Нийгмийн даатгалын ерөнхий газрын дарга Д.Зоригт энэ сарын 5-ны өдөр БНСУ-ын Элчин сайдын яамны нэгдүгээр нарийн бичгийн дарга бөгөөд консул Кил Канг Мүкийг хүлээн авч уулзан хамтран ажиллах талаар санал солилцлоо.
БНСУ руу зорчихоор виз мэдүүлж буй иргэдийн эдийн засаг санхүүгийн баталгааг лавлах зорилгоор Нийгмийн даатгалын шимтгэл төлөлтийн лавлагааг бүрдүүлэх материалын жагсаалтад оруулсан байдаг. Гэвч иргэд тус лавлагааг хуурамчаар үйлдэх нь хэвийн хэмжээнээс хэтэрсэн тул Нийгмийн даатгалын байгууллага болон цагдаагийн байгууллагад хандаад байгаа талаар Консул хэлсэн.
Хэдийгээр нийгмийн даатгалын байгууллагын дэмжлэгтэйгээр хуурамчаар лавлагаа үйлдсэн иргэдийг илрүүлж байгаа боловч тус асуудлыг бүр мөсөн таслан зогсоох тал дээр хоёр тал хамтран ажиллах боломжийг судлах хүсэлтэй байгаагаа тэрээр илэрхийлсэн.
Нийгмийн даатгалын ерөнхий газрын дарга Д.Зоригт “Нийгмийн даатгалын шимтгэл төлөлтийн лавлагаа хуурамчаар үйлдэгдэж байгаад бид ч бас анхаарал хандуулан илрүүлэх тал дээр арга хэмжээ авч байна. Яг ийм хэргийн улмаас хэд хэдэн бүлэг этгээд хуулийн байгууллага дээр шалгагдаж байгаа.
Нийгмийн даатгалын лавлагаа, мэдээллийг хуурамчаар үйлдэж бичилт хийх, хэн нэгэн этгээд засвар оруулах боломжийг хаах зорилгоор лавлагааны маягтыг шинэчлэн өөрчлөлт оруулсан. Хамгийн гол хийгдэж эхэлсэн ажил бол БНСУ-ын ЭСЯ болон төлөөлөн гүйцэтгэх байгуулагад тус лавлагаа мэдээллийн үнэн зөв эсэхэд давхар хяналт тавих боломжийг олгож байна.
Мэдээж иргэд даатгуулагчийн хувийн нууцтай холбоотой учир зөвхөн виз мэдүүлэгчийн лавлагааны кодоор ганцхан тэр хүний мэдээллийг л шалгах боломжтой” гэсэн юм.
Ноён Кил Канг Мүк тус арга хэмжээг үр дүнтэй ажил болсонд талархал илэрхийлээд бас нэг хүсэлт тавьсан нь төлөөлөн гүйцэтгэх байгууллагуудын сонгон шалгаруулалтад хяналт тавих асуудал байлаа. Уг нь ЭСЯ визний мэдүүлгийг зөвхөн өөрийн байранд авах ёстой боловч зөвхөн өчигдөр л гэхэд 900 визний хүсэлт ирж ачааллаа дийлдэггүй учраас 8 төлөөлөн гүйцэтгэх байгууллага ажиллуулж байгаа юм байна. Нэмж 7 байгууллагыг гүйцэтгэгчээр ажилуулахаар сонгон шалруулалт явуулж байгаа бөгөөд материал ирүүлсэн байгууллагынхаа хүний нөөц, нийгмийн даатгалын шимтгэл төлөлтийг чухалчлан үзэж мэргэжлийн байгууллагаар шалгуулах хүсэлтэй байна гэлээ.
Нийгмийн даатгалын байгууллагаас тус хүсэлтийг хүлээн авч хамтран ажиллахаа илэрхийлсэн. Тус уулзалтын үеэр НДЕГ-ын дарга Д.Зоригт “Лавлагаанд нэмэлтээр оруулсан ажил олгогчийн шимтгэл төлөлтийн хэсэгт манай улсын эдийн засгийн байдалтай холбоотойгоор олон аж ахуйн нэгж өртэй гэж гарч байгаа. Энэ нь даатгуулагчийн буруу биш, ажил олгогчийн хариуцлагагүй байдалтай холбоотой тул ЭСЯ-ны зүгээс тус асуудалд уян хатан байдлаар хандаж цөөн сараар төлөлт хийгдээгүй тохиолдолд визний хүсэлтийг түдгэлзүүлэхгүй байхыг” хүслээ.
СЭРЭМЖЛҮҮЛЭГ
Эх сурвалж: Нийгмийн даатгалын ерөнхий газар
ene baiguullagiinhan chini uursduu mungu avch burduulj ugdug shd zugeer engiin humuus iim zuil hiij chadahguishd ter tamga temdegees ehleed bugd l ene baiguullagiinh shd
Монголчууд тэнд байнга байхгүй. Цаг хугацаанд тооцоо хийгээд яадаг юм. Хятадад манайхан болоод л байна. Ер нь Солонгос улс ямар байснаа санах хэрэгтэй. Монголчуудад хатуурхаад сонин байна. Ямарч юм тохиолдож болно шүү дээ. Элчингийн дарга нар аа. Түүхээ сайн сана.