Нийгэм

Малчиддаа тэжээл хандивлалаа

Хавсарга ихтэй хаврын урт өдрүүдэд хөдөөгийн малчдад өвс тэжээлийн хэрэгцээ шаардлага их гардаг. Мал тэжээлийн дутагдалд орж тарга хүчээ алдан турж эцдэг. Энэ үед малын хариулга, маллагаа, тэжээл тэжээллэгийн асуудал малчдын толгойн өвчин болдог.

Ховд аймгийн ИТХ-ын төлөөлөгч Б.Банзрагч Эрдэнэбүрэн суманд ажиллаж тойргийнхоо 360 малчин өрх тус бүрд нэг уут хорголжин тэжээл хандивласан байна. Ийм цаг үед нүдээ олсон ажил боллоо хэмээн малчид талархаж байна.

Ховд аймгийн Эрдэнэбүрэн сум нь мал аж ахуйн 4 багтай. Тус суманд 212300 толгой мал өвөлжсөнөөс энэ өвөл, хаврын цаг агаарын хүндрэл бэрхшээлийн улмаас өнөөдрийн байдлаар 15000 гаруй мал хорогдсон байна. Аймгийн ИТХ-ын төлөөлөгч Б.Банзрагч сонгогдсоноосоо хойш тойрогтоо хэд хэдэн удаа ажиллаж, өнгөрсөн хугацаанд хийсэн ажлаа иргэд, сонгогчиддоо тайлагнажээ.

p1camjb6rm241dr91m3vu6u1ro93 Малчиддаа тэжээл хандивлалаа

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close