Өглөөгүүр “Ерөнхийлөгчийн сонгуульд МАХН-аас өрсөлдөнө” гэсэн бор шувууг нисгэж хаврын харшил эхлүүлсэн “босоо” С.Ганбаатарын араас хоёрдогч бор шувуу нисч ирэв. Үдээс хойш дэрхийсэн энэ шувууны эзэн нь Нийслэлийн ИТХ-ын дарга Ц.Сандуй. 2016 оны УИХ-ын сонгуулийн өмнө 60 тэрбум төгрөг хэрхэн босгох вэ гэсэн алдартай яриа бүхий бичлэгээр олны танил болсон хүн.
Яг одоо онлайнд УИХ-ын дарга М.Энхболд энэ зун Ерөнхийлөгч болно. Тэгэхээр Төв аймагт дахин сонгууль болно гэсэн үг. Энэ сонгуульд Хотын дарга Су.Батболд нэр дэвшиж өрсөлдөнө. Тэр УИХ-ын гишүүн болно. Ингэхээр Хотын даргын суудал эзгүйрнэ. Тэгэхээр тэр суудалд өдгөө НИТХ-ын даргаар ажиллаж буй Ц.Сандуй очихоор тохироо хийсэн гэх мэдээлэл яригдаад эхэллээ” гэсэн мэдээ гарч, залуу даргыг “баясгаж” байна.
Нийслэлийн ИТХ-ын сонгуульд МАН-ын Хотын намын хороог авч орсон Ц.Сандуй хэрвээ “даагнаас унаж бэртээгүй бол” нийслэлд засаглах байсан гэсэн яриа өнгөрсөн зунаас хойш тэнүүчилдэг. Ерөнхийлөгчийн сонгууль хаяанд ирсэн ч ялагч нь байтугай нэр дэвшигчид нь хараахан тодроогүй л байна. Ийм үед ирэх сонгуулийн дараах бялуу хуваарилалтыг дарга өөрөө сэрүүн зүүдлээд байна уу, өмнөөс нь өөр хүн зүүдлээд байна уу?
МАН Ерөнхийлөгчийн сонгуулийг хэдэн тэрбум төгрөгөөр худалдаж авах гэж байна?
um ma ni bad mi hum