Траншейнаас олсон хүүхдээ өргөж авсан хос Монголчуудад хандлаа

Траншейнд амьдарч байсан 3 настай монгол охиныг өдгөөгөөс зургаан жилийн өмнө гадаадын нэгэн хос өргөн авчээ. Анх траншейны нүхнээс олдсон гэх тэр охин одоо үнэхээр хөөрхөн бөгөөд үеийнхнээсээ ч илүү ухаалаг болсон гэдгийг өргөж авсан ээж, аав нь хэлж байна. Тэд баатарлаг түүхт Монгол Улсын өнөөгийн бодит байдалд ихэд эмзэглэсэн аж. Тиймээс Монголын төр, Монголчуудад хандаж ил захидал илгээсэн байна. Охины аав Жон ил захидалдаа:

– Хүүхдийн ирээдүй гэдэг зүйл бол улс эх орны ирээдүй байдаг. Тэгвэл бид хоёр траншейны нүхэнд амьдардаг хүүхдүүдийг Монгол улсад анх удаа хараад ихэд балмагдсан юм. Бид түүнийг өрөвдөж өргөж авсан. Одоо бол тэр минь 9 настай, ухаалаг бөгөөд бид хоёрыг харамсуулахааргүй хөөрхөн охин. Гайхалтай гэж хэлмээр сайн охин болж хүмүүжиж байгаа.

Яагаад ийм бяцхан үрсийг хог дээр хаяж зүгээр л халамжлахгүй орхидог юм бол оо?

Бид ихэд гайхсан. Яагаад гэвэл олон улсад “баатрууд” хэмээн хүндлэгддэг гайхалтай гүрэн бидний төсөөлснөөс өөр байсанд их гайхсан. Улсын ирээдүй хүүхдийн ирээдүйгээс хамааралтай шүү дээ.

Энэ бол оргүй үг биш юм. Монгол улсын ирээдүй траншейны нүхэнд байна гэж үү? Үнэхээр ухамсаргүй эцэг эх, ах эгч нар Монгол улсад амьдарч байна гэж хэлмээр байна. Хэрэв миний охин Монгол улсад хайрлуулж өсгөгдсөн бол Монгол улсыг хөгжүүлэхэд гайхалтай дэм болох байсан гэж бодож байна. Яагаад гэвэл үеийнхээ хүүхдүүдээс хол давсан сэтгэн бодох чадвартай гайхалтай ухаалаг эелдэг охин юм.

Та бүхэнд гэж хэлэхэд бяцхан үрсээ хайрлах хэрэгтэй. Тэд хэн ч болж магадгүй шүү дээ. Хэрэв Монгол улсыг удирдан залах охин байсан бол та бүхэн яах вэ? Надаас гуйсан ч би эргүүлж өгч чадахгүй юм. Миний өвөг дээдэс Монголчууд байсан гэдэг түүх бий. Тийм учраас би энэ анхааруулгыг та бүхэнд хүргэж байгаа юм. Энэ сануулгыг Монголчууд та бүхэн сайтар бодож тунгааж, хайрлаасай хэмээн бичиж илгээжээ.