх сэжиг төрүүлээд байгаа аж.
Элчин сайд А нь Монгол улс дахь ЭСЯ-ны төсвийн хөрөнгийг хувьдаа завшиж ирсэн гэх хардлага гарах олон үйлдлийг хийж ирсэн хэмээн мэдээлэгч ярьсан гэжээ.
