Хямдралтай худалдаа нэрийн дор хэрэглэгчдийг төөрөгдүүлж байна

Шударга өрсөлдөөн хэрэглэгчийн төлөө газраас үйлдвэрлэл үйлчилгээ эрхлэгч аж ахуйн нэгж, сүлжээ дэлгүүрүүд, худалдааны төвүүдээс зарласан бараа бүтээгдэхүүний хямдралтай худалдаанд хяналт шалгалт хийжээ. Шалгалтаар холбогдох хууль, тогтоомжийг зөрчсөн нийтлэг зөрчлүүдийг илрүүлж, холбогдох газруудад зөвлөмж хүргүүлсэн байна.

Хямдралтай худалдаа зарлахдаа аж ахуйн нэгж байгууллагууд бодит бус мэдээллээр иргэдийг төөрөгдүүлсэн зөрчлүүд их гарчээ. Тодруулбал, дэлгүүр, худалдааны төвүүд гадна талдаа хямдрал зарласан гэх боловч хямдралтай бараа бүтээгдэхүүн нь хараахан худалдаанд гараагүй, хямдралын хугацаа нь тодорхойгүй, хямдарсан болон хямдраагүй бүх бараа бүтээгдэхүүний үнийн шошгон дээр хямдрал зарласан мэт мэдээллийг байршуулсан, эсвэл үнийн шошгогүй, ямар төрлийн бараа хямдарсан нь тодорхойгүй боловч гадна талбайдаа 50-70 хувь хямдарсан мэтээр бодит бус сурталчилгаа явуулж байсан аж. Тиймээс ШӨХТГ-аас худалдаа, үйлчилгээний газруудад зөвлөмж хүргүүлж, цаашид хуулиар хориглосон зар сурталчилгаа, мэдээллийг түгээсэн, хэрэглэгчийг төөрөгдүүлсэн, худал мэдээлэл өгсөн тохиолдолд Зөрчлийн хуулиар хариуцлага тооцохыг мэдэгдсэн байна.

97f913c82c35679256d6db19032f5ab6 Хямдралтай худалдаа нэрийн дор хэрэглэгчдийг төөрөгдүүлж байна

553afd692641c25e2f7744203a2930bc-724x1024 Хямдралтай худалдаа нэрийн дор хэрэглэгчдийг төөрөгдүүлж байна

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.