Харүмафүжи доод зиндааны бөхөө караокены удирдлагаар цохисон гэдгээ хүлээлээ

Сүмогийн их аварга, ёзозүна Харүмафүжи доод зиндааны бөх Таканоиваг гараараа төдийгүй караокены алсын удирдлагаар цохисон гэдгээ мөрдөгчдөд мэдүүлжээ. Тэрбээр өнгөрсөн сард бусад сүмочидтойгоо оройн хоолонд орох үеэрээ Таканоиваг зодсон гэсэн байна.

Энэ хэргээр мөрдөн байцаалт явуулж буй цагдаа нар Харүмафүжигээс байцаалт авсан аж.

Сүмогийн холбооны тусгай комисс ч энэ хэргээр хувийн мөрдлөг шалгалтаа хийгээд эхэлжээ. Тус комиссын гишүүд ч Харүмафүжигээс байцаалт авч, Таканоивад гэмтлийн зэрэг тогтоосон эмчтэй ярилцсан байна.

Эх сурвалжуудын мэдээлж буйгаар Харүмафүжи гартаа шар айрагны шил барьсан байсан ч түүгээр хохирогчоо цохиогүй гэжээ.

ХОЛБООТОЙ МЭДЭЭ

Back to top button
Close