“Алдарт эх-2018” спортын наадам болно

Алдарт эх цахим нэгдлээс санаачлан, Монголын Сагсан бөмбөгийн холбоо, Монголын Волейболын холбоо, Монголын ширээний теннисний холбоо зэрэг холбоотой хамтран “Зөв гэр бүл-Зөв хүүхэд-Зөв нийгэм” уриан дор эрүүл аж төрөх зан үйлийг хэвшүүлэх, идэвхтэй хөдөлгөөн, спортоор хичээллэх боломжийг нэмэгдүүлэх зорилгоор “Алдарт Эх-2018” спортын анхдугаар наадмыг зохион байгуулах гэж байна.

Энэхүү спорт наадам аравдугаар сарын 21-ний өдөр Батлан хамгаалахын их сургуулийн спорт зааланд болох бөгөөд дөрвөөс дээш хүүхэд төрүүлж өсгөсөн, Алдарт эхийн одонтой ээжүүд төрсөн сараараа баг болон хуваагдаж, сагсан бөмбөг, гар бөмбөг, дартс, шатар, даам, ширээний теннис зэрэг спортын зургаан төрлөөр өрсөлдөх юм байна.

Facebook дэх “Алдарт эх” цахим нэгдэл нь 6000 гаруй идэвхитэй дэмжигчидтэй бөгөөд эмэгтэйчүүд, хүүхэд, гэр бүлд чиглэсэн олон арга хэмжээг зохион байгуулсаар ирсэн бөгөөд саяхан “Алунгоо Эх” ТББ, “Монголын Эмэгтэйчүүдийн Хатан Эрдэнэ холбоо”, Засгийн газрын хэрэгжүүлэгч агентлаг “Гэр бүл хүүхэд залуучуудийн хөгжлийн газар” зэрэг байгууллагууддтай хамтран “MRS MONGOLIA WORLD 2018-Гоо ээж” улсын анхдугаар уралдааныг амжилттай зохион байгуулсан юм.

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.