Баянгол дүүрэг 16 дугаар хороо Занабазарын гудамж буюу Гандантэгчэнлин хийдийн урд талын авто замын хөдөлгөөнийг хязгаарлаж, засварын ажил гүйцэтгэх гэж байна.
Тодруулбал Бямба гарагт буюу наймдугаар сарын 19-ний 23:00 цагаас 22-ны 06:00 цаг хүртэл Гандантэгчэнлин хийдийн урд авто замыг хааж, хучилт хийнэ.
Мөн суулт үүссэн хашлага болон инженерийн шугам сүлжээний худгийн тагийг асфальт бетон хучилтын түвшинд тааруулан засварлах юм байна.
Иймд дээрх хугацаанд иргэд, жолооч өөр замыг сонгон хөдөлгөөнд оролцохыг Замын хөгжлийн газраас зөвлөлөө.
