Ойд төөрсөн хоёр настай хүүг оллоо

Эрхүү мужийн аврагчид төөрч, тайгад нэг шөнийг өнгөрүүлсэн хоёр настай хүүг эсэн мэнд оллоо. Альбин Тулунскийн дүүргийн тосгонд амьдардаг хүү орой хашаанаасаа гараад алга болсон аж. Түүнийг 250 хүн бүтэн шөнийн турш хайсан боловч өглөө л олсон байна. Тосгоноос 1.5 км-ийн зайд, ойгоос олдсон бяцхан хүүгийн биеийн байдал маш сайн байна.