Энэ сарын 10-15-нд Болгарын Пловдив хотноо болсон чөлөөт бөхийн ахмадын ДАШТ болж манай баг тамирчид нэг алт, гурван хүрэл медаль хүртжээ. Тус тэмцээнд манай улсаас 29 тамирчин оролцсон бөгөөд “С” ангиллын 70 кг-д ОУХМ Х.Нямдорж алтан медаль хүртсэн бол “В” ангиллын 130 кг-д спортын мастер М.Улаанбаатар /М.Цанлиг/, “А” ангиллын 88 кг-д спортын мастер Б.Идэрсайхан, 130 кг-д ОУХМ Б.Батжаргал нар хүрэл медаль авсан байна. Архангай аймгийн Тариат сумын харьяат, улсын начин М.Цанлиг /М.Улаанбаатар/ чөлөөтөөс гадна сонгомол бөхийн “В” ангиллын 130 кг-д аваргын алтан медаль хүртэж, тэрбээр Пловдивийн дэвжээнээс хос медальтай ирж байгаа юм.
