Байгал нуур далай болж, Монгол Улсын зүүн хэсэг сална

Байгал нуурын эрэг тал тал тийшээ  жилд хоёр сантиметрээр тэлдэг. Энэ үзэгдэл эцэст нь ямар үр дүнд хүргэх вэ?

Манай гараг дээрх бүх нуур 20 мянга хүрэхгүй жилийн настай. Учир нь нуурууд Мөстлөгийн үеийн дараах мөснөөс үүссэн юм. Харин Байгал нуур бол өөр төрлийн нуур. Үүнийг тайлбарлая.

Нэгдүгээрт, энэ нуур бусад нууруудаас хэдэн мянга дахин “хөгшин”. Өөрөөр хэлбэл 30 сая орчим жилийн настай.

Хоёрдугаарт, бусад нуурууд жил ирэх тусам багасч байхад Байгал нуур эсрэгээрээ нэмэгддэг.

 

Учир нь Байгал нуур Евразийн болон Амурын гэсэн хоёр литосфер тавцангийн заагт үүссэн. Гэтэл Амурын тавцан Евразийн тавцангаас Японы зүг алгуурхан “хөвж байгаа” аж. Өөрөөр хэлбэл зүүн урагш нүүдэг гэсэн үг.

Үүний улмаас Байгал нуур улам өргөн болдог байна. Эрдэмтэд уг Байгал нуурыг нуур биш, харин залуу тэнгис гэсэн таамаглал ч дэвшүүлдэг.

Үүний дээр тавцангийн нүүдэл удаашрах нь битгий хэл эсрэгээрээ нэмэгдэх болжээ. Өмнө нь Байгал нуур жилд 1,6 мм-ээр л нэмэгддэг байсан бол өдгөө түүний хурд 12 дахин өсөж, жилд 20 мм нэмэгдэх болсон байна.

Энэ хурдаар явбал нэг сая жилийн дараа Амурын тавцан Евразийн тавцангаас 20 км-ээр, харин 30 сая жилийн дараа 600 км-ээр холдох юм.

Үүнтэй зэрэгцээд Байгал нуур тэнгис болон хувирч, нарийн яривал Агнуурын болон Шар тэнгисийг холбосон хоолой болно. Ингээд 5 сая орчим км2 талбайтай шинэ арал үүснэ.

Энэ бол Гренландаас хоёр дахин том арал гэсэн үг. Өөрөөр хэлбэл шинэ арал дэлхийн хамгийн том арал болно.

Хэрвээ хэдэн сая жилийн дараа хүн төрөлхтөн яг энэ байдлаараа буюу онцгой өөрчлөгдөхгүй гэж сэтгэвэл Эрхүү Байгалын хоолойн томоохон боомт болно. Мөн далайд гарцгүй Монгол Улс ч өөрийн гэсэн флот, Улаанбаатар боомттой болно гэсэн үг.

Энэ бол нэг талаар амжилт. Гэхдээ шинэ арал Орос, Хятад, Монгол болон хоёр Солонгосын газар нутгийг хуваана.

Уг арлыг эх газартай холбосон гүүр барина гэвэл ямар ч ашиггүй. Учир нь тавцан цаашид ч үргэлжлэн нүүсээр байх аж. Гэхдээ магадгүй тэр үед сунадаг гүүр барих арга олдох ч юм бил үү.

Үүний зэрэгцээ дэлхийн дулаарал энэ хэвээр үргэлжилбэл Амурын арал /шинэ арал/ тропикийн уур амьсгалтай байна гэсэн үг. Энэ нь Магаданы эрэгт далайн амттан зарагдаж, Якутад серфингийн хэдэн зуун сургууль нээгдэж, наранд борлосон монгол аврагчид эргийн дагуу морьтой эргүүлд гарна гэсэн үг юм.

Япон яах вэ?

Япон улс Амурын тавцангийн зүүн эрэгтэй мөргөлдөж, энэхүү цохилтын улмаас үүссэн шавар хоёр арлыг нэгтгэнэ. Япон улс шинэ арлын нэг хэсэг болох бөгөөд илүү уулархаг, илүү газар хөдлөлтөд өртөмтгий болно. Сахалин, Курил ч мөн арал байхаа болино.

Мэдээж энэ бол уран зөгнөл. 30 сая жилийн дараа хүн төрөлхтөн хаа нэгтээ, хөрш галатик руугаа нүүж ч мэднэ, эсвэл үүнээс өмнө өөрөө өөрсдийгөө устгачих биз ээ.

Эх сурвалж: esoreiter.ru

updown.mn

Мэдээний админ

Learn More →

15 thoughts on “Байгал нуур далай болж, Монгол Улсын зүүн хэсэг сална

  1. zochin 2019-02-21 13:13 at 13:13

    Goyo bichver baina. Mash goyo tusoologdood unshaad duusch baital,эсвэл үүнээс өмнө өөрөө өөрсдийгөө устгачих биз ээ. gesen oguulber garch irj gonsoilgov. Ene heseg iluudchihjee.

    Хариулах
    1. Нэргүй 2019-08-06 15:20 at 15:20

      pohaahaha jinken gqlzuugiin emnelegiin amitan bichje 1say jiliin daraah yumiig bicheed ..yaana genuu guur barih geheer nuune tegvel sunadag guur baridag ch yumuu genuu aaahaha ..yaagad iim umbuu yumbe bid …100n jiliin daraa gej yaridag blh say jiliin daraahiig yaridag erdem medlegtei hun gej duulaaguin bna yaana da

      Хариулах
  2. зочин 2019-02-21 13:21 at 13:21

    ха ха ха

    Хариулах
  3. Зочин 2019-02-21 13:33 at 13:33

    Сонин мэдээ байна. Мэдээж Монгол мѳнхѳд орших гэж юу байхав. Хүн тѳрѳлхтѳн аль хэдийн сүйрчихээд байхад тэнд үүсэх Улаанбаатар боомт хэнд хэрэгтэйв дээ? Баттулгын сүнс л тэр үед говийн нэгэнт шавхагдсан нүүрсийг шинэ арал руу зѳѳх гэж зүтгэж явах болов уу.

    Хариулах
  4. ??? 2019-02-21 13:35 at 13:35

    Далай биш булан болно гэж байна. Ийм тохиолдолд Байгаль нуур байхгүй болно. Тээр дор Япон тэнгисийн булан л харагдах байх. Бид арлын улс, аан?

    Хариулах
  5. МАНАН 2019-02-21 13:41 at 13:41

    Улс төрд олон сонгогдоод, худлаа их амлаад ирэхээрээ ийм юм сэтгэгдээд байдаг байхгүй юу

    Хариулах
  6. Зочин 2019-02-21 14:10 at 14:10

    Байгаль нуурын усны түвшин жилд багасч байгаа шүү дээ.

    Хариулах
  7. далайд 2019-02-21 16:54 at 16:54

    Удахгүй далайд гарцтай болох нь дээ ашгүй

    Хариулах
    1. Нэргүй 2019-08-06 16:02 at 16:02

      Харин тийн. Тэр үед л монгол маань нэг хөгжих баых даа. Тээ!

      Хариулах
    2. Зочин 2019-08-06 17:25 at 17:25

      Нээрээ удахгүй юм байна. 30-хан сая жил…

      Хариулах
  8. КВАРЦ 2019-02-23 22:03 at 22:03

    30 сая жилийн дараа дэлхий дээр хүн амьдрах нь юу л болдоо энэ байдлаараа. Удахгүй 4-5 сая жилийн дараа эсвэл түүнээс ч богино хугацаанд галав юүлэх байх гэдэгт итгэлтэй байгаа.

    Хариулах
  9. ч 2019-08-06 15:25 at 15:25

    Хэнд ч хэрэггүй мэдээлэл байна. Юун сая. хэдэн зуун жилийн дотор хүн төрлөхтөн хамаг дэлхийг болон өөрийгөө устгаад дуусах байлгүй.

    Хариулах
  10. Нэргүй 2019-08-06 16:29 at 16:29

    За мэдэхгүй сая жилийн дараа юм юм л болох биз. Харин сая жил хүрэхгүй л манай гариг өөр ертөнц болох болуудаа. Одоогийн энэ их өөрчлөлтийг бодоход сая жил ч арай л хэт ирээдүй байнадаа.

    Хариулах
  11. Зочин 2019-08-06 17:21 at 17:21

    Яг манай төмөр замын дагуу хуваагдах юм байна. Зүүн гурван аймаг арал дээр цөллөгдөх нь ээ. Бээжин мөн хоёр хуваагдах бололтой. Улаанбаатар – Бээжингийн галт тэрэг далайн эргээр явдаг болох юм байна. Байгал нуурын цэнгэг ус далайн шорвог ус болох нь. Шинэ арал дээр монгол, орос, хятад, солонгос, япон хүмүүс шахцалдаж амьдрах бололтой. Ингээд бичээд байвал юм юм л болох янзтай… 30 сая жилийн дараа харцгаая.

    Хариулах
  12. Ха ха 2019-08-06 19:23 at 19:23

    20 н оны сонгуулийн амлалтандаа оруулаач далайд гарцтай болно гээд л 76 аа

    Хариулах

КВАРЦ-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн