НийгэмОнцлох мэдээ

Шүүх хуралд анх удаа С.Зориг агсны ах С.Баяр оролцож байна

С.Зоригийн амь насыг хөнөөсөн хэргийн давж заалдах шатны шүүх хуралд талийгчийн ах С.Баяр анх удаа оролцож байна. Мөн  С.Зориг агсны дүү С.Оюуныг төлөөлж өмгөөлөгч  Л.Энхсайхан шүүх хуралд оролцохоор иржээ.

Шүүх хурал Эрүүгийн хэргийн Давж заалдах шатны шүүхийн байранд 09.30 цагт эхэлсэн юм. Хаалттай үргэлжилж байгаа тус шүүх хуралд шүүгдэгчид цахимаар холбогдон оролцож байгаа аж. Харин тэдний бие өмгөөлөгч, төлөөлөгчид ирсэн байна.

8787-1 Шүүх хуралд анх удаа  С.Зориг агсны ах С.Баяр оролцож байна

Т.Содномдаржаагийн өмгөөлөгчөөр Л.Мөнхтөр, Х.Чимгээгийн өмгөөлөгчөөр С.Оюунцэцэг, Ц.Амгаланбаатарын өмгөөлөгчөөр Д.Дашдорж нар өнөөдрийн Шүүх хуралд оролцож байгаа юм.

Анхан шатны шүүхээс Амгаланбаатарт 25, Б.Содномдаржаад 25, Т.Чимгээд 24 жилийн хорих ял оноосон.

Тодруулбал, Ц.Амгаланбаатарт оноосон 25 жилийн 20-ыг гянданд, үлдсэнийг нь онцгой дэглэмтэй хорих ангид, Б.Содномдаржаад оноосон 25 жилийн 23-ыг нь гянданд, үлдсэнийг нь онцгой дэглэмтэй хорих ангид, Т.Чимгээгийн 24 жилийн ялыг чанга дэглэмтэй хорих ангид тус тус эдлүүлэхээр шийдвэрлэсэн юм.

Түлхүүр үг

ХОЛБООТОЙ МЭДЭЭ

1 сэтгэгдэлтэй

Сэтгэгдэл

Таны сэтгэгдэл

Back to top button
Close