Гэр хорооллын 16 байршилд буюу Баянгол дүүрэгт хоёр, Баянзүрх, Сонгинохайрхан дүүрэг тус бүр тав, Хан-Уул дүүрэгт гурав, Багануур дүүрэгт нэг бичил цэцэрлэгт хүрээлэн байгуулахаар ажиллаж байна.
Одоогоор 12 байршлын ажил эхэлсэн байгаа юм. Улаанбаатар Хотын Ерөнхий менежер М.Баяраа Сонгинохайрхан, Хан-Уул дүүрэгт гэр хорооллын байршилд хийгдэж байгаа бичил цэцэрлэгт хүрээлэнгийн ажлын явцтай танилцсан байна.
Бичил цэцэрлэгт хүрээлэнгүүд дунджаар 700м2-1100м2 талбайд хийгдэж байгаа юм.
“Бид иргэдийн амьдардаг тухайн орон зайд ургамлын хайс хашлага бүхий ногоон орчинтой гэрэлтүүлгийн оновчтой шийдэлтэй, амарч тухлах, тоглож наадах хэрэгслүүдтэй ая тухтай, жишиг болохуйц орчныг бүрдүүлэхээр төлөвлөсөн. Ажлууд ч төлөвлөснөөр хийгдэж байна. Наадмаас өмнө эхэлсэн байршлуудын ажлыг дуусгахаар ажиллаж байна” гэж Улаанбаатар Хотын Ерөнхий менежер М.Баяраа хэллээ.