Мөрөөдлийн театрын тулгын гурван чулууны нэг жүжигчин Г.Эрхэмбаяр залуу жүжигчин Э.Намуунтай амьдралаа холбосон нь ёстой л олны нүдийг орой дээр нь гаргасан хэрэг болсон. Шинээр амьдралаа эхлүүлсэн хос хоёр талаасаа хүүхдүүдээ авчирч нэг гэрт зургулаа амьдрах болсон гэдэг. Жүжигчин Э.Намууны хувьд ажлын гараагаа эхлүүлж хоёр дахь ханьтайгаа учирсан “Мөрөөдлийн театр” хэмээх айлыг орхиж УДЭТ-ын босгыг давахаар бэлтгэлээ базааж байгаа сурагтай. Тэрбээр жүжигчин Г.Эрхэмбаяртай амьдралаа холбосон тухай хэвлэлд өгсөн ярилцлагадаа “Хүний л амьдрал шүү дээ. Эхэндээ амаргүй л байлаа. Их эмзэглэсэн. Сүүлдээ ч тоохоо больчихдог юм байна” гэжээ.
