Алмас нь үнэндээ баавгай байсан уу?

  Эрт дээр үеэс алмасын тухай ам дамжсан яриа хүн төрөлхтний дунд явсаар өнөөдрийг хүрсэн. Үлгэр домог мэт цуу яриа дэлхийн олон улсад байдаг. Амьдрал дээр байдаг эсэх нь эргэлзээтэй “Цасны хүн” буюу алмас нь үнэн хэрэгтээ нэгэн төрлийн баавгай болохыг эрдэмтэд тогтоожээ. Тодруулбал, Хималайд амьдардаг баавгайны гурван дэд төрөл болох Азийн хар, Төвдийн хүрэн, Хималайн хүрэн баавгайнууд аж. Иймд олон жилийн турш хүмүүс баавгайг алмастай андуурч иржээ гэх дүгнэлтийг судлаачид гаргасан байна.

Эрдэмтэд алмасын шүд, яс, арьс үс, ялгадас зэрэг олон тооны олдворуудад генийн шинжилгээ хийж, сайн судлагдаагүй эдгээр амьтадын тухай мэдээллийг шинээр олж тогтоосон байна. Хэдийгээр ийм боловч алмас байдаггүй гэж огт үгүйсгэж болохгүй гэнэ шүү.