Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Ангийн хамгийн муу англи хэлтэй хүүхэд англи хэлний багш болсон түүх – updown.mn

Ангийн хамгийн муу англи хэлтэй хүүхэд англи хэлний багш болсон түүх

Зуугийгийн Англи хэл сурах зөвөлгөө:

Би 10 жилд байхдаа бүр төгсөн төгстлөө ангийнхаа хамгийн муу англи хэлтэй сурагч байлаа. Гэхдээ би 10 жилээ төгссөнийхөө дараа Англи хэлийг маш эрчимтэй сурч, Малайзд Магитсрийн зэрэг, Америк Виржиниагийн Технологийн сургуульд Англи хэлний багш болон одоо Өмнөд Сиатлийн Дээд Сургуулийн Зочид Буудлын Менежент чиглэлээр суралцдаг. Бас 2012 оноос анх ном орчуулж, хэвлэгдэж гаргасан болоод хэвлэгдэж амжаагүй 10 гаруй ном зохиолтой болсон. Мөн НҮБ-н Хорт бодисын тухай хууль боловсруулалтан дээр Монголын талыг хариуцан орчуулагчаар ажиллах болоод синхрон орчуулга хийх гэх мэт нэлээд олон ажиллууд дээр ажиллаж байсан.

За тэгэхлээр ангийн хамгийн муу Англи хэлтэй хүүхдээс яаж өдий хүрсэн тухай хэдхэн энгийн зүйлсийг хуваалцая. Та хэд маань хэрэгжүүлж үзээд бас амжилтанд хүрээрэй.

1. 📎Англи хэлний сургалтанд бүү суу. Тэгэж цаг мөнгөө хэзээ ч битгий үрээрэй. Та нар өөрсдөө боддоо. Хэдэн сургалтанд суугаад, мөнгөө төлөөд л юу ч сурахгүй үлдчихдэг. Ихэнхи сургалтууд зүгээр л дүрмээр бөмбөгддөг. Өөрсдөө ч Англиар ярьж чадахгүй багш нар заадаг. Би нэг ч удаа тэр гадуур байдаг сургалтанд сууж байгаагүй.

2. 📎Англи хэл дээр subtitle-тай кино үз. Орчуулгатай кино битгий үзэж бай. Хүн сонссоор байгаад ойлгодог болчихдог. Кино бол амьдрал. Амьдралын хамгийн энгийн зүйлсүүд тэнд гарч бас хэлэгдэж байгаа. Би Гэртээ Ганцаараа киног их үздэг байсан.

3. 📎Үг битгий цээжил. Хэзээ ч бүтэхгүй. Ганц үг мэддэг байгаад яахын. Ямар ч хэрэггүй, маргааш нь л мартана. Харин түүний оронд бүтэн өгүүлбэр цээжил. Өглөөний цай гэдэг ганц үг цээжлэхийн оронд “Та өглөөний цайндаа юу уусан бэ?” гэдэг өгүүлбэрийг цээжил. Ганц үг мэдээд эргэн тойронд нь юу хэлэхээ мэдэхгүй зогсосноос шал өөр шүү. Би орой бүр нэг өгүүлбэр цээжлээд маргааш нь Америк найзаасаа очиж асуугаад, нөгөөдөр нь дахиад асуугаад тэгээд өдөр болгон асуусаар байгаад амандаа орлуулчихдаг байсан.

4. 📎Өдөр бүр нэг хуудас Англи ном унш. Ойлгосон ч ойлгоогүй ч уншаад л бай. Би тэгдэг л байсан. Уншаад байхаар олон уншигдсан үг нүдэнд тогтоогдчихдог. Тэр үгээ дараа нь юу юм болоо гэж тольноос хараад мэдээд авчихсаны дараа шууд толгойд үлддэг. Бас өгүүлбэрийн зүй тогтлыг маш сайн мэдэж авдаг.

5. 📎Англи дуу сонс. Дагаж дуул. Үнэхээр үр дүнтэй. Хэд сонсоод гайгүй толгойдоо оруулчих. Тэгээд дараа нь lyrics буюу үгийг нь олж аваад тэрийгээ хараад дуулаад үз. Бүр гоё. Тэгээд хэсэг хугацааны дараа автобусан дотор явж байхдаа Англиар дуулаад л явдаг болно шүү дээ. Demi Lovato, Kelly Clarkson нарын дуу маш цэвэрхэн бас дагаж дуулахад их амар байдаг шүү.

6. 📎Дүрмийг март. Битгий л тэр дүрэмтэй зууралдаж цагаа алдаж, өөрийгөө зовоогоорой. Ямар ч хэрэггүй. Монгол багш нар өөрсдөө ч ойлгохгүй байж нөгөөдүүлээ 5-р ангиас эхэлж заагаад 10 анги төгсөх гэж байхад л нухаад л бид нар юу ч ойлгохгүй. Тэгээд л Англи хэлэнд дургүй болдог. Би дүрмүүдээ мэдэхгүй гэхдээ Англиар зөв ярьдаг. Хэл чинь хэрэглээ. Шинжлэх ухаан биш. Бид нар Монгол хэлээрээ ярихдаа ямар дүрмээр ярьж байгаагаа мэдэхгүй ч зөв ярьдаг. Түүнтэй л адил.

7. 📎Америк, Англи найзуудтай бол. Сурсан шиг сурая гэж бодож байгаа бол жинхэнэ сурах ёстой хүмүүсээсээ сур. Ядаж зөв аялагатай болно. Тэр хүнтэй харилцахын тулд та дотроо байгаа бүхнээ шавхана. Өөрөөсөө ичнэ. Гэртээ очиж хэдэн өгүүлбэр харна. Нөгөө хүнээсээ яаж хэлэх вэ гэж асууж шалгаана. Би тийм л байсан. Би Америк найзуудыгаа ойлгохгүй ч гэсэн дагаад л явдаг байсан. Сарын дотор ямар үр дүн гарахыг та ёстой төсөөлөхгүй.

8.📎Хэзээ ч битгий ич – Ёооё хүмүүс намайг ямар их шоолдог байсан гээч. Би ёстой ичихгү яриад л байдаг байсан. Инээх ёсгүй юман дээр инээлээ барилаа гээд л намайгаа их доош нь хийдэг байлаа. Өмнө нь намайг шоолдог байсан олон хүмүүс надаас одоо ийм тийм юм хийгээд орчуулаад өгөөч гэж их гуйдаг.

9. 📎Хэзээ ч битги зогс– суралцаад л бай. Би одоо ч гэсэн шинэ өгүүлбэр цээжилж аваад анги дээрээ очоод хүмүүстэй ярилцдаг. Заримдаа бүр Нобелийн шагнал авсан сэдвүүдийн талаар ярилцах нь ч бий. Мэдэхгүй юм чинь тэгэхээс яахав. Өмнөх орой нь бэлдэж аваад л гарна шүү дээ.

10. 📎За тэгээд эцэст нь хэлэхэд одоо хэн байх нь биш ирээдүйд хэн болчихсон байх нь чухал шүү дээ. Өөрийгөө мундаг гээд бодчихсон юу ч хийдэггүй хүн болоод өнөөдөр юу ч мэдэхгүй хэрнээ гурван жил хичээгээд мундаг болчихсон хүн байдаг. Тэр үед нөгөө өөрийгөө чухам мундаг гээд боддог хүмүүс буцаагаад царайцлаад гуйдаг юм шүү. Тийм болохоор өнөөдрөөс эхлээд хичээгээрэй.

Эх сурвалж: arigatoukanji.com

6 thoughts on “Ангийн хамгийн муу англи хэлтэй хүүхэд англи хэлний багш болсон түүх

  1. зочин 2019-03-30 17:37 at 17:37

    маш зөв байна. гэхдээ нэг юм дутуу байна. төрөлх хэлтэйгээ уялдуулж буюу төрөлх хэл дээрээ санааг нь буулгаж сурах гэсэн нэг юм бий.

    Хариулах
    1. Нэргүй 2019-10-30 22:14 at 22:14

      баярлалаа

      Хариулах
  2. mngl 2019-03-31 13:31 at 13:31

    mundag

    Хариулах
  3. ааа 2019-03-31 19:00 at 19:00

    Сайн л бн, гэхдээ тийм ч амар биш, тэгж санаан зоргоор бүтдэг юм гэж байхгүй

    Хариулах
  4. Чиглэл 2019-03-31 22:28 at 22:28

    Би социалист хөдөөгийн хүүхэд 7-р ангиас анх орос хэл үзсэн. 70-иад оноос англи орос хэл орост сурсан. Хүний зөвлөлгөөгөөр бус хувь тавилаангаараа гэхүүдээ. Тооны хичээлд дуртай, ерөөсөө монгол хэл, хэлний хичээлд 4-өөс дээш дүн авдаггүй байсан. Одоо бодоход хэлний авъяасгүйг минь багш нар маань аль эрт мэддэг байж. Гэтэл би гэдэг мангуу 40 жил хэлээрээ хоол олж идэж, гэр бүлээ тэжээж амьдарваа. Превратность судьбы гэдэг нь энэ юм болов уу гэж насны эцэс бодож явна даа.

    Хариулах
    1. Нэргүй 2019-04-01 03:49 at 03:49

      Wow

      Хариулах

ааа-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн