Сурагчдын амралт энэ сарын 30-нд эхэлнэ. Хүүхэд багачуулын амралт, чөлөөт цагт зориулан Монголын Үндэсний циркийн уран бүтээлчид “Морьтон циркийн гайхамшиг” тоглолтоо толилуулхаар болжээ. Ирэх сарын 1-нд эхлэх энэ тоглолт тав хоног үргэлжлэх юм байна. Тодруулбал, дөрөвдүгээр сарын 5-н хүртэл морьтоны гайхамшиг үзүүлбэр, илбэ, агаарын гимнастик, тэнцвэр, цагираг, гал, ташуур зэрэг олон сонирхолтой үзүүлбэрээр хүүхэд багачуулыг уйдаахгүй гэнэ. Тасалбарын хувьд 10, 15, 20 мянган төгрөгөөр тус тус борлуулж буй бөгөөд циркийн касс, 19001950 үнэгүй хүргэж байна. Тоглолт ирэх сарын 1,2-нд 14:30 цагт, 3, 4, 5-нд 18:30 цагт үүдээ нээх аж.
