Ерөнхий сайд Ж.Эрдэнэбат өнгөрсөн жил Сэлэнгэ аймагт ажилласнаар орон нутаг дахь анхны томилолтоо эхлүүлж байсан. Энэ удаад тэрбээр Монгол улсын зах хязгаар нутагт ажиллахаар бэлтгэлээ хангажээ. Тэрбээр Говь-Алтай, Баян-Өлгий, Завхан, Увс, Ховд аймагт энэ сарын 19-25-ны өдрүүдэд ажиллах юм байна. Орон нутагт ажиллах үеэрээ ард иргэдтэй уулзаж, Засгийн газраас хэрэгжүүлж байгаа бодлого шийдвэрүүдийг танилцуулах юм.
