Өмнө нь нэг бус удаа шийтгүүлж байсан М гэх залуу Г болон Н нартай гэртээ архидан согтуурч маргалдахдаа нэгнийхээ амь насыг нь хөнөөжээ. Энэ хэрэг Баянгол дүүргийн VI бичил хороололд болсон бөгөөд гэрч болох Н-ыг мөн айлган сүрдүүлсэн аж.
Гэмт этгээд хэргээ нуун далдлахын тулд талийгаач Г-ийн цогцосыг машиныхаа тээшинд нуусан байна. Удаан “нуугдсан” цогцос үнэр орсон тул хөршүүдэд мэдрэгдэн, хэргийг илрүүлхэд тусалжээ. Цагдаа нар сэжигтэн М-ийг СХД-ийн нутаг Баянхошуунаас олж саатуулсан байна.