Нийгэм

Унтраалгүй хаясан тамхины ишнээс болж “Приус-20” шатав уу?

Сүхбаатар дүүргийн нэгдүгээр хороо, Шүүхийн шинжилгээний үндэсний хүрээлэнгийн хойд талд байрлах UBH центр барилгын хогийн цэгт өнгөрсөн лхагва гарагийн орой гал гарсны улмаас авто зогсоолд тавьсан приус маркийн машин шатсан харамсалтай хэрэг гарсан билээ.

Шатсан машин “Булнайн ар” компанийн хамгаалалтын албаны ээлжийн ахлахын машин байсан гэнэ. Галын шалтгааныг тодруулахаар галын шинжээчид ажиллаж байгаа бөгөөд урьдчилсан нөхцөл байдлаар юунаас болсон нь хараахан гараагүй байгаа юм байна

. Харин албан бус эх сурвалжийн хэлж буйгаар гарсан гал тамхичин залуусын хэнэггүйн хар гайгаас үүдэлтэй байх магадлал өндөр байгаа гэнэ. Учир нь тус оффисын хяналтын камерыг шалгаж үзэхэд тухайн машины ойр орчимд хоёр залуу тамхилаад зогсож буй нь бичигдсэн байсан бөгөөд тамхиа татаж дуусаад ишийг нь унтраалгүй шидчихээд яваад өгсөн байжээ. Харин удалгүй тамхины иш шидсэн хогийн цэг орчмоос гал гарч, улмаар машин шатаж эхэлсэн бичлэг бичигдэж үлджээ.

ХОЛБООТОЙ МЭДЭЭ

1 сэтгэгдэлтэй

Сэтгэгдэл

Таны сэтгэгдэл

Back to top button
Close