PUBG Mobile-ын Өмнөд Азийн аваргын төлөө Монголын 6 баг тоглоно
- PUBG Mobile-ын Өмнөд Азийн намрын мэргэжлийн лиг дууслаа
- Лигт Монголын “4Merical Vibes” баг аваргалж, Монголын 6 баг Өмнөд Азийн АШТ-ий эрх авав
- Лигийн оноогоор Монголын “Stalwart Esports” баг ДАШТ-д оролцох эрхтэй боллоо
PUBG Mobile-ын Өмнөд Азийн намрын мэргэжлийн лиг сарын турш үргэлжилж өчигдөр дууслаа. Намрын мэргэжлийн лигт Монголын 9 баг оролцсон бөгөөд 8 нь финалын шатанд тоглосон юм.
Балба, Бангладеш, Монголын нийт 16 баг финалд өрсөлдсөнөөс 12-т нь Өмнөд Азийн аварга шалгаруулах тэмцээний эрх олгосон. Финалд тоглосон Монголын 8 багийн 6 нь тус эрхийг авлаа.
Намрын мэргэжлийн лигт Монголын “4Merical Vibes” баг аваргалж 9500 ам.долларын шагнал авсан бол мөн Монголын “Mabetex Esports” баг дэд байрыг эзлэв.
- Өмнөд Азийн лигт оролцсон Монголын есөн багийн найм нь финалд шалгарлаа
- PUBG Mobile-ын Өмнөд Азийн намрын лигт Монголын 9 баг оролцож байна
- НАЙМДУГААР САРЫН СПОРТ: 3х3, жүдогийн мастерууд, электрон спортын ДАШТ
Өмнөд Азийн аварга шалгаруулах тэмцээнд Балба, Бангладеш, Монгол, Пакистаны нийт 16 баг дэлхийн аварга шалгаруулах тэмцээнд оролцох 4 эрхийн төлөө өрсөлдөнө.
Харин намар болон өнгөрсөн хаврын мэргэжлийн лигийн нийлбэр оноогоор тэргүүлсэн ганц баг ДАШТ-д шууд оролцох алтан тасалбарын эзэн болох байв. Өмнөд Азийн мэргэжлийн лигийн нийлбэр оноогоор Монголын “Stalwart Esports” баг тэргүүлж тус эрхийг авснаар “PUBG Mobile Global Championship 2023”-т оролцох Монголын эхний баг болов.
Өмнөд Азийн аварга шалгаруулах тэмцээнд Пакистаны 4, Монголын 6, Балбын 7, Бангладешийн 1 баг оролцоно. Тэмцээн энэ сарын 24-д эхэлж есдүгээр сарын 03-д дуусна. Дээр дурдсанчлан тэднээс ердөө дөрөв нь ДАШТ буюу PMGC-д оролцох эрхийг авна.