Нийслэлийн Удирдах ажилтнуудын шуурхай зөвлөгөөн өнөөдөр болж, өвөлжилтийн бэлтгэл ажлын талаар холбогдох албаныхны мэдээллийг сонслоо.
Дулааны шугамын засвар ажлын тухайд Улаанбаатар дулааны сүлжээ ТӨХК-ийн гүйцэтгэх захирал Г.Баярсайхан “Улаанбаатар дулааны сүлжээ ТӨХК нь 370 км дулааны шугамаар нийслэлийн дөрвөн цахилгаан станцаас дулаан дамжуулж байна.
2023-2024 оны халаалтын улиралд 3,501 ккал дулааны эрчим хүчийг 13,400 барилга, объектод дамжуулан ажиллана.
2023 онд баталсан их болон урсгал засварын төлөвлөгөөний дагуу 15 магистраль шугам, салбар шугам тоноглолд иж бүрэн засвар үйлчилгээ хийж буй. Тухайлбал төв магистраль шугамын засвар 100 хувьтай, насос станцуудын цахилгаан тоноглолын засвар 95 хувьтай, хэрэглэгчийн шугам тоноглолын ажил 73 хувьтай буюу нийт дулаан хангамжийн тоноглолын бэлтгэл 90 хувийн гүйцэтгэлтэй байна.
Дэлхийн банкны санхүүжилтээр хийж буй дулааны шугам сүлжээний шинэчлэлттэй холбоотой тохижилтыг есдүгээр сарын 4 гэхэд бүрэн дуусгахаар ажиллаж байна” хэмээв.
Нийслэлийн Засаг дарга шугам сүлжээний шинэчлэлийн дараа ногоон байгууламж, явган замтай холбоотой тохижилтын нөхөн сэргээлтийг стандартын дагуу хийх хэрэгтэй”-г онцолж байлаа.