“Эрдэнэт” үйлдвэрийн захирал Х.Бадамсүрэн 180 саяар тансаглажээ

-“Эрдэнэт” үйлдвэрийн захирал Х.Бадамсүрэн 200 гаруй саяын тансаг тавилгаар гэрээ тоногложээ-

Насаараа үйлдвэрт ажилласан зургаан эрийн гэр бүлд орон сууц авч өгөх хэмжээний мөнгөөр  “Эрдэнэт” үйлдвэрийн захирал Х.Бадамсүрэн гурван өрөө байраа тохижуулжээ. Х.Бадамсүрэнгийн байр гурван унтлагын өрөөтэй юм байна. Нөгөө хоёр өрөөнд нь тус бүр 10 саяын унтлагын иж бүрдэл, ажлын өрөөгөө 8,6 саяын тавилгаар “тоногложээ”. Харин өөрийнхөө өрөөнд нийт 63 сая зарцуулж MELODIA брэндийн унтлагын өрөөний тансаг иж бүрдэлийг 25,5 сая, нэмээд 15 саяын хувцасны шүүгээ, 8,1 саяын коммодоор хослуулсан байна. Түүнчлэн DONATELLO брэндийн буйдан 21,5, MELODIA брэндийн зочны өрөөний иж бүрдэл 20, жижиг ширээ 3,2 саяар тус тус авчээ.

Х.Бадамсүрэн захирлын тансаг тавилгаар тохижуулсан байр нийтдээ 200 сая хол давсан байна. Түүний тансаглал өмнө үүгээр дуусахгүй. Өмнө захиралын сэнтийд дөнгөж залраад 01 тоот тушаал гаргаж өөртөө 300 саяар машин авч байсан, 24 саяаар байраа тохижуулсан зэрэг нь өмнө нь ил болж байсан юм.