Цөвүүн цагийг гэтлэх өвгөдийн гэрээслэл буюу Богдын бошго

2018-12-29 12:259min34
bna

Бурханч лам Г.Пүрэвбат

1911 оны 12-р сарын 29-нд 8-р Богд Жавзандамба хутагтыг Монгол улсын шашин төрийг хослон баригч Наран гэрэлт түмэн наст гэгээн хаанаар өргөмжилж тусгаар улсаа тунхаглан зарласан бахдам түүхтэй ард түмэн билээ бид.

Өнгөрсөн цаг хугацаанд Монголчууд өвөг дээдсийнхээ үлдээсэн сайхан соёлыг орхигдуулан гээгдүүлснээс болж маш их зүйлээ алдсан. Ялангуяа өөрсдийн Цогт эрдэнэ болохуйц монголчуудын соёлын тусгаар тогтнол, эв нэгдэл нягтрал, ирээдүйд хөгжих сайн сайхны гэрээслэл бүхнийг умартсан нь тун харамсалтай юм. Богд маань жирийн хүн биш байсан.

Богдтой адилхан мянга мянган эрдэмтэн мэргэд, суутнууд Монголд байсан гэдгийг батлах жишээг би өнөөдөр нэг зүйл дээр тодруулан ярих гэсэн юм. Аливаа зүйлийг урьдчилан зөгнөж буюу ирээдүйг бошголж, бошголсон бошго нь үнэн гэдэг нь батлагдаж үлдсэн хүн тун цөөхөн байдаг юм. Ирээдүйг урьдчилан харна гэдэг агуу хүмүүсийн хийх зүйл, энэ бол маш их мэргэн ухаан, уг хүний эрдэм шидийг илтгэж байгаа явдал юм.

Бурхны шашинтай холбоотой олон сайхан эрдэмтэн бошгууд байдаг. Нострадамус бошго айлдсан гээд бид бүхэн яриад, номыг нь орчуулж уншаад, баримтат кино хийгээд үзэж байна. Хэдийгээр бошгууд нь байдаг ч он цаг нь тодорхойгүй, аль оронд хэзээ болохыг тодорхой заасан нь ховор, тийм муу цаг болоход түүнээс яаж урьдчилан сэргийлэх арга зам нь байдаггүй.

Монголчуудын бошгуудын талаар Монголчууд ерөнхийдөө мэддэг хэрнээ тодорхой сайн мэддэггүй. Ингээд:

Богдын ирээдүй цагийг бошголсон бошгыг та бүхэнд хүргэе

Энэ бошгоор энэ хүн эгэл хүн биш байсан гэдэг нь нотлогддог юм. Муу цаг буюу 5 цөвүүн дэвэрсэн цагт голчлон бошгоо зориулсан байдаг. 5 цөвүүн гэдэг нь 5 зүйлийн муу зүйл ирэх цагт миний гэрээслэлийг та бүхэн санаарай, даган мөрдөөрэй, тэгвэл та бүхэн аврагдана шүү, ийм ийм аюул ирнэ, та нар ингэж ингэж аврагдаарай гэж гэрээслэсэн байдаг. 5 цөвүүн гэж юу байдаг талаар тодруулж хэлье:

Амьтан цөвтөх. Амьтдын бие нь багасаж дүрс нь гуа болох, хийж буй ажил үйл нь
муу юманд автагдах биеийн тэнхээ тамир нь хомсдох, залхуу нь ихдэх, оюун нь
мунхрах, наснаасаа эрт хөгшрөх, сэтгэл нь их омогтой болох, эцэг эх танил садан хань нөхөдтэйгээ таарахаа болих, хувраг хүмүүс нь бурхан номондоо сүсэглэх дургүй болж худлаа дүр эсгэх цаг болохыг амьтан цөвтөх цаг гэдэг.

Нисваанисаар цөвтөх буюу сэтгэлийн гэмээр цөвтөх. Хүний хүсэл тачаал, урин
мунхаг уур хилэн, омог харам их түргэдэх буюу давамгайлах, гал мэт бадрах цаг
болохыг нисваанисаар цөвтөх гэдэг.

Нас цөвтөх буюу амьтан наслах насаа насалж чадахгүй богиносох. Их дороо үхэх, зарим нь төрөөд үхэх, ихэнх нь нас залуудаа цаг бусаар нас нь барагдаж үхэх цаг ирэхийг нас цөвтөх гэдэг.

Үзэл цөвтөх буюу амьтны үзэл буруутах. Гурван эрдэнэ хийгээд үйлийн үр зэрэг зөв юманд итгэхээ болиод эргэлзэж тээнэгэлзэх нь олшроод сүүлдээ түүнийг худал гэж санаад, эрдэм ном заасан багш дээдэс, эцэг эхийнхээ ачийг мэдэхээ болиод өргөн хүндэтгэх нь байтугай басамжлан шоолох, зодож нүдэх буруу үзэлд автагдах, зөв юмнаас зугтааж муу юманд автагдах, сайныг муу, мууг зөв гэж эндүүрэх цаг ирэхийг үзэл цөвтөх гэдэг.

Цаг цөвтөх. Одоо цагийн хүний нас 50 байгаа. Энэнээс хойш нас нь улам улам ахар болохын цагт 4 цагийн эх адаг солигдоно гэдэг. Хүний нас 50 хүрнэ гэдгийг ингэж ойлгох хэрэгтэй: хуучин хүн 8 түм насалдаг байсан. 60 жил тутамд нэг нэгээр хорогдсоор байгаад хүнийг 100 насалдаг болох үед Бурхан багш хорвоо ертөнцөд мэндэлсэн гэдэг юм. Бурхан багш 2500, 2600 жилийн өмнө ертөнцөд ирсэн гэвэл одоо хүний нас 50 руу дөхөж яваа. Үүнээс цааш хүний нас 10 хүртлээ богиносох юм.

Түүний дараагаас жаран жарнаар нас нь эргэж нэмэгдсээр 8 түм хүрэхэд Майдар бурхан залрах цаг ирэх юм. Дөрвөн цагийн эх адаг солигдоно гэдэг нь зун хавар мэт, өвөл намар мэт, намар зун мэт болох, магадгүй өвөл гэх цагийн тойм байхгүй болох, хур ус цагтаа орохгүй, салхи хийгээд цас мөндөр хяруу ихдэх, ган турханууд болох, цэргийн хямрал, дайсан хулгай араатнаар хорлогдох, төрөл бүрийн өвчин зовлонгууд хур мэт буух цагийг цаг цөвтөх гэдэг.

Энэ 5 цагийн шинж тэмдэг гарвал 5 цөвүүн дэвэрлээ, муу цаг боллоо гэдэг.Богдын бошгоороо ирээдүйг зөгнөж хэлсэн 13 бошгууд дотроос өнөөдөр хэр биелсэн байна, ирээдүйд биелэх магадлалтай ямар бошгууд байгаа, тийм цаг ирэхэд яаж өөрсдийгөө хамгаалж тэр аюулаас зайлуул гэж хэлсэн байна вэ гэдгийг яръя.

 

.. “Төмөр хулгана жилээс усан бичин жил хүртэл Халх Монголын хойд зүгээс хүн дүрстэй адгуусны байдалтай янз янзын шар нүүртэй, Са.., На.., Я.., Э.. хэмээх нэртэй хүмүүс ирж Монголын дотоод цогт эрдэнийг булааж авна. Энэ үед лам хүн хар хүний боол болно. Лам хүн цэрэгт мордоно. Ядуу гуйланч түшмэл болно. Ноёдууд нохой мэт болно. Хутагт гэгээнтнүүд хар хүний боол болно. Хууль байвч дагах хүнгүй, ном байвч унших хүнгүй. Энэ цагт хүрээ хийд цэргийн балгас болно. Энэ цагт Монголын төр шашин нэрийн төдий болно.” …

Энэ бол 1900-1992 оныг хэлж байгаа. Хүмүүсийн нэр нь хүртэл таардаг шүү, их сонин. Хойд зүгээс ирсэн шар нүүртэн гэж хэн билээ, Оросууд. Олон жил төр засгийн удирдлагууд маань тэдний хараат явсан нь нууц биш. Монголын тусгаар тогтнол бидний цогт эрдэнэ шүү дээ. Энэ цаг үед бид овог язгуураа умартаж, цуутай эрдэмтэн хуврагуудаа толгой дараалан хядаагүй юу?

Үлдсэн хуврагуудыг  цэрэг, үйлдвэрт албадан явуулаагүй юу? Ядуу гуйланч ард төр барьж ноёдууд нохой мэт болоогүй юу? Монголчуудын шүтэн дээдэлж явсан үнэний дээд сургаалыг амьтныг мунхруулагч, түүнийг дамжуулагч хуврагуудыг шар феодал, язгууртнуудаа хар феодал болгож, үүнтэй хамт Монголчуудын өвлөн үлдсэн арван их ухаан бүгд хаягдсан.

Эмнэлэг, зурхай, урлаг, яруу найраг, бүх соёлууд байхгүй болсон. Өвөг дээдсээс шүтэн дээдэлж ирсэн бүх оюуны үнэт эрдэнэ болсон ном судар, бурхан тахилаа бүгдийг үнсэн товрог болгож харийн нутаг руу ачуулсан гээд олон юмыг ярьж болно.

Энэ бүгдийн хор уршгаас өнөөдөр ч бид салж чадаагүй байна. Энэ хэлмэгдүүлэлтээр монголчууд бид маш их юмаа алдсан. Үгсийн сангийнхаа гуравны нэгээр л өнөөдөр ярьж байгаа. Ирээдүйд найдвартай оршин тогтнох, тусгаар тогтнолын баталгаа амин сүлд, цогт эрдэнэ болсон зүйлээ бид алдсан юм. Үндэсний соёл уламжлалаа алдсан ард түмэн үндэсгүй ногоо шиг мөхдөг, түүхийн хөрснөөс арчигддаг. Монголыг түүх шашин хоёроос нь салгавал Монгол Монгол биш болно гэсэн зорилгоор энэ их ажлыг гүйцэтгэсэн байдаг. Өвөг дээдэс, түүх шашинаасаа урвасан хүмүүс коментерний боол болсон. Өнөөдөр бид буруу шашинд урваж, үндэснийхээ шашин соёлын эсрэг буруу зүйл хийж байгаа нь 37 оны Коминтерний бодлогыг хэрэгжүүлсэн урвагч нараас ялгаа юу байна?. Монгол хүн Монгол хүнийхээ гараар энэ бүгдийг хийсэн. Энэ цаг үеийг Богд ямар гайхамшигтай хэлсэн байна аа?.

… “Хонин жилд хийд сүмийн хуврагууд айн зугтааж, хонин бичин жилийн завсар их хаан буурч хойд зүгээс тэрсүүдийн эсэргүү нар Халх орныг хямруулан үйлдэнэ. Хүмүүний суудаг орон бүхэнд цусан гол урсана. Амьтныг зэтгэр эзлэх, сүм хийдийг тагтаа эзлэх, бурхны сүмийг тэмцлийн хороо болгож зандалчид хэрнэ, аяга тахилга гэргий авч, харц бээр хан орыг барина. Хан бээр харц болон буурна.” …

Хонин жил гэдэг нь 1931 он, бичин жил нь 1932 он юм. 1931 он гэхэд ихэнх сүм хийдүүдийг эдийн засаг буюу татвар төрөл бүрийн хураамжаар хяхан хавчиж Монголын сүм хийдүүдийн 90 хувь нь яг энэ үеэр эзгүйрч байсан байна. Энэ үед коментернүүд бодлогоо маш эрчимтэй хэрэгжүүлж, сүм хийд рүү ид дайрч байсан үе юм. Олон зуун хуврагуудыг буудан хороож хэлмэгдүүлснийг бид мэднэ шүү дээ. 20 мянга гаруй лам нарыг буудаж алаа биз дээ. Энэ бол цагаатгах албанаас гаргасан албан ёсны мэдээллийн л тоо шүү. Бүртгэгдэж тоологдоогүй хэдэн зуун мянган хүн алагдсаныг бид мэдэхгүй. Сүм хийдийг тагтаа эзлээгүй гэж үү? Бурхны сүмийг тэмцлийн хороо болгоогүй юу? Зандалчид буюу улаан коментернүүд хэрээгүй юу? Аяга тахилчид хар болж эхнэр авч байж нүүр буруутгахгүй бол амьд гарах аргагүй байсан шүү дээ. Ардууд Монголын төрд гарч харц бээр хан орыг бариагүй юу?

… “Хятад орны чананад буй Япон хэмээх нэгэн хүчирхэг гүрэн Хятад орныг боолчлон улмаар Монгол орны зүг хандсанаар төмөр хонин жилийн намрын эхэн сарын 10 ба 15, мөн сүүл сарын 22 ба 25-ны өдөр Монголчууд хавчлагаар хямран байлдах болно.” …

1931 он буюу төмөр хонин жил Япончууд Манжуурт хөл тавьсан байдаг. Энэ өнгөрсөн бошго бүхнийг айлдвал өнөөдрийн цаг богино, хэлэх гэсэн санаа арвин тул их нарийвчлахаа болъё. Түвдийн Мажиглодмаа гээд мундаг зоч эмэгтэй байдаг. Тэр хүний бошго гайхамшигтай. Яг энэ он цагт ийм юм болно гэж хэлсэн байдаг.

… “Дайсан садан солигдох, сайн муу солигдох, буян нүгэл солигдох, ноён албат, түшмэл зарц солигдох, ажил явдал зан журам бүгд солигдох, үйлдвэр үйлдэх бүгд солигдох, ярих үг чихний гол сонсгол бүгд солигдох, чимэг хэрэгсэл хувцас идээ бүгд солигдох, идээ эд хурааж нөөцлөгдөх бүгд солигдох, нүгэлт баатарлаг зандалчныг магтан хүндэтгэх болно.”..

Үнэхээр дайснаа садан гэж эндүүрээд, садангаа дайсан гээд Монголчууд ах дүү нараа, лам хуврагуудаа алаа биз дээ. Монголыг устгах гэсэн коментерн буюу харийнхантай садан гэж нөхөрлөөд анд болсон шүү дээ. Зөв номлолоо буруу гээд, буруу юмыг зөв гээд өчнөөн олон хүн алсан Сталин, Чойбалсанг хүндэтгэж байгаагүй юу? Оросыг дагаж идэх уух, өмсөх зүүхээ, бичиг үсгээ хүртэл солиогүй юу бид?

Бошгуудын цаг үе ийм нарийн таарч байна шүү дээ. 1532 он буюу хүний нас 60 байх үед цөвүүн цаг эхэлсэн гэдэг юм. Энэ бол Монголын Тогоон төмөр хаан Бээжингээс хөөгдсөнөөс хоёр жарны дараа буюу 120 жилийн дараагаас Монголчууд маш их хямарч эхэлсэн цаг үе байдаг. 2013 оноос улам бүр цаг цөвүүднэ гэж байгаа. Цөвүүн цагийн талаарх 23 бошгуудыг би эх хэл дээрээ орчуулж хооронд нь харьцуулж үзсэн.

Манай эриний 8-р зууны үед амьдарч байсан Энэтхэгийн том бандида ловон Бадамжунай ингэж зөгнөсөн байдаг.

… “Хийд сүмийн эд таваарт хомголзон үйлдэж, гурван шүтээнийг хулгайлж үнэлж худалдана

Эхнэрүүд нялх үрээ алах цаг. Хүн бүхний зүрхэнд нэжгээд нэжгээд чөтгөр орох

Үүний шинж нь биедээ элдэв зүйлийг хувцас хунарыг олон хэлбэр маяг оруулж өмсөнө

Тойд нар хээнцэрлэж санваартаа эзэн болохгүй.

Шямнуус (эмэгтэй лам) нар толинд царайгаа үзэж бас будаж шунхадна.

Газрын эзэн хан ад хийгээд гар хөлчин тийрэн дэлгэрснээр жил бүр

Өөр өөр үг хэлэлцэн элдэв зүйлийн чимэг хувцсаар хувцаслах болно

Эгэл төрөлхтөн ном номлоно

Засалч нар худлаар авшиг өгнө

Мэхлэгч нар их бясалгагч болж хуурна

Хурц хэлтэн хурдан амьтныг цэцэнд тооцно

Эгэл хар хүн хувцас өмсөж тойдын дүр барина

Тойдууд нь ердийн хувцас өмсөөд эхэлнэ

Эмс нь өөрийн эрээсээ үл айна

Өглөг өгсөн эрийг шүтэх

Нэг эм есөн эрийн хойноос гүйнэ

Эр нөхрөө захирах, эцэг эхээ үл хүндлэх

Бурхны дүрийг үзэвч бишрэхгүй

Будаг шунхтай хайрцагандаа үлэмж баясна

Алт мөнгөөр чимэн тойд хуврагуудын хийд дор ороод

Тачаал сэтгэл төрүүлж хуврагуудыг хүртэл уруу татах хүүхнүүд хүртэл их гарна

Хүүхдүүдэд тийрэн чөтгөр шунан орсноор ном заахад үг сонсохгүй

Бие нь бага хэрнээ үг нь том

Ахмад хүмүүсийг үг хэлэхэд өмнөөс нь хэдэрлэнэ

Босоо шээж, явж байгаад идэж ууна

Ажилд зарвал өвчин туссан мэт

Өөрийн дураар тоглохдоо тийрэн мэт

Хов живийн үгэнд дуртай, түүнийг дамжуулахдаа авъяастай

Эцэг эхийн өгсөн өмчийг бараад гуйранч болно

Наадамд баясах эрх нь ихдээд эцэг эхээсээ айхгүй

Муу үйл явдлаа өөрөө хүртэл мэдэхгүй

Тариа үр жимс, хүнсний бүх зүйл үндсэндээ хор болно…

Өнөөдөр хулгай ороогүй хүрээ сүм хийд алга. Хэлмэгдлийн үед буулган тарааж харь нутаг руу зөөж авч яваа биз дээ? Өнөөдөр хэвлий дэх үрээ хороогоогүй эмэгтэй хүн ховор болж. Одоо гэлэнмаа нарын байдаг сүм хийдээр орохоор сайхан будаж шунхадсан хүүхнүүд хонх дамар начигнуулаад л сууж байх вий дээ. Өнөөдөр жил жилээр бүү хэл сар сараар л янз бүрийн юм ярьдаг болсон шив.

Элдэв янзын халимагтай хүн телевизээр ард түмнийг янз янзаар заналхийлээд л суух юм. Мундаг бясалгагч болсон хүн худлаа ярьж хүмүүсийн толгойг эргүүлээд л байна шүү дээ. Дуртай нь хуврагын хувцас өмсөж хөдөө гадаагаар тэнэж, лам нар хурлаа тарангуут хар хувцас өмсөж, хар нүдний шил зүүж аваад гадуур давхилдчихаж л байна. Гэх мэтээр цаг цөвтсөний шинж бүгд байгаа биз дээ.

Өнөөдөр хүнсний аюулгүй байдал маань маш их түгшээж байна. Жимс ногоог муутгахгүй гэж төрөл бүрийн бодис түрхээд, тарьж ургуулж байна гээд төрөл бүрийн химийн бодис хэрэглээд, тэр нь шингэсэн хорыг нь бид нар идэнгүүт биед ороод биенээс зайлахгүй хавдар рак төрөл бүрийн өвчин үүсгээд гай болоод явж байна шүү дээ.

Хөдөө алтан тариан гурил аваачсан чинь хөдөөний хүн “дээш нь тавиа, хулгана тэсгээхгүй” гэж байна гэнэ. Хаяанд нь нэг шуудай гурил байгаад байх юм гэнэ. Тэр доор байгаа гурилаа тоохгүй ямар сонин юм гэсэн чинь “наадах чинь Хятадын гурил, хулгана иддэггүй юм” гэсэн гэнээ. Хулгана идэхгүй гурилыг Монгол хүн бид идээд сууж байгаа байхгүй юу.

Мөн 8-р Богд ингэж хэлсэн байна.

… “Хулгана, нохой, тахиа, гахай, илжигний мах битгий ид

Хэрэв идвэл бузарлагдана

3-р сард тахианы өндгийг хоолонд бүү хий

Орос Хятадын хор хүрнэ…

Өнөөдөр тахиа шувууны өвчин гараад байна, гахайны махнаас ч өвчин гарах юм байна. Монголчууд хулгана, нохой, илжигний мах иддэггүй нь л зол болж дээ. Одоо зарим хүн биед сайн гээд чоно адгуусны махыг түүхийгээр нь идэж байна. Энэ бол байгаль дэлхий ийм хэцүү болчихсон үед уг амьтанд үүссэн өвчин хүнд шууд халдах аюулыг өөрсөддөө авчирч байгаа хэрэг байхгүй юу. Энэ цагт ялангуяа түүхий мах энэ тэрээс бид их болгоомжлох ёстой юм билээ.

… Энэ цагт үхсэн хүн амьтанд ном буян сайн үйлд

Цөвүүн цагт төрийн ноёдын эв эвдрэх, хуулийг буруу барина

Дээрэмчин хулгайчдаас ноён түшмэл болж төрийн эрхийг барина

Гадаад дотоод хэрэг эрхэлсэн түшмэд, зарлиг зөвшөөрөл олгогч нар нь

Төрийн хэргийг салхин адил задруулснаас дотночлох, гадагшлуулах, нууцлах, ил тавих нь

Цус сүүтэй холилдсон мэт булингартан ялгаж салгахын аргагүйд хүрээд учраа олохоо болино

Яамдын түшмэд нар таслан шийдэх, засаглан цаазлах хүрээнүүдийг огцроон

Олон хүнийг халж сольсноос болоод хүний аймаг тоглоом наадмын газар мэт болно

Тэгээд тэр цагт хаан нь түшмэдийн эдэнд хөнөөгдөнө…

Дор нь байгаа хүний хахууль дээдэхүүд нь хөнөөгдөнө гэсэн үг…

Түшмэд нь яам газрын эдийг хөнөөнө

Засаг яамны газартан бээр эрхмүүдийнхээ эдийг хөнөөнө

Эрхмүүд бээр нь орон нутгийнхаа хүмүүсийн эдийг хөнөөнө

Ёс цаазат, ичгүүр сонжурт бүгдийг алдсаны харгайгаар

Орон нутгийн хүмүүс эрхтэний хэлснийг сонсохгүй

Эрхтэнгүүд нь яам тамгынхаа газрын үгийг сонсохоо болино

Засаг захиргаа баригчид нь түшмэдийнхээ хэлийг сонсохгүй

Энэ мэт орны журам бүр хувьсан солигдож одсоноос хамаг юмны журам шүтэн барилдлага самууран одно.” …

Заримыг нь бүр уншмааргүй байна. Ямар аймшигтай вэ. Ингэж ил тодоор хэлсэн ийм бошготой ард түмэн байхгүй шүү дээ. Ингэж хэлсэн бошго хаа байна?.

… “Тэр цагт энэ лүгээ адил элдэв нүгэлтэн болох нь цөв орж цөвүүн муудсаны шинж мөн

Сайн хүн нэг нь нөгөөдөө дайсан болно

Хамаг хот орныг хулгайч худалч этгээд эзлээд

Гадаадынханд толгойгоо мэдүүлж

Гадаадын эзэнт хүн хавь ойр улсыг эзлэх

Тэр мэт муу үйлс гарахын цагт Маанийн ёдор буюу Хийморийн дарцагийг байгуулах хэрэгтэй

Энэ цагт сангасваа нарт албин шингэсэн тул та нар бүү шүт

Хэрвээ шүтвээс үхээрийн бузар болно

Түүнээ хойно мэдэвч тус үгүй

Ар халх нар минь ээ, та нарын тамхины утаа огторгуйн наран сарны гэрлийг бүрхэж байна

Уусан архи чинь мөрөн далай мэт болж гаталж болохгүй болсон байна.

Цөвүүн цагт цагаан тамхи үнэд хүрснээр алт мөнгө нүдээ өгч тэр тамхийг авч татах болно (хар тамхийг хэлж байна)

Хятад Оросын элдэв тамхи гурван зоос хүрсэн ч хямд гэж бүү ав

Хэрвээ авбал Хятад Оросын хор хүрмүй

Эдний олон янзын архи зуун зоос хүрэвч хямд гэж бүү бод

Ууж болохгүй

Хамаг газрын амьтан намайг гэж санаваас архи тамхийг тас хорих хэрэгтэй

Харин согтууруулах зүйлд эзлэгдвээс хэл ам болж, тангараг эвдэрч бузар буртаг явдалд холбогдох болно шүү.” …

Улаанбаатарын утааг хар даа. Бүрхээгүй гэж үү?. Уусан архи чинь мөрөн далай мэт болж гаталж болохгүй болсон байна гэж байна шүү дээ. Богдын энэ гэрээслэлийг эвдсэнээс болж өнөөдөр нийгэмд ямар хор уршиг ирчихээд байгааг та бүхэн мэднэ. Улаанбаатар хотын хог тортог үнэхээр нар сарыг харанхуйлж байгаа бишүү.

… Оймс гутлаа гаднаа бүү босго

Монгол хүний тэнэгийг түйвэр мэдмүй

Эм хүн хөнгөрч чадахгүй аюул, нярайлахдаа түүртэх ба хойтох нь бэрхшээх (Эмэгтэйчүүд мэс хагалгаагаар хүүхдээ төрүүлж байгааг хэлж байна)

Зуд турхан болж хүн хоосрохын зовлон үлэмж ихэснэ

Хөдөө гэрийн эзэд харчуул ихэнх нь муу явдалд орно

Ажилгүй, архи уугаад, авгай хүүхдээ дарамталсан харчуулыг хэлж байна

Гал ус ба дээрэм хулгайн аюул, ханиадны өвчин, хур цахилгаан гэнэт буух

Мэсний аюул, салхи тэргүүтний аюул үлэмж олширно

Даалуу хөзөр, хөгжим наадам, найр хурим, архи уух тэргүүтэн гэм бүхэн тасралтгүй гарна

Монгол шиг их баяр наадам тэмдэглэдэг улс ховор болов уу даа гэж би боддог. Хайнагийн дөрвөн хөл газар гишгэсэн мэт муу улсууд маш ихээр хуралдан чуулж худалдаа үйлдэх үеэр тоог шинээр зохиож толгой эргүүлэх цаг болно. Өнөөдрийн зах зээлийг хэлж байна даа. Одоо энэ цөвүүн цагт миний сургаал номонд эс орвоос тэнгэрийн дууны аюул, мэсийн аюул, нэртэй нэргүй гэнэтийн үхэл, галын аюул, салхины аюул, усны аюул гэх мэт олон зовлон учрах болно. Ямар нэгэн хүн үүнийг худал хэмээн санаж хэлвээс хамар амнаас нь цусан гарч үхмүй.”… хэмээн сануулсан байна.

Улаанбаатар хотын тухай их юм хэлсэн байдаг:

… Хойд энгэр нь хүүрээр дүүрнэ, хотгор газар нь шавраар дүүрээд

Үлээгээд хийсэхгүй, үүрээд барахгүй их шавар оромжуудтай болно

Төмөр шоргоолж, төмөр аалзны шүлс хот хүрээг бүрхэнэ …

Нэгэнт хийсэн үйлийн үр нь гарчихсан ийм хэцүү цагийг залгаад ирээдүйд гарах гамшигт нь анхаарал тавиад энэ гамшигаас гэтлэх аргыг нь бас Богд маань бидэнд хэлсэн байгаа.

…Би та бүгдийг өдөр шөнийн дөрвөн цагт эргэдэг шүү …

Гэр оронд нь байгаа хог шороо

Дотоод сэтгэлийг нь бүгдийг болгоож байгаа гэсэн үг

Иймэрхүү нарийн бошгыг би дараа эх номоор нь дуудаж өгмөөр санагддаг юм

…Миний бошгыг цөвүүн цаг ирсэн үед олон хувилж тараа, сонсго

Миний бошгыг нэгэн удаа дуудахад нэг гэрт байдаг муу барцад бүхэн арилна

Хоёр удаа дуудвал хот газрын зовлон арилна…

Гурав уншвал ингэж ингэж тус болно гээд бошгоороо ард түмнээ аврахаар өөрөө тангараг өргөөд гэрээслэсэн байдаг юм. Тиймээс үүнийг уншсан төдийгөөр бидэнд ухаарал орж, гай барцадаасаа салж байх нь. Ирээдүй цаг гэж хэлсэн байдаг ч, өнөөдөр тэр цаг ирчихээд байна шүү дээ.

… 54 зүйлийн үл зохилдох муу харгис будрангуйг ертөнц дор үлдээж тун болохгүй

Тийм муу явдалтан хүмүүсийг цөмийг үхүүлж, элдэв хорт явдлаар хамах хэрэгтэй…

Дээд тэнгэрт их хуралдаан болж, Богд хүртэл оролцоод хурал чуулганаас нь батлан тогтоосон тогтоол хүртэл байдаг юм. Гайхамшигтай. Энэ 54 зүйлийг бүгдийг нэг нэгээр нь дурдсан байдаг юм. Нүгэл хийсэн, мууг хийсэн бүгдийг хамах хэрэгтэй гэсэн байдаг. Үнэхээр буянтан байвал үлдээнэ гэсэн үг.

… “Будаа гурил байвч идэх уух хүнгүй болно

Хувцас байвч өмсөх хүнгүй

Зам байвч явах хүнгүй

Тав зургаан сард харгис муу хүн үхэж дуусах…

Энд бол муу үйл хийсэн хүнийг энэ аюул тойрч гарахгүй энэ аюулаар бүгд сүйрнэ гэдгийг сануулж хэлсэн байдаг.

… Муу цөвүүн цаг болж дэвэрсэн хийгээд хамаг амьтныг сүйтгэх хэмжээ ирсэн тул 10 хүнээс 9 нь үхнэ. Түмэн хүнээс 900 нь үхнэ гэсэн байдаг …

Цөвүүн цаг бас цэвэрлэгээний үе байх нь. Муу юмны хэмжээ хязгаар ихдээд, байгалийн хууль, сансар огторгуйн хууль буюу тэнцвэр алдагдсанаас одот ертөнц
өөрсдийгөө цэвэрлэж тэнцвэртээ орох нь. Сансар огторгуйн эргэлтэд хүртэл өөрчлөлт орсныг шинжлэх ухаан тогтоочихоод байгаа.

… Мэдэх мэдэхгүй өвчин тахал их гарах

Зуд турхан найман зүгт элбэгшинэ

Уул хөдөөгүй ус эзэлнэ

Дулаарлаас болоод далайн түвшин 3, 4м-ээр нэмэгдэхээр vнэхээр ус эзэлнэ дээ

Хуй салхин орон гэрийг унагана

Олон амьтан их дуугаар уйлан орилж

Гашуун зовлонгоор энэлэн, амар амгалан бүгд үгүй үнэхээр бэрхтэй

Хүн амьтан гэнэт үхэх аюул олон гарна.” …

Зөвхөн Монгол биш дэлхий дахиныг хамарсан бошгыг хүртэл айлдсан байна. Манай дэлхий дээр 30 сая зүйлийн ургамал амьтан бүртгэгдсэн байгаа. Жил болгон хэдэн мянгаар тоологдох зүйлийн ургамал амьтан үгүй болж байгааг эрдэмтэд тооцоолоод гаргачихсан байгаа шүү дээ. Яагаад гэхээр, дэлхийн хүчилтөрөгчийн том эх үүсвэр болсон халуун орны ширэнгэн ой 7.7 сая км кв талбайг эзэлдэг юм байна. Мөн далайн ногоон ургамлаас хүчилтөрөгч нөхөгддөг. Далайдаа хамаг бохироо хийгээд бохирдуулснаас замгууд нь үхжээд, ой ширэнгээ түймэрдээд хүний гараар устгаснаас байгалийн хүчилтөрөгчийг үйлдвэрлэдэг орчин хүнд байдалд орчихсон. Бохир юманд нь зохицсон ургамал амьтан бий болж байна бас. Далайн шүр ой шугуйгаараа үхжиж байна гэнэ. Дээр нь энэ айхтар нүүрсхүчлийн хийн давхарга орж ирсэн нарны гэрлийн халууныг гадагшаа гаргахгүйгээс болоод дэлхий маань хүлэмжийн байдалд орж Гималайн цас, хойд мөсөн далай хайлж байна. Ингэхээр далайн ерөнхий түвшин 5м нэмэгдэнэ, эрдэмтэд энийг зарлачихсан. Тэгэхээр хуурай газрын хэдэн хувь усан дор орох уу? Улсууд хаашаа явах уу? Хүний нүүдэл, цагаачлал чинь дэлхийг хамарсан асуудал болно шүү дээ. Энэ бүгдийг хэлчихсэн байдаг. Аймшигтай.

… “Бас бус ороолон чөтгөр шөнө үүд цохиж дуудна

Өдрийн цагт хүнд үзэгдэх

Үхсэн амьтны сүнс тонилохгүй

Газар усны эзэдтэй нөхцөөд

Догшин хортой чоно лугаа адил болж хүн мал дор халдана

Энэ цагт буян мэдэхгүй явснаас

Үхсэн амьтны сүнс газрын эзэд лүгээ нөхөрлөж бузар болсноор лусууд мунхарч төөрнө

Энэ учраар хур бороо цаг цагтаа буухгүй

Тэнгэр нар хилэгнэж

Газар лусын эзэд найман аймаг

Лусын хаадыг хар одны номын үсэгт чулуугаар харвасан мэт болно…

Өнөөдөр бид чинь буян нүглээ мэдэхгүй, үхэлээ ч мэдэхгүй, энэ биедээ энэ амьдралдаа тачаасаар байгаад үхсэн хойноо сүнс нь тонилж чадахгүй газар усны эзэдтэй нөхөрлөөд энэ бүх цаг бусын юмнууд гарах нь байна шүү дээ. Энэ бидний өөрийн амьдралын тухай үнэн бодит зүйлээс хэтэрхий холдож, өөрийгөө мөнх гэж атгалан баримтлаад, сэтгэлийг ямар байдалд хүргэсний жишээг л хэлж байна. Бидний нас нэмэгдэнэ гэж байхгүй шүү дээ, өдөр хоног нас насаар бид үхэлдээ ойртоод байгаа нь үнэн биз дээ?. Хэзээ үхэхээ ч мэдэхгүй, хэд наслахаа ч мэдэхгүй. Тэгсэн хэрнээ даахгүй нохой булуу хураана гэгчээр юуг бодож юуг сэтгэж эд мөнгийг хурааж авахын төлөө хязгааргүй тэмүүлдэг юм бэ.

….Догшин араатан уулнаас бууж амьтныг хорлох

Хорт могой амьтны үйлийн үрээр боловсрон гарч замыг бүрхэнэ

Орон ертөнц байвч амьдрахад маш бэрхтэй бу

Энэ 10 аюулыг амсахгүй гэтэлгэхгүй байхын аргагүй…

Бидний хийсэн үйлийн үрээр муу юманд тэсвэртэй, муухай амьтад бий болох нь байна. Зохистой юмыг зориуд эвдвэл зохисгүй зүйл араар нь гардаг гэдэг байгалийн хуулийг хэлж байна.

…Нар сарны гэрэл буурна. Огторгуй дор билэгт одон гараад сонсохуйяа муу үг яриа ярих, улс бүхэн дор зуд турхан муу үйлс дэлгэрэх, элдэв үхэл ихсэх, хүн идсэнээ хүртэл шингээхгүй болно …

Урьд хураасан сэтгэлийн билгээр бид хүн биеийг авсан ч гэсэн дотоод сэтгэлийн билэг чанараар бидний гадна талын биеийн хэлбэр дүрс, дуу авиа,зан төлөв тогтдог. Тиймээс бид хүнийг гаднаас нь хараад, хийж байгаа үйл, явж байгаа явдлаар нь, гарын алгыг нь ч юмуу хараад ийм тийм заяатай байна гэж хэлж болдог. Хийсэн үйлийн үр дагавар боловсорч ирээдүй гардаг учраас хийж байгаа үйлийг нь ажиглаад ойр зуурын зүйлийг шинжлээд хэлж болно. Гэхдээ Богд шиг олон зуун жилийнхийг хэлж чадахгүй. Энэ бол хамгийг айлдагчийн эрдэм юм даа. Хамгийг болгоогч бол өнгөрсөн одоо ирээдүйг гарын алган дээр тавьсан будаа шиг айлддаг юм. Богд маань өөр олон айхтар зүйлийг хэлсэн байдаг. Үүнээс заримыг нь бас болгооё.

… Иргэн Хятадаас Монгол орны ариун газарт хижиг хараал гарах явдал буй. Шар луу жилийн хаврын тэргүүн сарын шинийн нэгэнд Хятадын бүтээсэн есөн жил болсон чонон толгойтой эр мангас эмтэйгээ хоёул ханьсан хараал оруулж ирж магадгүй. Тэр үед ард бүгдэд энэ насны хорлол болоод бас зуурдын төрлийг төөрүүлэх их хорлол үйлдэнэ.

Ийм учраас хамаг амьтан сүсэг битгий алдаарай. Хэл ам зарга тэмцэл бүү үүсгэ. Тэр нь хоосон тэвшинд хураасан хуурай өвсөнд гал оруулсан мэт болно. Энэ ёр гарах юм бол тустай гүрэм нь гэрийн дөрвөн зүгт Манзушир бурхны алдрыг бичиж хийсгэ.

Модон хулгана жилд Монгол орны нар шингэж харанхуй болно. Тэр цагт Хятад оронд нар ургах. Монгол оронд цэргийн хямралдаан болж хүн мал адгуусны хүүрийг овоолбоос уул мэт өндөр, цусан далай мэт болъюу.

Тэр цагт Монгол оронд рид хувилгаантай лам залрах бөгөөд Монголын хойд зүгт Очирваанийн хувилгаан гарч, түүнтэй уулзсан бүхэн шамбалд хүрэх нь дамжиггүй. Ялангуяа Хятад Оросын зовлон гашуун болохын цагт Хятад Орос лугаа дэмий бүү зөрөлдөгтүн.

Монголчууд эм хүн нь цагаан өмд, эр хүн нь хар өмд өмсөх хэрэгтэй. Гэнэт өвчин тахал тохиолдвоос цагаан үзмийг адислан буцалгаж ууваас түргэн эдгэеү. Энэ муу цагт эм засал үйлдэвч тус болохгүй. Оточ бурхан өөрөө заларч эм баривч хилэнц нүглийн үйлдэгч дор эм нь туслахгүй. Харин буянтад туслах. Сэтгэл харгалзаж өвчин ирнэ. Сэтгэл харгалзаж бас эм тус болох.

Гэвч та нар минь үйлдсэн арван хар нүгэл хийгээд хар улаан хараал чинь энэ цөвүүн цагт тоо томшгүй элдэв өвчин тахал болж хар аюул болно гэгчийг мэдэхгүй байна. Ийм учраас хараал зүхлийг аль болох багасгах хэрэгтэй. Түүний хүчин чадлыг бууруулж амирлуулахын тулд хүрэх дараалан тогтоолын хураангуй буюу Сундуй, найман мянгат буюу Жадамба, эхэд тонилгогч буюу Тарвачимбуу, Очироор огтлогч буюу Доржзодов, өлзий хутгын хурыг буулгагч буюу Дашчийрав, адиститын дээдийг хайрлагч буюу Жанлавцогзолмаа, зуун үсэгт буюу Эгжаа, Дарь эх, санасныг зөнд нь бүтээгч Цамбалхүндэв зэрэг номуудыг түм бумаар нь уншин залбирч байхтун.” …

Зарим улс төртэй холбоотой зүйлүүдийг маш их ёгтолсон байдаг. Хятадын 9 жил бэлдсэн, чонын толгойтой эр мангас гэж хэнийг ёгтолж хэлсэн хэн байна?. Буруу номонд Монголчуудыг уруу татах нь байна. Аймаар аа. Төрлөө аварч чадахаа байтлаа толгой эргэх аймаар юм болох нь. Тийм учраас энэ зүгийн номыг түлхүү сурталчилж байгаа улсыг бид анхаарч ажиглах хэрэгтэй.

Японы эрдэмтэн Masaru Emoto аягатай усанд хараал хэлэхэд тэр ус тэр дороо үхжээд, талст нь эвдрээд аймаар юм болж байна гэж байна. Баярлалаа гэж хэлэхэд тэр ус тастжаад, улам бүр рашаанлаг болж байна гэнэ. Ус гэдэг сайн юм хэлэхэд тэгж хувирдаг, мэдэрдэг байна. Хүн бид биеийн 70 хувь нь уснаас бүрдсэн амьтад.

Биднийг муу юм битгий бод, муу юм битгий хий гээд байдаг нь бид өөрөө өөрсдийнхөө бие махбодио эвдлэхгүй байхыг хэлээд байна шүү дээ. Шинжлэх ухаан ч, Богд ч үүнийг гэрээслээд хэлээд байна. Хятад Оросын хямрал болох цагт энэ хоёр улсын явдалд битгий оролц, битгий зөрөлд гэсэн байна.

…Адын зүйлээр хан төрд харшил хүртэл ирнэ. Усны аюул, галын аюул, салхины аюул, садангаасаа салж хагацах, ганцаараа төөрч тэнэж үхэхийн аюул, хорт утаа мананд сөгдөж үхэхийн аюул, ам тангараг буруудан хагацалдахын аюул, янз бүрийн хүйтэн ба усан шуурганд үхэхийн аюул, дэлхий дахинаа таван тарианы үр боловсрохгүйн аюул, муу догшин салхи бороо болж луу догшрон хилэгнэх, дэлхий  дахинаа цэрэг дайны аюул нөмрөхийн зовлон, өөрийн эдийг хүнд эдлүүлэхийн зовлон, өлсөн ундаасч өлбөрч үхэхийн зовлон бүгд ирнэ.”…

Энэ бүхэн зарим нь биелчихсэн, зарим нь аль хэдийн биелэх магадлалтай болчихсон байж байна. Экваторын халуун бүсийн дулааны урсгал хойд туйлд хүрч цэвэр ус нь мөсжөөд давс нь хүндрээд битүү эргэж байдаг. Дэлхийн цаг уурын халуун хүйтнийг зохицуулж байдаг дулааны урсгал саарч багасаад ирэхээр халуун газраа хэт халуун, хүйтэн газраа маш хүйтэн болж дэлхийн цаг уур үндсээрээ өөрчлөгдөх магадлалтай болчихоод байна шүү дээ. Бараг одоо биелчихээд байна.

….Хэрэв ийм хэцүү цаг үе тулбал хар архи бүү уу, муу царайтай дуу бүү дуул, муу билэгтэй үг бүү хэл, бурхныг чулуу мэт бүү сана, эмийг өвс мэт бүү бод, өглөггүй эм бүү уу, тэнгэрээ хургүй гэж бүү хараа, хэрүүл бүү хий ялангуяа гэр орондоо”…

Чоно үүрэндээ өлзийтэй гэж. Чонын үүрэнд ороод эх чонын нүдэн дээр бэлтрэгийг нь алж суйлж байхад эх чоно гийнаад хөдөлж чаддаггүй гэнэ. Гэтэл өнөөдөр зарим эрчүүд яаж байна. Гэр орондоо агсан согтуу тавьж араатнаас дор болчихсон юм бишүү. Хүний хамгийн амгалан байх газар чинь гэр орон мөн биз дээ.

… “Онгод бүү тахь, дөрвөн зуун дөрвөн өвчнөөр өвдөхийн цагт лам багш нарт хүндлэл үйлдээрэй. Энэхүү зарлигийг дуулж мэдэн бушуу түргэн сэтгэлээ засан буяны сэтгэлийг хүчтэй болгож, хамаг амьтныг өөрийн амь лугаа адил үзвээс энэхүү аюулаас гэтэлж болно. Гагцхүү чин зориг мэдмүй.

Ийм учраас олон түмэн бушуу түргэн буруу явдлаа сэтгэлээсээ засах хэрэгтэй. Тэнгэр дэлхийг тахих ба эцэг эхийг асран хүндлэх, ариун журмыг сахих хэрэгтэй. Удирдсан түшмэлээ эрхэмлэх хүндлэх хэрэгтэй. Доорд ардыг асран тэтгэж, үгээгүй ядуу боловч хэм ёсыг сахиж байх хэрэгтэй. Хулгай бүү хий, худал бүү хэл, шударга журмыг барь, баян сайн бөгөөс ядарсан амьтанд туслах хэрэгтэй.

Номч мэргэн бол мунхаг мэдээгүй хүмүүстээ сургаж мэдүүлэх хэрэгтэй. Олон бүгдийг ертөнцийн арван аюулаас гэтэлгэж гарах буяныг үйлд. Үүнийг худал хэмээн бодвол энэ арван зүйл аюулд өртөнө. Энэ зарлигийг үзээд амьтан хүнд бичиж тарааваас нэгэн биеийн зовлонг хамгаална. Олон удаа бичиж тараан энэ номыг буяныг дэлгэрүүлж чадваас тоо томшгүй мал адгуус амьтан буяныг олоод насан насалж жаргана.

Энэхүү зарлигийг хэвлэж сийлээд олон хувь болгож бүтээн тарааваас түүний нэгэн гэрийн хүслэн бүгд бүтээд элбэг болъюу. Монголд илбэ мэт тус болох ном гүрэм Очирваанийн тарни тул үүнийг Монгол хүн бүр уншиж бай. Ум базар ваани хум пад.”…

Монголд илбэ мэт тус болно гэж Богд өөрөө хэлсэн байна шүү. Гурвалжин даавуун дээр бичээд таван адынхаа зүгт хийсгэ. Хүний суусан суудлаас хамаарч таван адын зүг тогтоно. Тэр зүгүүд рүүгээ хийсгэ гэсэн байна.

… Бум санг тасралтгүй тавьж байх хэрэгтэй. Алтангэрэл, Намсрайн даллагыг олон удаа авахуулж бай. Шашин түгэхийн ерөөл Дамбажавын Моломийг олон уншваас аливаа харшлах дайсан ба өвчний аюул ирэхгүй болно. Чин үнэн сүжгээр тахиж чадваас би сахья. Энэ зарлиг худал эндүү гэж санаваас арван орон хийдийн номын сахиус бүгдээр буруугаар үзэх болно шүү.

Оточ бурхны лагшин олныг бүтээ. Манал бурхныг хэлж байна. Явах замын бэлчир дээр маанийн үсгийг босгож тавь. Хиргүй бурхны  суврагыг олон бүтээ. Энэ мэтээр ном буян үйлдэж байвал муу цагийн ба олон аюул бүгдээс гэтэлж чадна. Эм ма хо ум ма паани паани суухаа тарнийг бичээд эрэгтэй хүн баруун мөрөн дээрээ, эмэгтэй хүн зүүн мөрөн дээрээ зүү.

Энэ бол Майдар бурхныг иртэл сахих тангарагтай тарни байгаа юм. Энэ мэт үйлдвэл сайн төрлийг олно. Бичин уншиж сүжиглэн үйлдэх юм бол орчлонгийн зовлон, цусан далайгаас ч гэтэлгэх нь сэжиггүй. Огторгуй ба газар завсрын хүмүүс нигүүлсэж, цаг бусын үхэл зовлонгоос машид амарлих болно. Нэгэн хүн бичвээс нэгэн хот балгадад тусалюу.

Нэгэн балгадынхан бичвэл орон даяар тусална. Хүмүүсийн буян арвижах хийгээд харш зэтгэр буцна. Тамын зовлон бүгд тонилох болно. Энэ цагийн өтөл өвчин, хар хорын муу аюулыг буцаах арга нь сэтгэлийг засах болоод энэ буяны номд сайн шамдах юм. Ялангуяа Жанрайсэг бурханд хатуу сүжиглэх юм бол хамгийн авралтай гэсэн байгаа.

Дээд эр хүн бол Ядам бурхныг шүтээрэй, дунд зэргийн эрэгтэй хүн бол эгэл мөргөлд шамдаарай, адгийн эр хүн маань тарниа уншиж байгаарай. Тэгвэл би аварна шүү.” гэсэн байдаг.

Халхын их хутагтууд цаг цагаар Монголоо авран хамгаалахаар гэрээслээд хуваарилан авсан байдаг. Энэ үеийг нь би хамгаална, тэр үеийг нь чи даа гээд. Гайхамшигтай яа. Тэр бошгыг нь би эхээр нь уншиж өгье гэж бодож байна. Үнэхээр нүдний нулимс гармаар.

Хөөрхий дөө, 37 онд тэр олон хуврагууд бидний төлөө өөрсдийгөө золионд өгч байсныг бодоход үнэхээр биднийг аймаар аюулаас өөрсдөөрөө халхалсан юм билээ. Ийм хүмүүсээ бид хайрлахаас яах билээ. Гэтэл зарим хүн лам нар арчаагүйдаа алуулчихсан гэж бах таваа хангаад, оршуулж хойтын буяныг нь мөнхлөхөд яаж дайрч байлаа даа.

Би энэ бошгыг уншаад үнэхээр Монголчууд хэдэн зуунаараа гарч чадахгүй бусдын боол болж, бүх юмаа талхлуулж, ахиж Монгол улс сэргэн мандахгүй байх аюулыг хааж, өөрсдийгөө зольсоныг ойлгосон. Одоо бол 8-р Богдын маань дааж авч яваа цаг үе юм байна.

… Миний энэ сургаалийг нэгэн сар дотор нэгэн удаа дуудваас гэрийн барцад арилна. Хоёр удаа дуудвал гадна талаас ирж байгаа саад барцадууд чинь бүгд арилна. Гурван удаа уншвал гурван муу зайд унахгүй. Сардаа 3 буюу шинийн 8, 15, битүүндээ уншиж бай гэж байна.

33 төрөлдөө бурхны оронд надтай учирч төрнө. Шавь нар минь цөвүүн цагт энэ сургаал номонд орж явбаас аливаа хорт дайсантай уулзахгүй элдвийн аюул бүгдийг гэтэлж гарна. Аав ээжийгээ асарч өргөж хүндэлж явбаас хоёр насандаа амны хишиг буян заяа чинь үргэлж дэлгэрнэ…

Миний үзэж судалсан 23 бошгоос 13 нь Богдтой холбоотой юм. Богд бошгуудаа одоо хэлж байгаа юм биш. 5, 6, 7 гээд урьд төрлүүддээ бас хэлсэн. Та нар миний бошгыг санахгүй байснаас ийм юм болоод байнаа гэж зэмлэсэн нь хүртэл байдаг.

Монголчууд бид өнөөдөр эв эеэ бодож нэгдэн нягтрах, өвөг дээдсийнхээ үлдээсэн соёлыг хайрлан хамгаалах, тэрэндээ үнэнч байж, гэрээслэлийг нь биелүүлж байж л бид сайн сайханд хүрнэ. Эд нар маань зүгээр хүмүүс биш. И

йм гайхамшигтай, ирээдүйг нэвт харж болгоож, юу гарахыг урьдчилан сануулж, өөрсдийгөө зольж биднийг даасан гайхамшигтай улсууд байна шүү дээ. Бид мартахын аргагүй, монгол хүн бүр үүнийг мэдэж байх ёстой өв соёлын маань нэг хэсэг юм гэж би хэлмээр байна.

Бурханч лам Г.Пүрэвбат

34 сэтгэгдэлтэй

  • аагий

    2018-12-29 15:06 at 15:06

    бид өргөн уудам газар өгсөн өвөг дээдэстэй баярлаж явах естой

    Хариулах

  • bold

    2018-12-29 16:51 at 16:51

    xutsana biz tembyyndee ,xyatadad uusch ygyi bolj bsan ulsiig udii zeregt xurgesen oros ax nartaa bayarlax bus uu..soxor bogdiin xaanchlal tsaash yabsan bol mongol gej uls ertuntsuus xezeenii alga bolox bsan .Xaa ochij manjiin deglem nuran unaj orost ulaan xubisgal yalsan ni mongolchuud bidnii tom xubi zaya shyy….umxii idee xanxluulsan bogd saindaa xubisgal xiisen yum bish.

    Хариулах

    • монгол

      2020-03-29 15:38 at 15:38

      Улаан орсын чөтгөрт хорлогдсон Болд мэтийн амьтад зул унтрахын өмнө бадамладаг гэдэг шиг амьсгаагаа тавьж байна даа Коммунизм фашизмаасаач харгис нийгэм юм.Соц орнуудад 100 сая хүнийг алж устгасан. Энэ бол бүрэн бус мэдээгээр шүү.Манай оронд 705 сүм хийд, 5000 гаруй дуганыг устгасан.Эхлээд эх оронч,үндэсний үзэлтэй, үгэнд нь ордоггүй Бодоо, Данзан, Саж лам,Сүхбаатар, Богд хаан мэтийн удирдлагыг нь, Дараа нь Чингисийн алтан ургынхан,лам нар,улаан хядлагаас зугтаж ирсэн,,хувийн өмчөө дээрэмдүүлсэн, тархи нь хэзээ ч Болд шиг мунхрахгүй буриадуудыг, сэхээтнүүд, цэрэг армийнхныг гэх мэтээр нарийн бодлоготой, систэмтэй аллага явуулсан, нэгдэлд малаа нийгэмчлээгүй, үгэнд ордоггүй 30000 орчим малчдыг малын ногдлоо төлөөгүй,социализмыг эсэргүүцсэн гээд шоронд хорьж байсан юм.Чиний уншсан,мэдсэн 2 бурханч ламын түмний нэгд ч хүоэхгүй.Түүний оюун ухааныг далай биш гэхэд голтой зүйрлэвэл чинийх архины лонхтой тэнцэх бөгөөд тэр нь зохиомол түүхээр дүүрчихсэн байж магадгүй гэвэл бүү гомдоорой.Ядаж Дархан орох замд байгуулсан Аглагийн хийдийг нь үзээч.Зурсан зураг,орчуулсан,бичсэн бүтээлийг нь сонирхооч.Сүхбаатарыг Богдын оточ биш,улаан орсууд хорлосрн нь тогтоогдсон , Ийм баримт ярилаа гээд орсын жирийн ардууд, миний орос найз нар буруугүй, тэднийгээ үзэн ядахгүй.орос киногоо үзсээр л байна. Чи ойлгохгүй л дээ.Гэхдээ ядахдаа 25-р сувгаар гарсан орсын “Тальяанка” киног үзэж,большевизмын мөн чанарыг, төөрөлдөж яваагаа ойлгооч дээ. Энэ киног ойлгоход чиний ухаан хүрнэ вГашуун үнэнийг ярьж, Буддын шашны сургаалийн дагуу үнэнийг баримталж, нүглээс хол амьдрахад үлдсэн насаа зориулаарай Болд минь.Төөрөлдсөн эргүү төлөг шиг түүнийг өршөөн энэрч,хойд насыг нь хөнгөлж өгөхийг бурхнаас хүсч залбирая даа.

      Хариулах

      • Ганаа

        2020-03-30 17:12 at 17:12

        Сайхан хариуллаа. Баярлалаа.

        Хариулах

  • зочин

    2018-12-29 19:52 at 19:52

    1912-1921 оны үеийн энэ богдын лүндэн нь хэдэн зуун жилийн өмнө түвдийн оронд буусан чулуун барын тууж байна шүү дээ.энэ богдын лүндэн гээд байгаа нь яг тэр чулуун барын туужийн дублёр байна. чулуун барын туужид түвд балбын орноо ард түмэнд номноод, хар хятадын орноо хамааруулав гэж байдаг юм. би богдын лүндэнг бас уншиж байсан юм. зарим зүйлс нь тэр үед байхгүй байсан даа. манай монголын өнөөгийн төлөв гэх мэтийг ж.нүрзэд өртөөлөн ирсэн “Алтан дээд Үнэний аялгуу” хэмээх алдарт судар буй. түүнд бүхнийг заасан буй. түүнийг уншваас бүх зүйл тодорхой болно. энэ судрыг тайлахаар гэрлийн өргөө, дэмчийн өргөө гээд бүлгэмүүд байгаа.монго хүн монголынхаа өвгүн нарын сургаалийг авч хэлэлцдэггүй болоод ийм байгаа юм. бүх алдааг өөрсдөөсөө эр.

    Хариулах

  • зочин

    2018-12-29 20:29 at 20:29

    одоо дахиад мунхаруулж, бүр арчаагүй болгох нь л дээ. эзэн чингис хааны ухааныг шүтээгүйгээс ийм болсон за юу. алив улс өөрсдийн өвгөдийн ухааныг шүтдэг юм. эзэн чингис хааныг биднээс мартагдуулсан улс хэн билээ. бүр ухааныг салгаад өөрсдийн мунхагыг оруулж, монгол хүнийг мунхаруулаа биз.одоо нэг сэхээрэх гэрэл тусахдаа зэрэг дахиад мунхаг энэ юу вэ? монгол шашин орж ирээд дээшлэсэн юм хаан байна. монгол язгуур ухааныг аажим халсан өөр юу гэх гэсэн юм. бид одоо энэ мууггаас гэтэлгэж өг гээд дахиад мөргөөд суух юм уу. шашин орж ирээд монголчууд дайн байлдаанаа зогсоосон гэдэг юм билээ. түүхээ унш. шарын шашинг оруулж ирэх гээд монгол ноёд дунд хэн яс хаясан билээ. түвдийн далай лам нар өөрсдийн улс дотроо хагаралдаж, ойрд хоёдыг ашиглаж, монгол цэргүүдийн цусаар ашиг олж, оронд нь өөрсдийнхөө шашин өгөө биз. тэгээд монгол хүлцэнгүй болсон. дэлхийн соёлоос хоцорсон. яагаад юм ойлгодоггүй юм бэ. чоно борооноор гэдэг шиг улс ороны төр хямрахтай зэрэг бас нэг мунхаг оруулах нь ээ.одоо бид дахиад маань уншаад эрх эргүүлээд нүдээ аниад суух болох нь ээ. онгод бүү тахь гэнээ. онго гэдэг нь пүрэвбат таны хэдэн зуунаас нааш ирсэн эцэг өвгөдийн ариун сүнсийг хэлдэг юм. онгон шүтээн гэж чингис хаан болоод, бидний мэдэх Модун, Атилла хааны болоод бусад дээдэс, аав ээжийн ариун сүнсийг хэлдэг юм. бас хятадаас хор байна гэх шиг бас дотор нь хагаралдуулах нь ээ.хэрэв хэн нэгэн нь хятадын хор байна гээд уих-ын гүшүүд дотор хардлага явуулах нь лдээ.ийм бол монгол агуу тэнэг еэ?

    Хариулах

    • монгол

      2020-03-29 15:42 at 15:42

      Чи өөрөө усан тэнэг

      Хариулах

  • бат

    2018-12-30 08:18 at 08:18

    1532 онд цөвүүн цаг болсон гэж үнээн. өвөр монголчууд санцид урваж орсон. манайд буруу үзэл дэлгэрч язгуур ухаанаа алдаж эхэлсэн. бичиг соёл усгах бодлого аажим хэрэгжсэн. 8-р зууны энэтхэгийн бадамжунай хэлсэн үг бидэнд хамаарал үгүй тэр улсдаа өгсөн сургааль. дээд тэнгэрт богд хуралд оролцсон гэж юу л бол. бидний чингис хаан болон онгон шүтээнүдийн ариун сүнс дээр хуралдаан хийдгийг бид мэднэ.одоо 8-р богд биднийг дааж авч яваа гэнэ. бидний чингис хааны сүнс, бидний эх эцгийн сүнс яагаад биднийг даадаггүй гэж.сар бүрийн шинийн гурванд бүх эрчмийн оргил цэг гэж 800 жилийн тэртээ бичигдсэн сора коктай хатаны алтан аялгуу сударт бичсэн буй. монголчуудын мөнх хөх тэнгэрт буй өвгүдийн онгод болсон амин сүнс шинийн 8 ба 15 газарт бууж үр хойчоо эргэдэг. яагаад гэвэл тэр онгод гээд байгаа лам нарын ад үздэг зүйл бол хүн төрлөхтөнд байдаг зүйл. яруу найрөгч, хөгжмийн зохиолч бүтээлээ онгод орсноор бүтээдэг. дэлхийн их нээлтүүд цөм зүүдэндээ эсвэл санамаргүйгээр, эсвэл гэнэт онгод ороод нээчихсэн байдаг юм.менделев үелэх системээ бас энэ байдлаар нээсэн. 8-р богд лүндэнгээ онгод бүү шүт гэжээ. бид энэ онгодын буянаар шинэ нээлт хийх байтал яагаад болохгүй гэж байна.олон зуунаас ирсэн онго шүтээн болсон үндэстэний өөрийн чинь амин болсон дээдсийн сүнс үр удамдаа мэдээллээ өгч, тархины эс барьж авснаар тэр шинэ юм хийх ур дүй үүснэ.үүнийг шүтэхгүй юм бол тэр үндэстэн нь оюун ухаанаар мөхөж байгаа болно.тэгээд дэлхийн бүх гүн ухааныг судал. бүгд өөрийн эх эцгийн сүнсний амин чанарыг шүтсэн байдаг юм. бид эх эцгийн сүнсний ариун чанарыг шүтэхгүй бол ёстой ойд төөрсөн сармагчин болно.тиймээс тэнгэр шүтлэгтэй гэж хэлдэг юм.

    Хариулах

  • зочин

    2018-12-30 08:48 at 08:48

    пүрэвбатаа модон хулгана жилд монгол орны нар харанхуйлах, хятад орны нар мандах гэж бичжээ. яг одоо чи эх бичгээр нь энд тавь бид харая. би олон жилийн өмнө уншсан энэ лүндэнг. тийм юм байхгүй байсан. бид хэцүү байдлаас гарахад мунхагаар биш ухаанаар гарах ёстой. өнөөдөр хэцүү болжээ. эгзэгтэй болжээ. гэвч бид хүн бүхэн өөрөө босоо зогсож, маш тайванаар ухаан зарах ёстой.бүгд бие биедээ найр тавиж, ухаанаа зарах ёстой.яагаад?. бид улсаараа унгачихвал эз-ийн боол болно.хойч үеэ зовооно. бид өвгөдийн сургасан ардын зүйр цэцэн үгэнд мөргөх ёстой. чингис хааныхаа сургаальд мөргөх ёстой. хүртээл болгох ёстой. үүнд чинь бидний оршин амьдрах бүх арга байгаа. хэрэв монгол нь төр удирдах язгуур онол байгаагүй байсан юм бол чингис хааны үед эзлэгдсэн газар бүхэндээ зохион байгуулалттай төрт улс буй болгож тэр удирдах арга нь одоо хүртэл ирж тэдгээр улс яагаад гялалзтал хөгжөө вэ.одоо ямар улсуудыг эзлэх гэж байгаа биш.энэ язгуур ухааныг л уух. тэгээд цөм өөдөө босьё.

    Хариулах

    • Зочин

      2020-04-02 11:15 at 11:15

      Тийм шүү. Бид аливаа асуудлыг олон талаас харах хэрэгтэй. Хүний ирээдүй сэтгэлээр тоглох эрх хэнбэ гуайд ч байх есгүй. Монгол Улсын гал голомт шарын шашнаас өмнө урган гарч бадран мандаж явсан. Олон зүйлийг бодож үзэхээр бичиж гэхдээ энэ бүхэн чинь хүмүүний амьдралд тохиолдог магадлын онолоор батлагдагддаг зүйлүүд. Эрх биш эх дэлхий минь биднийгээ эвээн тэтгэх болтугай.

      Хариулах

  • зочин

    2018-12-30 10:24 at 10:24

    миний бодлоор өөрийн шашин байх хэрэгтэй харинч буддагын шашины шинэ ногоон урсгалыг монгол хүн үүсгэх хэргтэй үндэснээс мөчир салаалах буруу үгүй байх үндсэн 5 өнгө нийлээд цагаан гэрэл болдог доо Тэнгэр шүтлэг байх юм бол Чингисийн библ бичэх хэрэгтэй байх аль нь монголыг авч явахыг цаг хугацаа харуулнаа

    Хариулах

  • mngl

    2018-12-30 23:29 at 23:29

    teneg tovd lamin helseneer yu gej shoudahav dee , lam nar buddin shashin mongold ogt hereggui, ajil hiideggui tatvar toldoggui teneguud, muu yumandaa l sain

    Хариулах

  • Зочин

    2019-01-01 11:13 at 11:13

    Энэ ёстой айхтар шуналтай атгаг санаатай хүндээ эхнэр нь солонгосын христын шашаны урсгалаар далимдуулж монголоос мөнгө босгодог өөрөө улс төрчинцөрүүдээр могой бариулж үзэсгэлэнтэй уудам газруудыг хувьдаа авч байгаа мухар сүсэгийг монголд хар тамхи шиг тарааж байгаа

    Хариулах

    • Зочин

      2019-01-01 11:13 at 11:13

      Энэ ёстой айхтар шуналтай атгаг санаатай хүндээ эхнэр нь солонгосын христын шашаны урсгалаар далимдуулж монголоос мөнгө босгодог өөрөө улс төрчинцөрүүдээр могой бариулж үзэсгэлэнтэй уудам газруудыг хувьдаа авч байгаа мухар сүсэгийг монголд хар тамхи шиг тарааж байгаа

      Хариулах

  • зочин

    2019-01-02 09:51 at 09:51

    бид нэг юмыг ойлгох ёстой. буддын сургаалийг шашин гээд мунхараад байна. буддизм ази тивээр тархахдаа олон урсгал болоод тарсан. урсгалд буруу юм их байсан. түвдчилсэн буддизм нь буруу урсгал юм. манж нар буруу эргүүлсэн. будда миний сургаалийг гаднаас хэн ч эвдэхгүй, дотроос миний шавь нар эвдэнэ гэдэг болж, тэр эвдсэнийг түвд монгол хоёр аваад хэрэглэчихсэн байдаг юмаа. богд гээд байгаа хүмүүсийн хөрөг зураад хувь заяаг хүсдэгийм жаягтай болсон. энэ хупал гэжүү. тэгээд богдын сүнс монголыг дааж байгаа гээд үзээд байгаа билээ. үүнийг сайн судал.

    Хариулах

  • зочин

    2019-01-02 12:32 at 12:32

    Энэ бол ёстой худлаа Харин ч соц нийгэм бол моголчуудыг ѳѳд нь татсан гайхамшигт цаг үе байсан юм Одоо бол мѳхѳх цѳвүүн цаг мѳн.

    Хариулах

  • зочин

    2019-01-02 14:23 at 14:23

    нилээд хэдэн жилийн өмнө нагаанбуугийн,”монголын язгуур гүн ухаан”гэдэг ном уншсан. тэр номыг шууд сурах бичиг болгох юмсан гэж бодсон. тэр номонд монголын мандан барах нь язгуур гүн ухаанаа хэрэглэсэн үед байсан. бууралт нь янз бүрийн үзэл оруулж үймээн дэгдээсэн үе байжээ. шарын шашин мандах үед монгол сууриараа унаж байжээ. соц-нийгэмээс түрүү үед монгол мөхөх дөхсөн. соц-ын үед жинхэнэ монгол гэдгээ харуулсан одоо дахиад мөхөх боллоо гээд бичсэн байсан. бодоод байхад үнэн юмаа.

    Хариулах

    • зочин

      2020-07-20 09:15 at 09:15

      Санал нэг шашинд хүлүүлэх мөхөхийн эхлэл байх шүү Гэхдээ шалгарсан өөрийн гэсэн юм байх ёстой байх

      Хариулах

  • зочин

    2019-01-02 17:19 at 17:19

    олон зуунаас монголыг эзлэх бодлогоо санаархсаар хэрэгжүүлсэн улс улс орныг эзэлмэгц, сайн шашин оруулж ирдэг гэхэд хүн итгэмээргүй юм. том акедемич хүн хүртэл шарын шашинг манж оруулсан юм одоо 300 жил болж байна гээд байхад үндэсний шашин гээд зүтгээд байдаг энэ мулгуй лам нарыг яалтай билээ.

    Хариулах

  • Тоон хэл

    2019-01-03 06:59 at 06:59

    Энэ бүхнийг уншлаа . Аливаа бүхэн 2 утга агуулгатай хүний амнаас гардаг . Монгол түмэн бид хөх тэнгэрээр адислагдсан хөрст дэлхийгээр тэжээгдсэн хуй салхин эргүүлгээр оюун ухаан суусан энэ л орчлонд эгэлгүй тэнүүн амьдрах хувь заяатан шүү . Бид эцгийн удмаас эхлээд элэнц хуланцынхаа алтан сургаалыг чанд сахиж амьдрах ёстой. Элдэв янзын шажин номлол бидний оюун бодолд их орсоноор онгод шүтээнээ умартаж жинхэнэ энэ цөвүүн гээд байгаа тоон хэл орж ирсээн агуу их чингис хаан яагаад бичиг үсэг сураагүй мөртлөө энэ агуу их монгол хүнийг ийм их чадалтай оюунлаг болгосон юм бол …бид бүгд мэднэ мэдэх ч ёстой. Харин ураг дотроо халиад отог дотроо халиад түмэн дотроо эвдрэх ёсгүй шүү бид нэг холыг хардаг өвөг дээдсийнхээ ухааныг өнөд хол давихсан морь шигээ нэг байх ёстой . Одоо сэрэх цаг болсоон

    Хариулах

  • Shuumjlegch

    2019-01-12 05:40 at 05:40

    mongoloor yaridag tuvd nertei iim humuus buruu gazar turchihsun bololtoi

    Хариулах

  • түмэн наст ч гэх шиг

    2019-11-29 10:58 at 10:58

    түм наслаад байсан ч юм алга муугийн муу үхлээр үхээ биз дээ лаларын лам

    Хариулах

  • маань гэж харь хэл

    2019-11-29 11:45 at 11:45

    Монголчуудын ойлгодоггүй хэлээр уншдаг номноос орчуулсан наад хэллэгүүд чинь бүгд хар тангуд улсын ард иргэдэд зориулсан сургааль юм гэнэ лээ. Энэ сургаалиа дагаж мөрдөөгүй тангуд улс байхгүй мөхсөн байна. Эм ма хо ум ма паани паани суухаа гэх энэ гадаад үгтэй мөрийг уншаад ойлгох нэгч монгол хүн байхгүй.

    Хариулах

  • zochin

    2020-02-17 11:18 at 11:18

    oilgii gevch oilgoh uhaan baihgui humuus 1000 udaa orchuulj uguud nemer baihgui saihan tailbar baina. delgets haraad esus shiddeg garuud mongolin minii shashnig gutah heregui. ter etsegtei yari etseg chin yu gej helj baina. avral er novshin uu daa

    Хариулах

  • Зочин

    2020-02-17 20:41 at 20:41

    Монголчуудыг ендег хэрэглэдэггvй болгоод,эмэгтэй хvн,vр хvvхэд хvvхэд терvvлэх тавилантай хvмvvcийг бvр далд ламын хvvхдvvдийг терvvлж монголоор дvvрэн эцэггvй бутач хvvхдvvд 30 оны vе

    Хариулах

  • Зочин

    2020-02-18 06:04 at 06:04

    Аливаа юманд авах гээхийн ухаанаар хандаж байцгаавал сайн сан. Дээрх зүйлд эрэгцүүлж бодмоор олон зүйл байгааг үгүйсгэх аргагүй юм даа. Манай зарим уншигч бичсэн зүйлийн утга учрыг тунгаахаасаа өмнө бичсэн, ярьсан хүн рүү нь дайраад байдгаа боимоор юм даа…

    Хариулах

  • Цооцоо багш

    2020-02-18 21:43 at 21:43

    Пүрэвбат ламын энэхүү нийтлэлийг анхааралтай уншвал ард олон минь эе эвийг хичээж .эвдрэлцэл тэмцлийг хойш тавьж . Хэрүүл хараал.муу муухай үг болгоныг тэвчвэл зохилтой.Худлаа бүү хэл.хулгай бүү хий! Үргэлж сайн сайхныг бодож.мөрөөдөж бай гэсэн санаа нэвт шингэсэн юм байна гэж бодлоо.

    Хариулах

  • Г.Батнасан

    2020-03-02 11:25 at 11:25

    Ямар нэг шашиныг шүтэх эсэх нь тухайн хүний хэн ч халдашгүй эрх. Номлолыг нь уншихгүйгээр, ойлгохгүйгээр шүтэх аваас мунхарал буюу мухар сүшиг болно. Эцсийн бүлэгт шашин шүтнэ гэдэг маань эрт, эдүүгээгийн гүн ухаантнуудын туурвисан сургаал, номлолыг дагах, эс дагах тухай л асуудал. Манай Монголд бол шашны номлол эх хэлээр бус түвд хэлээр явагддаг учир дийлэнх шүтэн бишрэгчид нь мухар сүшигтэн болчихдог. Харин Пүрэвбат мэтийн эрдэмтэй, номтой хүмүүс эх хэлэнд хөрвүүлэн тайлбарлаж байгаа нь сайшаалтай бус уу?

    Хариулах

  • Итгэлийн хүн

    2020-03-29 18:40 at 18:40

    будда гэгч бурангүй мунхаг шашинд оюун бодлоо хүлүүлсэн төөрсөн лам нар Бурханы алдраас хуваалцан өөрсдийн нүглээ нэмэх нь ихэслээ. Энэ бол тэдний хувьд төгсгөл нь юм

    Хариулах

  • Иргэн

    2020-03-29 23:24 at 23:24

    Бурханы сургааль бол амьдралаа зөв авч явах бүхэл бүтэн сургааль байдаг. Гэвч орчин үед монголчууд бид яг түүнии эсрэгээр явж байна . Түүнииг муулахын оронд амьдралдаа хэрэгжүүлэх юм бол биднии амьдрал арай л өөр болно . Юу тарина түүниигээ хураана гэдэг мэргэн үг байдаг . Бурханы сургаалаар бол үйлиин үр . Бид үргэлж л аль нэгэн юманд шунаж,хэн нэгнииг хууран мэхлэж , хэн нэгнии өмнө худлаа жүжиглэж,өөрөөр хэлбэл аливаа юманд үнэн сэтгэлээсээ ханддаг хандлага байхгүй болсон . Хэн нэгэнд тусалсан ч заавал хариу нэхдэг ,тусалсан боловч зүгээр л тэр хүнтэй наймаа хиисэн юм шиг л. Тэгж л амьдарч байна . Бид өөрөө иим байж хэн нэгнииг тиим байна иим байна гэж шүүмжилдэг . бид өөриигөө өмөөрч бусдыг буруутгаж амьдардаг. Ингэж амьдарч байхад биднии амьдралд сайн зүйлиин үүд хаалга яаж нээгдэх билээ.. Бурханы сургаалын үзэлбаримтлалыг уншиж ойлговол их л зөв юм байдаг юм шиг байгаа юм

    Хариулах

    • зочин

      2020-07-20 09:20 at 09:20

      Иймл учраас монгол хүн орчин үеийн хүний оюуны хэрэгцээг хангах Буддагын шашины шинэ ногоон урсгалыг мөчирлүүлэх хэрэгтэй баглаа хүлээснээсээ гарч өгөхгүй юм

      Хариулах

  • Навчаа

    2020-04-10 16:41 at 16:41

    Аливаа зүйлийг болох бүтэх талаас нь харж, өөрөөсөө хайсан, сайн сайханд тэмүүлсэн , буруу мөрөө эргэж харж засч залруулдаг баймаар. Уужуу тайван, ууч сэтгэлтэй байхад юу хорогдох гээд байгаа юм бол. Хүн сүсэг бишрэлтэй байна гэдэг нэг хүмүүжил шүү. Ядаж л айж эмээхтэй, буруу зөвийг дэнслэх ухаантай байна. Өөртөө болгоож, авах гээх, санах сэдэх нь таны л хэрэг шүү дээ.

    Хариулах

Сэтгэгдэл бичих

Цахим шуудан нийтлэгдэхгүй