Индонез улсын Нэгдсэн хөгжлийн намын дарга М.Ромахурмузийг гуравдугаар сарын 15-нд баривчилсан нь тус улсын Шашны харилцааны яамтай холбоотой ээлжит таагүй үйл явдлын нэг болов. Өнгөрсөн хугацаанд тус яамны хоёр ч сайд авлигын хэргээр хоригдох ял авсан юм.
2005 онд шашны өвийн сангаас 719 тэрбум Индонез рупи (73.5 сая ам.доллар)-ийг завшсан хэргээр сайдаар ажиллаж байсан Саид Агил Ал Мунаварт таван жилийн хорих ял оноосон бол 2016 онд Жакартагийн Авлигын хэргийг хянан шийдвэрлэх шүүх Нэгдсэн хөгжлийн намыг М.Ромахурмузигийн өмнөхөн даргалж байсан Суриядарма Алиг эрх мэдлээ урвуулан ашиглаж, тус яамны үйл ажиллагааны зардал, мөн шашны өвийн санд их хэмжээний хохирол учруулсныг тогтоон зургаан жилийн хорих ял оноосон байна.
Дээрх хоёр албан тушаалтан мөнгө завшсан болон их хэмжээний мөнгөн дүнтэй хохирол учруулсан байгаа юм. Харин ноён Ромахурмузийг Индонезийн ууган Ислам шашны намын даргын хувьд өөрийн эрх мэдэл, нөлөөг ашиглан Шашны харилцааны яамны зүүн бүсийг хариуцсан өндөр албан тушаалд Муафак Вирахади, Харис Хасанудин томилуулахаар тохиролцон, 300 сая рупийг хахуульд авсан хэмээн баривчилжээ.
Эх сурвалж: straitstimes.com
