Бельгийн шүүхээс Каталоны экс тэргүүн Карлес Пучдемон болон Каталоны Засгийн газрын гишүүд асныг сулласан тухай Каталоны үндэсний ассамблейн орлогч тэргүүн Агусти Алькоберро мэдэгдлээ. “Каталоны экс тэргүүн болон түүнийг Бельгид дагалдан явсан зөвлөхүүдийг нь Испанид шилжүүлэх эсэх асуудал шийдэгдтэл тус улсад байна гэсэн нөхцөлөөр сулласан” гэж Алькоберро “Твиттер” хуудсандаа жиргэжээ. VRT телевизийн мэдээлж буйгаар Каталоны Засгийн газрын экс гишүүд Бельгийн засаг захиргаанд түр оршин суух газраа хэлж, мөрдөн байцаах ажилд хамтран оролцож, дуудсан цагт ирэх ёстой аж. Каталоны Засгийн газрын экс гишүүдийг Испанид шилжүүлэх шийдвэрийг Бельгийн шүүх 15 хоногийн дотор гаргах юм байна.
Эх сурвалж: Mail.ru
