Хүүхдүүд утаанд “хордож” цэцэрлэгээсээ эмнэлэгт хүргэгдэх болжээ

Бага насны хүүхдүүд өглөө цэцэрлэг рүүгээ явах замдаа нүүрсний утаанд хордож эмнэлэгт  хүргэгдэх болжээ. Баянгол дүүргийн X хороонд оршин суугч, иргэн Л.Сувд хүүхдээ өглөө бүр машинтай хүргэн өгч, орой авдаг байна. Гэтэл саяхан нэг өглөө машинаа халаах зуур хүүхэдтэйгээ 10 минут орчим гадаа зогсчээ. Гэвч  өглөөхөн цовоо сэргэлэн байсан хүүхэд нь цэцэрлэгтээ явах замдаа унтсаар л байсан аж.

Ээж нь хүүхдээ эрт боссон учираас унтаж байна гэж эндүүрсэн байна. Үүнээс хойш өдөрийн 12:00 цагийн орчимд багш нь хүүхдийн ээж рүү утасдаж “ Танай хүүхэд чинь нэг л биш байна. Хүйтэн усаар нүүрийг нь угаагаад байхад сэргэхгүй байна” гэсэн аж. Энэ дагуу хүүхдээ эмнэлэгт үзүүлтэл эмч нар утааны гүн хордлого болж, унтаа байдалд орсон байна гэж оношилжээ. Тиймээс даруй хүчилтөрөгчийн аппарат хоёр цаг залгаж, эмнэлэгт хоёр хоног эмчлүүлснээр биеийн байдал нь сайжирсан байна.

Утааны хордлогонд орсон хүүхэд унтаа байдалд орчихоод царай нь цонхийж цайн, толгой, их биеэрээ халуун ч дөрвөн мөч нь цэв хүйтэн  шинж тэмдэг илэрдэг. Энэ нь хүүхэд хүчилтөрөгчийн дутагдалд орсон гэсэн үг аж. Агаар бохирдуулагч тоос, хүнд металлууд, агаараас хүнд хорт хийнүүд нь 1,5 м-ээс доош түвшинд хамгийн ихээр хуримтлагдах, тунах магадлалтай байдаг учираас 0-4 насны хүүхдүүд хамгийн их их хорддог аж. Иймд тэвэрч байх нь хамгийн зөв алхам юм.

Утаа бидний ирээдүй, үр хойч болсон бяцхан үрсийн амь нас, эрүүл мэндэд заналхийлж байхад эрх баригчид онцгой байдал зарлах ёстой. Гэтэл оны өмнөхөн хуулинд ийм заалт байхгүй гээд өнгөрөөсөн.Ерөнхий боловсролын сургуулийн сурагчидыг нэг сар амраах шийдвэр гаргасан шиг сургуулийн өмнөх боловсролын хүүхдүүдийг ч бас утааны улирал дуустал амраах нь ядаж л утааны энэ үед хүүхдээ хамгаалах хамгийн энгийн арга болоод байна.

Өнөөдөр Төрийн хонины нэхий, утаагүй зуух түлш гэх зэрэг өнөөх улиг болсон зүйлээ ярьсаар урин хавартай золгох вий.

5 thoughts on “Хүүхдүүд утаанд “хордож” цэцэрлэгээсээ эмнэлэгт хүргэгдэх болжээ

  1. Нэргүй 2018-01-05 11:51 at 11:51

    яанаа, ямар аймар юм бэ.
    би уг нь гэртээ дасгал хөдөлгөөн хиймээр байх юм. тэгтэл утаатай үед дасгал хөдөлгөөн хийвэл утаанд илүү их хордоно, учир нь дасгал хийх гүйх үед уушиг илүү их багтаамжаар ажиллах тул илүү их утаанд хордоно гэх юм.
    энэ үнэн үү.
    үүнээс хойш утааг багасгаж чадах хүнийг л сонгуулиар сонгоё

    Хариулах
  2. Нэргүй 2018-01-05 11:53 at 11:53

    мэдээж утааг багасгахад гэрт амьдарч байгаа айлд утаагүй түлш үнэгүй өгөөд ч юмуу иймэрхүү аргаар утаанаас сална гэж байхгүй.
    айл өрх бүрийн эдийн засгийн байдал, ухамсрын байдалд нөлөөлөх замаар утаанаас сална.

    Хариулах
  3. Zochin 2018-01-05 12:13 at 12:13

    Harin aimar bnlee yanaa ene ulsturiin baij bgaag

    Хариулах
  4. Нэргүй 2018-01-05 12:46 at 12:46

    mal mongolchuud ali ert atomiin stants barichihsan bol udiid ingej uil tamaa edlehgui baisan yum hyamd naidvartai erchim huchnii uusvertei bolchihood udiid jargaj baihgui yu aimhai hun 10 uhne gedeg shig yum bolgonoos aisaar baigaad iim baidal hurlee orosoos aina hyatdaas aina hulchgaruud

    Хариулах
  5. Нэргүй 2018-01-05 13:04 at 13:04

    Ouynhorol ytaagui geed ichih bylchirhaigui yarij yabah yum,ene hun nud ni aniatai l yabsaar ,,,
    .

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн