2023-2024 оны хичээлийн жил нэг хоногийн дараа эхлэх гэж байна. Уламжлал ёсоор есдүгээр сарын 1-нд сурагчдад Хархорин хотын тухай түүхэн видео хичээл үзүүлэхээр Ерөнхийлөгчийн Тамгын Газраас бэлджээ. Уг хичээлийг бэлтгэхэд эрдэмтэд оролцсон байна.
Харин БШУЯ-наас мэдээлснээр энэ жил ерөнхий боловсролын сургууль болон цэцэрлэгүүдийн хичээлийн шинэ жилийн нээлтийн арга хэмжээг цомхон зохион байгуулах чиглэлийг өгчээ.
Их, дээд сургууль, МСҮТ-ийн хичээлийн хичээлийн шинэ жилийн нээлтийг есдүгээр сарын 4-нд зохион байгуулах зохицуулалтыг хийсэн байна. Энэ талаар өнөөдөр БШУЯ-наас дэлгэрэнгүй мэдээлэл өгөхөөр 10:00 цагт хэвлэлийн хурал зарлажээ.
Ташрамд дурдахад 2025 оноос хойш дээд сургууль гэсэн ангилалгүй болж, их сургууль нь судалгааны, мэргэжлийн, сургалтын гэсэн гурван төрлөөр сургалтаа явуулах аж.