АНУ-ын Батлан хамгаалахын мэдэгдэл Монголчууд бидэнд юуг анхааруулав?

АНУ-ын Ерөнхийлөгч Доналд Трамп АНУ-ын зэвсэгт хүчнийг Сири улсаас эргүүлэн татах шийдвэр гаргасан. Тус шийдвэртэй холбоотойгоор болон батлан хамгаалах бодлогын зөрүүтэй байр сууринаас шалтгаалан Батлан Хамгаалахын сайд Жеймс Маттис ажлаа өгөхөөр мэдэгдсэн. Уг мэдэгдлийг орчуулан та бүхэнд хүргэж байна. Тус мэдэгдлээс бидний хөрш орнуудын баримталж байгаа бодлого, зорилгыг тодорхойлж болохоос гадна төрийн хүний ёс зүйн соёлыг харж болно.

Эрхэм Ерөнхийлөгчөө,

Миний бие АНУ-ын Батлан Хамгаалах яамны 26 дах сайдаар томилогдож, нийт иргэдийнхээ аюулгүй байдал болон үзэл баримтлалыг хамгаалахын төлөө нийт албан хаагчиднхаа хамт зүтгэж ирлээ.

Миний хувьд Үндсэний Аюулгүй Байдлын Стратегид тодорхойлсон гол зорилтуудыг өнгөрсөн хоёр жилийн хугацаанд амжилттай гүйцэтгэж, зохих дэвшил гаргасан гэдгээрээ бахархдаг.

Үүнд:

Батлан хамгаалах яамны төсвийн төлөвлөлт, зарцуулалтыг зохистой болгож, зэвсэгт хүчнийхээ бэлэн байдал болон оновчтой цохилтыг сайжруулж, батлан хамгаалах яамны үйл ажиллагааг илүү үр дүнтэй болгосон гээд олон ажлыг нэрлэж болно. Манай зэвсэгт хүчин АНУ-ын хүчирхэг нөлөөллийг хадгалах болон шаардлагатай тохиолдолд мөргөлдөөнд давамгайлах байдлаа хадгалах үүргээ үргэлжлүүлэн амжилттай гүйцэтгэсээр ирлээ.

Бидний гол хүч бол АНУ-аас бусад улстай тогтоосон түншлэл, хамтын ажиллагааны иж бүрэн тогтолцоо юм. Энэ бол миний итгэл үнэмшил. Бид өөрсдийн хүчирхэг түншлэлийг хадгалахгүйгээр, түүнчлэн тогтоосон түншлэлээ хүндэтгэхгүйгээр энэхүү чөлөөт ертөнцөд АНУ- ыг хүчирхэг хэвээр хадгалах, АНУ-ын ашиг сонирхол, үйл хэргийг үргэлжлүүлэн хамгаалж чадахгүйд хүрнэ. Ерөнхийлөгчөө, таны адил, миний бие – АНУ-ын зэвсэгт хүчин дэлхийн цагдаагийн үүрэг гүйцэтгэх ёсгүй гэдэгтэй эхнээсээ санал нэгдэж байсан. Харин эсрэгээрээ бид АНУ-ын бүх хүчийг бидний нийтлэг хамгаалалтад зориулах, ялангуяа тогтоосон түншлэлээ хамгийн үр дүнтэй удирдлагаар хангах ёстой гэдэгт итгэдэг. 29 Ардчилсан улсууд “9 сарын 11”-ны халдлагын дараагаар бидэнтэй хамт, хүч нэгдэн тэмцэхээр андгайлж байсан. 74 үндэстэнд нүүрлэсэн ISIS-ийг бут цохисон нь үүний нотолгоо.

Иймд стратегийн ашиг сонирхлын хувьд биднээс ялгаатай орнуудтай харилцахдаа бид байр сууриа тодорхой болгож бас шийдэмгий байх ёстой гэдэгт би хувьдаа итгэдэг. Жишээ нь

БНХАУ болон ОХУ-ын хувьд дэлхийг өөрийн авторитар дэглэм бүхий системээр өөрчлөхийг санаархаж, бусад үндэстнүүдийн эдийн засаг, гадаад харилцаа болон батлан хамгаалах шийдвэрт өөрийн нөлөөллийг тогтоох замаар өөрсдийнхөө ашиг сонирхлыг хөрш орнуудынхаа хувь заяагаар гүйцэлдүүлж, улмаар АНУ болон бидний түншлэгчдэд халдаж байна. Энэ санаархал хэдийнээ тод болжээ. Тийм учраас АНУ-ын бүх хүчийг бидний нийтлэг хамгаалалтад зориулах ёстой.

Бид түншлэлээ хүндэтгэх ёстой, мөн дүрэмгүй хортой тоглогч болон стратегийн өрсөлдөгчдийнхөө талаар маш гярхай байж, хянуур хандах ёстой. Энэ бол миний сүүлийн 40 жилийн турш олж авсан итгэл үнэмшил, үзэл бодол маань юм. Бидний үнэт зүйл, хөгжил дэвшил, аюулгүй байдалд тааламжтай олон улсын дэг журмыг илүү боловсронгуй болгоход бид бүх боломжоо дайчлан ажиллах ёстой. Бидний тогтоосон түншлэл энэхүү боломжийг чадваржуулна.

Нэгэнт энэ асуудал болон бусад зүйл дээр илүү ойрхон байр суурьтай, үзэл бодолтой хэн нэгнийг батлан хамгаалах сайдаар томилох эрх мэдэл танд байгаа тул би өөрийн албан тушаалаа өгөх нь зүйтэй гэж итгэж байна. Миний ажлын сүүлчийн өдөр 2019 оны 02 дугаар сарын 28-ны өдөр байх болно. Энэ хугацаа нь дараагийн сайдыг дэвшүүлэх, түүнчлэн баталгаажуулах, мөн 2 сард болох Конгрессын хурал болон НАТО-ийн Батлан хамгаалах яамны сайд нарын уулзалтууд зэрэг үйл явдалд яамны үйл ажиллагаа, ашиг сонирхол зохистойгоор тусах, хэвийн ажиллахад хангалттай хугацаа гэж итгэж байна. Цаашилбал батлан хамгаалах яамны үйл ажиллагааны тогтвортой байдлыг хангахын тулд өнгөрсөн 9-р сард өөрчлөгдсөн Ерөнхийлөгчийн аюулгүй байдлын зөвлөхүүд (JCS) нь шинэ сайдыг хүлээж авах энэхүү үйл явцад нааштай нөхцөл боллоо.

АНУ-ын иргэдийг хамгаалахад өдөр шөнөгүй ажиллаж, хүнд нөхцөлд үүргээ гүйцэтгэж байгаа нийт 2.15 сая албан хаагчид 732,079 энгийн иргэдийн хэрэгцээ, ашиг сонирхлыг хамгаалах, тэдэнд үзүүлэх яамны анхаарал, хамгаалалтыг доголдолуулахгүйгээр өөрийн албан үүргээ хүлээлгэж өгөхөө андгайлж байна.

Надад энэ үндэстэнд үйлчлэх, нийт дүрэмт хувцастай эрчүүд, эмэгтэйчүүдэд үйлчлэх боломж олгосонд гүнээ талархаж байна.

updown.mn

Мэдээний админ

Learn More →

5 thoughts on “АНУ-ын Батлан хамгаалахын мэдэгдэл Монголчууд бидэнд юуг анхааруулав?

  1. Нэргүй 2018-12-26 20:28 at 20:28

    Amerik gej undesten baihgui. Zavaan turemgii novshnuudiig chutgur avaasai. Zail tsaachaa

    Хариулах
    1. Нэргүй 2018-12-31 09:12 at 09:12

      Чи тарчилж үх хужаа бөөлжис шээсээ

      Хариулах
  2. Хар хайрцагаа хадгал 2018-12-26 23:01 at 23:01

    Үүрдийн хөршүүдийн тухай бидний бодол өөрийнх л байх ёстой Хэн нэгний заавраар үргэлж өөрчлөгдөх өөрсдийгөө хуурах нь тэвчиж болшгүй алдаа . Тархиа угаалгасан гадаад сэтгэлгээ моэщнгол төрд хавьтуулах нь дайснаа тэжээж байгаа хэрэг мартаж үл болно

    Хариулах
  3. Чагнаа 2018-12-27 00:44 at 00:44

    Нутаг усаа үүрч аваад бид ямар нүүх биш дээ. Энэ бол нутаг амьтай монгол хүнд ойлгомжтой. Тэгээд ч хүний газраас жаргал эрэхээр өөрийн нутгаа диваажин болго гэж өвөг дээдэс сургасан хэрэг. Бидний ухааны царааг шалгах цаг хэдийнээ ороод ирчихсэн

    Хариулах
  4. zochin 2018-12-27 10:28 at 10:28

    Erih medeltenguudiig iimerhuu es judagtai, es surtahuuntai uhaalag baigaach gej l uuniig bichsen bn uhseniih ni hursh oron nutag us gej demiirtsgeegeed baigaa yam uuniig oilgohgui baigaa yam chini boolchuud bololgui yaahav dee

    Хариулах

Чагнаа-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн