Бүсгүй та өөрийн биеийн жиндээ сэтгэл хангалуун, итгэл төгс алхахыг хүсч байгаа бол цагаан будааны шүүсний тураах дэглэм танд эрүүл аргаар турахад туслах болно. Цагаан будаа нь бүхэл үр тариан бүтээгдэхүүний хамгийн дээд зэргээр боловсорсон нэгэн төрлийн үр тариа юм. Тиймээс цагаан будааны шүүс олон төрлийн амин дэм, эрдэм бодис агуулж байдаг бөгөөд хүний гоо сайхан, арьс, үс арчилгаа төдийгүй илүүдэл жин, өөх тосыг хайлуулан хөөж, дотор эрхтэнийг цэвэрлэдэг хамгийн их ач тустай аж. Тиймээс цагаан будааны шүүсийг хэрхэн гаргаж авах аргыг танилцуулж байна.
500гр цагаан будааг цэвэр хүйтэн усаар 1 минут орчим зайлж угаана. Ингээд угаасан усыг сайтар шүүж аваарай. Цагаан будааг хуурай, дулаан нөхцөлд 5 минут орчим амраана. Үүний дараа 8-9 цайны аяга цэвэршүүлсэн ус хийж 15-20 минут тасалгааны температурт байлгана. Ингэхэд будааны шүүс цагаан цэхэр өнгөтэй болно. Халбага эсвэл сэрээгээр зөөлөн хутгаж холиорой. Ингээд будааны шүүсийг цэвэр саванд шүүж аваад хоолны өмнө өдөрт 2-3 аягыг уугаарай. Ингээд 14 хоног уугаад 5 хоног завсарлаад дахин 14 хоног ууна. Таны хоолны шингэц сайжирч, бодисын солилцоо сайжирч идсэн хоол хурдан шингэнэ. Мөн энэхүү шүүсээр өглөө оройд нүүрээ шавшиж угаах, үсээ шавшиж, зайлж угаахад танд зүйрлэшгүй сайн байгалийн гоо сайхны эмчилгээ болно.
