С.Баярцогт, Б.Бямбасайхан нарыг суллаж магадгүй

Сангийн сайд асан С.Баярцогт, “Эрдэнэс Монгол” компанийн гүйцэтгэх захирлаар ажиллаж байсан Б.Бямбасайхан нарт хилийн хориг тавьж, батлан даалтад гаргах саналыг прокурорын байгууллагаас шүүхэд хүргүүлжээ. Хүсэлтийг өнөөдөр 16:00 цагт Сүхбаатар, Баянзүрх, Чингэлтэй дүүргийн эрүүгийн хэргийн анхан шатны шүүхэд хэлэлцэнэ.

АТГ-аас 2018 оны дөрөвдүгээр сарын 1-нд Сангийн сайд асан С.Баярцогтод таслан сэргийлэх арга хэмжээ авсанаас хойш ШШГЕГ-ын хорих 461 дүгээр ангид хоёр сар гаруй хоригдож буй юм. Мөн Б.Бямбасайханыг Дубайн гэрээтэй холбогдуулан саатуулсан билээ.