Нийгэм

Мазаалайг хамгаалахад зориулж БНХАУ-аас манай улсад 660,143 юанийн өртөг бүхий тоног төхөөрөмж өгчээ

БНХАУ-аас БОАЖЯ-нд мазаалайг хамгаалахад зориулан ашиглах 660 мянга 143 юанийн өртөг бүхий судалгаанд шаардлагатай тоног төхөөрөмжийг хүлээлгэн өглөө. Энэхүү төхөөрөмжийг Говийн их дархан цаазат газрын А хэсгийн хамгаалалтын захиргаа, Монгол талын судлаач нар ашиглаж мазаалай хамгаалахад хяналт тавьж ажиллах юм.

Монгол Улс болон Бүгд Найрамдах Хятад Ард Улсын Засгийн газар хоорондын 2017 оны тавдугаар сарын 12-ны өдрийн солилцох захидалд үндэслэн БНХАУ-ын Засгийн газраас Монгол Улсын говийн мазаалай баавгайг хамгаалах техникийн туслалцаа үзүүлэх төслийг хэрэгжүүлэхээр шийдвэрлэсэн.

Энэ дагуу Монгол Улсын говийн мазаалайг хамгаалах чиглэлээр техникийн туслалцаа үзүүлэх төсөл хэрэгжүүлэх тухай хэлэлцээрийг 2018 оны дөрөвдүгээр сарын 18-ны өдөр байгуулсан байдаг. Төслийн хүрээнд Монголын говийн мазаалайг хамгаалах төслийн техникийн туслалцааны хөтөлбөрийн эхний шатны судалгааны ажилд шаардлагатай техник тоног төхөөрөмжийг хүлээлгэн өглөө.

Уг арга хэмжээнд БОАЖЯ-ны ХБОБНУГ, БНХАУ-аас Монгол Улсад суугаа Элчин сайдын яамны албаны төлөөлөгчид оролцов гэж БОАЖЯ-наас мэдээллээ.

d692f3_IMG_9857small_x974 Мазаалайг хамгаалахад зориулж БНХАУ-аас манай улсад 660,143 юанийн өртөг бүхий тоног төхөөрөмж өгчээ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close