УИХ-ын дарга М.Энхболдын захирамжаар Санхүүгийн Зохицуулах Хороонд шалгалт хийх ажлын хэсэг байгуулсан байна. Шалгалтыг 3 дугаар сарын 26-наас 10 хоногийн хугацаатай хийж байгаа бөгөөд ажлын хэсэгт даргаар УИХ-ын гишүүн Б.Баттөмөр, ажлын хэсгийн гишүүдээр УИХ-ын гишүүн Лу.Болд, Б.Ундармаа нар болон Эдийн засгийн байнгын хорооны зөвлөхүүд багтсан байна.
Ажлын хэсэг Монголын үнэт цаасны арилжаа эрхлэгчдийн холбоо, Монголын даатгагчдын холбоо, Монголын даатгалын зуучлагчдын холбоо, Даатгалын хохиррол үнэлэгчдийн холбоо болон бусад мэргэжлийн оролцогчдын УИХ-д ирүүлсэн гомдолд дурдагдсан ажил хэргийн зөрчил Санхүүгийн Зохицуулах Хорооны даргын үйл ажиллагаанд байгаа эсэхийг шалгаж, санал дүгнэлт гаргаж танилцуулах зорилготой ажээ.
Шалгалтыг сүүлийн 2 жилийн хугацаанд банкнаас бусад санхүүгийн чиглэлээр СЗХ-оос гаргасан бодлого, шийдвэрүүд, тэдгээр нь салбарын мэргэжлийн оролцогчдын үйл ажиллагааг хүнд суртлаар боймлох нөхцөл байдлыг бий болгосон эсэхийг судлан дүгнэлт хийх юм байна.
Мөн СЗХ нь үйл ажиллагаа явуулахдаа хууль бус шалтаг, шалтгаанаар иргэд, аж ахуйн нэгжийн хүсэлтийг буцаах, шийдвэрлэхгүй удаашруулах зэрэг хүнд суртал бий болсныг зарим жишээ баримтаар ирүүлсэн гомдолд дурдсаныг нягтлан тогтоох, СЗХ-ны ажлын албанаас мэргэжлийн албан хаагчдыг үндэслэлгүйгээр ажлаас халсан, танил тал, мэргэжлийн бус баг бүрдүүлсэн зэрэг зөрчил гарсан эсэхийг шалган тодруулах, Захиргааны ерөнхий хуулийн дагуу банкнаас бусад санхүүгийн салбарт мөрдөгдөж байгаа дүрэм журмуудыг эрх бүхий байгууллагаар хянуулж, бүртгүүлэх ажил хийгдсэн эсэхийг тогтоох аж.
Эл асуудалтай холбоотой дэлгэрэнгүй мэдээллийг манай сурвалжлах баг удахгүй дэлгэрэнгүй хүргэх болно.
3 comments
Даваасүрэн төсвөөс асар их зардал гаргуулан өөртөө зориулан тусгай ариун цэврийн өрөө шинээр гаргулсан,мөн энэ байгууллагад сахилга хариуцлага алдагдсан.Жишээ нь хувь этгээдийн нууц материулуудыг/хадгаламж зээлийн хоршооны/хүлээж аваад хаяж үрэгдүүлээд дарамталж дахин бүрдүүлүүлж авдаг.
Хадгаламж зээлийн хоршоог мэдэхгүй хүмүүс тэнд ажилладаг болсон тул үйл ажиллагааных нь онцлогыг ойлгохгүй Банк бус санхүүгийн байгууллагатай зүйрлээд байдаг. Ер нь юм мэдэхгүй хүмүүс байдаг болсон болохоор бодлогын том алдаа гаргах магадлал өндөр харагдаж байгаад анхаарах хэрэгтэй.
Хадагалмж зээлийн хоршоодыг маш ихээр дарамталж байгаа. Чухам бодлого уу. Хариуцсан байцаагчид ажилчдын мэдлэг чадамжгүй байдал уу.