Нийслэлийн МАН-ын дарга асан Ц.Сандуйтай цаг үеийн асуудлаар ярилцлаа.
-Сүр дуулиантай эхэлсэн, хүлээлт үүсгэсэн МАН-ын Бага хурал “хоосон хонгио” дуугаргаад дууслаа?
-Саяын Бага хурлыг би их хүлээж очсон. Хэт нэг талыг барьсан шийдвэр гаргачихна лээ. Нам ийм болно гэж би бодож байгаагүй. Бага хурал дээр суугаад харж байхад найз нөхөд бие биетэйгээ үг дуугарахгүй зөрж байна. Тэдний буруу юу байхав. Нэг хэсэг нь хуучин даргаа дэмжмээр байдаг, нөгөө хэсэг нь шинэ даргаа дагамаар байдаг. Сонгуулийн дараа бид тэр зааланд найз нөхөд бүү хэл танихгүй нэгнээ ч тэвэрч баярлаж байлаа. Одоо таньдагтайгаа ч гар барьж чадахаа больсон байна. Саяын Бага хурал дээр би үгээ хэлэх цаг нь болсон юм байна гэж очсон. Харамсалтай нь, би Бага хурал дээр үгээ хэлж чадсангүй. Олон гишүүд намайг үгээ хэлэх ёстой гэж байсан. Өөрөөр хэлбэл, өнгөрсөн хугацаанд хамгийн их яригдсан асуудал бол “60 тэрбум” байсан учраас надад хангалттай цаг өгч, сонсох байх гэж бодоод үг хэлэхээр нэрээ бичүүлсэн. Гэтэл надад тавхан минутын хугацаа л өгсөн.
-Намын дарга нь намаа олигархжсан, мафижсан гэсэн маш аюултай үнэлэлт, дүгнэлт өгснийг юу гэж харж байна вэ?
-У.Хүрэлсүх дарга Ерөнхийлөгчид маш том юмны барьцаанд оржээ гэж харагдаж байна. Нэг хоёр хүний хатгаасаар л өнөөдрийн үйл явдал өрнөж байна. 2017 оны Ерөнхийлөгчийн сонгуулиар бид яаж зүтгэж байлаа. Харин сонгууль удирдаж байсан хүмүүс нь л нөгөө талд ажиллаж байсан нь сүүлд илэрсэн. Херогийн Баатартай ярьсан яриа нь байна. Өөрөө тэрийгээ хүлээн зөвшөөрдөг. Түүнийг нь намын гишүүд, удирдлагууд өнөөдөр яагаад ярихгүй байгаа юм, “Та мундаг, та чадаж байна” гэж У.Хүрэлсүхэд тал засахаас өөр юу хийж байна вэ. Ингэж байгаад өөрөө тэр хонгил руугаа орчих вий дээ. Өнөөдөр намын эсрэг явсан хүмүүс намын толгойд гараад суучихсан байна. Үүнийг би гайхаад л байна. Намын гишүүдээсээ ингэж болдог юм уу гэж асуумаар санагдаад байна.
-МАН-ын дарга, нэр бүхий гишүүд, бүр олон гишүүнтэй бүлэн М.Энхболдыг улс төрөөс зайлуулна гэж байна. Өөрөөр хэлбэл, МАН ганцхан хүнтэй хариуцлага тооцох туцхай ярьдаг боллоо?
-Би М.Энхболд даргыг ямар хүн бэ, хувь мөн чанар нь ямар вэ гэдгийг сайн мэднэ. Ажлыг яаж хийдэг, ямар чадвар, мэдлэг боловсролтой гэдгийг нь мэднэ. Тэр хүнээс намыг эвдрэлцүүлье, хагалъя гэдэг санаа гарахгүй. Намайг зарим нэг үзэл бодол, санаа нийлэхгүй хүмүүстэй санал зөрөхөд “Намын дарга гэдэг бол намын хамт олныг эвлүүлэгч, чиглүүлэгч байх ёстой. Чи буулт хий. Чи хойшоо нэг ухар. Тэр нөхдийнхөө үгийг сонс” гэж хэлдэг байсан.
Би Хотын намын дарга байхдаа нийслэлийн 45 төлөөлөгч, хотоос УИХ-д өрсөлдөх 28 хүнийг сонгох эрхтэй байсан. Манай намд фракц гэж байдаггүй учраас тэрний хүн, энэний хүн гээд бүх хүнийг гомдолгүй байлгах, гол гол чиглүүлэгч хүмүүсийн бүгдийнх нь эрх ашгийг хамгаалсан шийдвэр гаргаж, нэр дэвшүүлсэн. У.Хүрэлсүхийн ч, Д.Сумъяабазарын ч, Д.Амарбаясгалангийн ч хүмүүсийг дэвшүүлсэн. Би өөрийнхөө үгнээс гардаггүй хүмүүсийг дэвшүүлэх боломж байсан ч тэгээгүй.
-У.Хүрэлсүх, А.Ганбаатар та гурвын нарын фото зургийн ард 60 тэрбумын схем харагддаг. У.Хүрэлсүхийн зургийг фотошопоор оруулсан гэж бас яриад байгаа?
-У.Хүрэлсүх дарга тухайн үед Шадар сайд байхдаа А.Ганбаатарын “Шинэ монгол хаад” компанийн байранд өөрийн биеэр ирж энэ ярианд оролцсон гэдгийг нотлох зураг байгаа юм. Сайн хараарай. Ар талд нь тэр 60 тэрбумын гээд байгаа алдарт схем харагдаж байгаа биз. Өөрөөр хэлбэл, Г.Доржзодовын танилцуулсан 60 тэрбумын схемийг У.Хүрэлсүх, Д.Амарбаясгалан, Л.Оюун-Эрдэнэ гуравт А.Ганбаатар бид хоёр үзүүлж, ярилцсан гэсэн үг. Тухайн үед НАМЗХ-гийн залуучуудын дунд хагарал болсон. Та санаж байгаа байх. У.Хүрэлсүх, Н.Номтойбаяр, Л.Оюун-Эрдэнэ нар хоорондоо муудалцаж, хүнд байсан үе.
Залуучуудын холбооны энэ хагарал гүнзгийрч, хоёр хуваагдвал нам ч гэсэн хоёр хуваагдах аюултай юм байна гэдгийг би харж байсан. Тиймээс М.Энхболд, У.Хүрэлсүх гээд намын хоёр том лидер муудалцаж болохгүй юм байна гэдгийг бид гурав ярилцаж байсан. Тэгээд У.Хүрэлсүх даргыг манай өрөөнд урихдаа ярианы сэдэв болгоод л Г.Доржзодовын төслийг А.Ганбаатар танилцуулсан. У.Хүрэлсүх дарга тэрийг сонсоод “Мундаг төлөвлөгөө байна. Би олон сонгуульд орж байхдаа ийм цэгцтэй стратеги төлөвлөгөө үзээгүй. Сайн байна. Үүнийгээ чи хэрэгжүүлэх юм уу” гэж асуусан. “Яахав ээ, зөгнөлт юмнууд наана чинь зөндөө бий” гэж би хариулсан. Үнэндээ тэр бол ердөө нэг хүний санаа, ийм байж болох юм гэсэн ажлын хувилбар юм. Тэрийг нь хот дээр ч, нам дээр ч ярьж хэлэлцсэн нэг ч хурал болоогүй. Үүнийг ярьж хэлэлцсэн албан ёсны нэг ч бичиг баримт байхгүй. Хэдэн хүний хооронд ярьсан яриа. Үүнийг бусад бүх нам дээр ч ярьдаг гэдгийг одоо болж байгаа олон үйл явдлууд харууллаа.
-Та НИТХ-ын дарга, Нийслэлийн МАН-ын даргын ажлаа өгөөд жил гаруй боллоо. Одоо л дуугарч байх шиг байна?
-Улс төр намайг оролдоод байна гэдэг дээ. Тэрэн шиг л юм болоод байна. Осолд орж гэмтсэн учраас хэсэг чимээгүй байсан. Нэг жил эмнэлгээр явсан. Тэгтэл намайг хараад муулаад эхэлсэн. Тэгээд юу болсныг ярья гэж бодсон. Дуугүй байхаар өөрөө буруутан мэт харагдаад эхэлсэн. Би сонгуульд ялахын тулд чөтгөртэй ч нийлэхэд бэлэн байсан. Өнөөдөр тэр чөтгөрүүдийнхээ хоол нь боллоо.
Эх сурвалж:
14 comments
zza sandui bol zugeer duugui l baisan n deer dee yal n hundrene shuu yalaa daahchgui shorondoo majiih bh shuuu,
Энэ залуу намыхаа төлөө үнэн сэтгэлээсээ зүтгэсэн.
Залуучууд аливаа асуудалд тун болгоомжгүй ханддаг болсон юм. Яагаад гэвэл Монголын нийгэм хуваагдсан,тэр хуваагдлаасаа болоод бие,биеэ өмөөрч хамгаалаад аль нь үнэн, аль нь худлаа болохыг мэдэхэд хэцүү болсон. Үүнээс залуучууд их хайнга,онгироо, мэдэмхийрэгчид болж байна. Дээр нь худлаа ярьж тархи уггахдаа гарамгай мэргэжилтэнүүд олширсон. Эцэг нь Элбэгдорж юм
Ene zaluu namiinhaa tuluu estoi noir hooloo martan ajillaj baisniig medeh yum bna.2 nuur gargaagyi. yadarsan negnee orhiogyi er hyn shig tusladag baisand talarhaj yavdag shyy .Songuuliin yed bidniig ch bas mash Ih tevcheertei surgasan .Ta ene muuhai 2 nuurtnuudees holhon baij nuhur daisan 2 oo tanih heregtei .
uuriinhu bolon dvvgiinhe ner deer absan gazruudaa l butsaagaad ugchihuuch ta nar tiim bayan targan turuugvi ni l vnen sh de
за..за ..Сандуй хэрэгээ нэгэнт хүлээчихлээ шүү дээ..атг,цагдаа ,прокурор ажлаа хийнэ үү..
Hurelsuxiin xoliig taslana geed yariad bsn biz dee
МУУ АЦ МИНЬ ТѲРИЙН АЖЛЫГ ХУДАЛДАН АВАХ АЛБАН ТУШААЛЫГ ҮНЭЛГЭЭТЭЙ БОЛГОХ АЖЛЫГ ХЭРЭГЖҮҮЛЭХ БИТГИЙ ХЭЛ ОГТ ДУРСАЖ ЭНЭ ТАЛАА ГАНЦ ҮГ ГАН ХИЙЖ БОЛОХГҮЙ МЭДЭВҮҮ. ЮУН НАМЫН ХҮМҮҮСИЙГ ЦУГЛУУЛЖ ЯРЬЧИХААД ХЭРЭГЖҮҮЛЭЭГҮЙ ГЭЖ. ҮҮНИЙГ ЧИНЬ ТѲРИЙН ЭСРЭГ ГЭМТ ХЭРЭГ ҮЙЛДЭХИЙГ ЗАВДАХ ГЭДГИЙН ЧИ ЧИМЭЭГҮЙ БОЛВОЛ ҮР ХҮҮХЭДЭЛ ЧИНЬ ТУСТАЙ БХ. ОДОО ЮУ ВЭ БАЁ ХЭДЭН ХҮНЭЭР ѲѲРИЙГѲѲ ѲМГѲѲЛҮҮЛЖ ѲРѲВДҮҮЛЖ МАГТУУЛСАН КОММЕНТ БИЧҮҮЛЧИХЖЭЭ. ИНГЭЖ ДАСГАЖ МАРТАГНУУЛЖ БАЙГААД АХИАД УЛС ТѲРД ЗҮТГЭЕ ГЭЖ БОДОЖЛ ДЭЭ. ЧИНИЙ ХУВЬД ЭНЭ ЦАГ ҮЕДЭЭ ҮХДЭЛ БОЛСООН.ЯЛ АВААГҮЙДЭЭ БАЯРЛАЖ ДУУГҮЙ ЖААХАН НОМ УНШИЖ ГЭМШИЖ СУУСАН НЬ ДЭЭР .
Уучлаарай. Энэх хүнийг намын төлөө үхтлээ зүтгэсэн гэж яриад бичээд бгаа хүмүүсийг нэг л сайн олйгохгүй бна.Энэ хүн мафийн гар хөл болж өөрийнхөө болон эздийнхээ эрх ашгийн төлөө үхтлээ зүтгэж бсан бна гэдэг нь үнэн юм бна. Тэр ярьж бгаа ярианых нь өнгө аясыг хар лдаа. Улс эх орныхоо төлөө, ажил үйлсийн төлөө биш, манай хүн тэрний хүн ч гэх шиг яриад бгаа юмыг нь сайн хар л даа. Сонгуулийн дараа мафийн ялалт гэж л үхтлэээ баярлаж байсан болохоос биш улс эх орныхоо төлөө хийсэн нэг ажлын ард гарчихаад хамтдаа баярлаж байсан билүү эд нар. Тэгээд одоо хулгай хувилдаан нь баригдаад ирэхээр бие биенээ танихаа больдог өчүүхэн муу дээрмийн бүлэглэлийн гишүүд шиг л бие биенээ танихаа байсныг юундаа гайхаад бгаан бол. Мафийн тухай зохиол бага уншиж дээ. ккккк
ЖЕНКО ТЭМҮҮЖИНГ ЯАЛАА, ГАНТУЛГЫГ ЯАЛАА МАНАЙХАН ЮМЫГ ИХ АМАРХАН МАРТДАГ.
Сандуй Ми.Энхболдын ,үед ,газарын ,дарга ,байсан. Бузар юм,их ,хийсэн ,дээ. Одоо,хамгаалаад ,яахав. Өнгөрсөн хугацаанд,та ,нарын ,хөрөнгө,ард олны ,хөрөнгө ,яаж өсөв,гэхэд ,л ,хараад ,хэн ,ч ,ойлгоно. Мөнгөтэй ,хүмүүст ,газар ,өгч ,дэвшүүлдэг, ногоон,байгууламжуудыг ,устгасан ,нүгэлтэнгүүд ,юу ,ч ,яриад ,нэмэргүй.
Ene zaluu namaa iim baidald oruulhad tom huv’ nemer oruulchaad ter dundaa turiin erh medliig huul’ busaar avah gesen sanaarhal gargasanaaraa shuud shorond suuj baih yostoi yum bish uu? Jiriin irgen bsan bol al’ hedii n’ shorond orood amia aldsan bgaa daa… Denduu shudraga bish niigemd bna daa bid!!!!
ter hom plazagaa buulgaad ogoo tegvel chamaig orshooe buh zamiin tugjee tend bol ta nar l gazar avch delguur barij chadana
odoo uahab eeeee uahab.eedee huasan zuluu eeriin tolgoi deer gedeg bus uu.hairan saihan etseg ehiin ner.muu l bna da.uahlaaraa iim boldog yum bol doo.neg l eder ene uiliin ur ni ireh bol uu da.