Хуушуур зарах зөвшөөрлийн тоог багасгажээ

Тулгар төрийн 2227 жил, Их Монгол Улс байгуулагдсаны 812, Ардын хувьсгалын 97 жилийн ой, үндэсний их баяр наадам болоход 10 гаруй хоногийн хугацаа үлдлээ. Гэрэл зургийг MPA.mn Энэ жилийн Үндэсний их баяр наадмын үеэр Хүй долоон худагт хуушуурын 160, худалдааны 50 цэг, Төв цэнгэлдэх хүрээлэнд хуушуурын 350, худалдааны 50 цэг, ний 610 цэгт зөвшөөрөл олгох юм байна.

Энэ жил хуушуурын үйлдвэрлэл явуулах иргэн, аж ахуй нэгжид олгох зөвшөөрлийн тоог бууруулсан болохыг Нийслэлийн мэргэжлийн хяналтын газрын дарга Л.Эрдэнэчулуун хэллээ. Хоол үйлдвэрлэл, худалдаа үйлчилгээний зөвшөөрөл хүссэн материалыг энэ сарын 13-наас авч эхэлсэн бөгөөд зургадугаар сарын 27-ныг хүртэл дүүргийн Засаг даргын Тамгын Газрын Хүнс, худалдаа үйлчилгээний хэлтэст хүлээн авч байгаа юм.

Өнгөрсөн жилийн наадмаар Төв цэнгэлдэх хүрээлэнд хоол үйлдвэрлэлийн үйлчилгээ эрхэлж байсан аж ахуй нэгжийн асарт газ дэлбэрч, нэг хүний гарын шуу гэмтэж байв. Энэ төрлийн зөрчил гаргахгүйн үүднээс энэ жилийн баяр наадмаар шингэн хий нийлүүлэгч компаниудтай Улсын байцаагч нар хамтарч ажиллах аж.

НМХГ-аас 350 албан хаагч, хоёр явууын лабораторитойгоор Хүй долоо худаг, Төв цэнгэлдэх хүрээлэн, Үндэсний соёл амралтын хүрээлэн, Үндэсний цэцэрлэгт хүрээлэн, Сүхбаатарын талбай гэсэн таван цэгт баярын өдрүүдэд лабораторийн шинжилгээ хийж, хяналт тавьж ажиллах юм байна.

Мөн Хүй долоо худагт байрлах гурван худгийн уснаас дээж авч, НМХГ-ын лаборатороийн шинжилгээнд хамруулсан байна. Эмнэлгийн тусламж үйлчилгээ үзүүлэх, яаралтай түргэн тусламжийн төв, дүүргийн эрүүл мэндийн төвүүдийн бэлэн байдалд хяналт шалгалт хийж байна.

One thought on “Хуушуур зарах зөвшөөрлийн тоог багасгажээ

  1. Уянгаа 2018-07-02 18:28 at 18:28

    Энэ жил хуушуурын үйлдвэрлэл явуулах иргэн, аж ахуй нэгжид олгох зөвшөөрлийн тоог бууруулсан болохыг Нийслэлийн мэргэжлийн хяналтын газрын дарга Л.Эрдэнэчулуун хэллээ. Энэ ер нийслэлийн МХГ-т хамааралгүй чиг үүрэг шүү Хэд байх нь хамаагүй зөвшөөрөл олгодог байгууллага нь мэдээлнэ биз

    Хариулах

Уянгаа-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн