Таканоива А.Баасандорж зодог тайлах хүсэлтээ өгчээ
Харумафүжи аваргын зодог тайлах шалтгаан болж байсан Монголын сүмоч Таканоива энэ удаа өөрөө бусдыг зодсон хэрэгт холбогдож зодог тайлахаар болжээ. Энэ талаар өчигдөр буюу Баасан гарагт Японы Сүмогийн Холбоо мэдээлсэн байна.
Сүмогийн Холбоо Таканоивагийн хүсэлтийг зөвшөөрсөн гэжээ. Мягмар гарагт Фүкүокад зохиогдож байгаа орон нутгийн барилдааны үеэр Таканоива зочид буудалд Чиганоура дэвжээний залуу бөхийг зодсон гэнэ. Өөрийнх нь эд зүйлийг авч ирэхээ мартсан залууд тэр ийм шийтгэл оноожээ. Залуу бөхийн нүүрэнд гарын алгаар, нударгаар нийт таван удаа цохисон бөгөөд ноцтой гэмтэл учраагүй ч хохирогчийн нүүр хөхөрсөн байгааг Сүмогийн Холбоо мэдээлжээ.
Одоо 28 настай Таканоива буюу Адъяагийн Баасандорж нь 2009 онд анх ёкозуна асан Таканоханагийн дэвжээнд барилдахаар ирж байсан юм. 2014 онд тэр дээд зиндаанд дэвшин барилджээ. Өнгөрсөн оны аравдугаар сард Таканоиваг Монголын ёкозуна Харумафүжи зодож бэртээсэн хэрэг гарч байв. Үүний улмаас Харумафүжи зодог тайлсан бол дэвжээний эзэн Таканохана нь мөн дэвжээгээ тарааж, сүмогийн ертөнцөөс явсан юм.
Өнгөрсөн сард Таканоива зодуулж бэртсэний улмаас учирсан санхүүгийн хохирлоо барагдуулахаар шүүхэд Харумафүжигийн эсрэг гомдол гаргасан ч дараа нь гомдлоо буцааж татсан байдаг гэж Японы Kyodo News мэдээлжээ.
Эх сурвалж: undesten.mn
3 сэтгэгдэлтэй
sana muu bol zaya muu!!!
2018-12-08 17:50 at 17:50
sanaa muu bol zaya muu?…
takanoiwa
2018-12-08 18:10 at 18:10
hohi n muu nowshiin bandi
Султаан
2018-12-10 10:53 at 10:53
Хүний муу үздэг хүн өөд нар үздэггүй юм. Чамд үзүүлсэн Амагийн алганы амт чанга хүн болгох алтан сургаал байсан юм. Тэнэгтээ чи сумогоос хөөгдөж байгаа юм Тэгээд чи Монголдоо ч ад үзнгдэнэ, архичин болно Баяртай