Тулгар төрийн 2230, 2231 жил, Их Монгол Улс байгуулагдсаны 815, 816, Эзэн богд Чингис хааны мэндэлсний 860, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн Үндэсний их баяр наадамд 6 насны нийт 1500 гаруй морьд уралдаж, төрийнхөө их баяр цэнгэл наадамд тоосоо өргөлөө.
Адуун сүргийн манлай хурдан азарганы уралдаанд 202 азарга шандас сорьсноос Төв аймгийн Баян сумын харьяат, Монгол Улсын Манлай уяач Б.Нямжавын хээр, Хурдан их насны морьдын уралдаанд 330 хүлэг тоосоо өргөснөөс
Баянхонгор аймгийн Баацагаан сум, С.Энхтөрийн “дүүгүүр” хээр, соёолон насанд 250 соёолон уралдсанаас Ховд аймгийн Мянгад сумын харьяат, Б.Энхбаярын халтар, хязаалан насанд 306 хязаалангаас Сэлэнгэ аймгийн Баруунбүрэн сумын харьяат, Д.Одхүүгийн зээрд,
шүдлэн насанд 233 шүдлэнгээс Өвөрхангай аймгийн Хужирт сумын харьяат, П.Батсайханы тогоруу зээрд, дааганы уралдаанд 284 даага тоосоо өргөснөөс Сэлэнгэ аймгийн Баянгол сумын харьяат, Б.Болдбаатарын хээр түрүү магнай болж торгон жолоо өргүүллээ. Мөн энэ жилийн наадмын хурдан дааганы уралдааны “баян ходоод”-нд Улаанбаатар хотын Сүхбаатар дүүргийн харьяат Л.Эрдэнийн хээр даага орсон юм.
Үндэсний их баяр наадамд түрүүлж, айрагдсан морьдын бай шагналыг Үндэсний их баяр наадмыг зохион байгуулах хорооны дарга, Монгол Улсын Шадар сайд С.Амарсайхан болон тус хорооны удирдлагууд гардуулан өглөө.
Ардын хувьсгалын 100, 101 жилийн ойн Үндэсний их баяр наадамд түрүүлж айрагдсан морьдийг танилцуулж байна.
Азарганы уралдаанд:
1. Төв аймгийн Баян сумын харьяат Монгол Улсын Манлай уяач Б.Нямжавын хээр
2. Булган аймгийн Гурванбулаг сумын харьяат Монгол Улсын Тод манлай уяач Х.Аминхишигийн хүрэн
3. Өвөрхангай аймгийн Хужирт сумын харьяат Шунхлай группын ерөнхийлөгч П. Батсайханы зээрд
4. Завхан аймгийн Тосонцэнгэл сумын харьяат Т.Ууганбаярын хүрэн
5. Хөвсгөл аймгийн Цэцэрлэг сумын харьяат, Монгол Улсын Манлай уяач Г.Батболдын халтар
Их насны уралдаанд:
1. Баянхонгор аймгийн Баацагаан сумын харьяат С.Энхтөрийн “дүүгүүр” хээр
2. Говь-Алтсй аймгийнхалиун сумын харьяат Монгол Улсын Манлай уяач Г.Чинзоригийн халтар
3. Завхан аймгийн Тосонцэнгэл сумын харьяат Монгол улсын Тод манлай уяач Т.Галбадрахын хонгор халзан
4. Орхон аймгийн Баян-Өндөр сумын харьяат Ц.Эрдэнэбаярын Бор халзан
5. Говь-Алтай аймгийн Шарга сумын харьяат Монгол Улсын Тод манлай уяач Х.Бат-Эрдэнийн халиун
Соёолон насны уралдаанд:
1. Ховд аймгийн Мянгхд сумын харьяат Б.Энхбаярын халтар
2. Хавсгөл аймгийн Галт сумын харьяат, Аймгийн алдарт уяач Б.Отгонсэлэнгийн саарал
3. Хөвсгөл аймгийн Галт сумын харьяат, Аймгийн алдарт уяач Н.Нацагдоржийн хээр халзан
4. Улаанбаатар хотын Сүхбаатар дүүргийн харьяат З.Жавхлангийн хүрэн
5. Архангай аймгийн Хотонт сумын харьяат Монгол Улсын Манлай уяач Д.Лхагвасүрэнгийн хул халзан
Хязаалан насны уралдаанд
1. Сэлэнгэ аймгийн Баруунбүрэн сумын харьяат Д.Одхүүгийн зээрд
2. Төв айигийн Хархорин сумын харьяат Л.Пүрэвдоржийн хээр
3. Өвөрхангай аймгийн Хархорин сумын харьяатХ.Гарьдмагнайгийн хээр
4. Говь-Алтай аймгийн Халиун сумын харьяат Т.Гантөмөрийн зээрд
5. Төв аймгийн Алтанбулаг сумын харьяат П.Түмэндэлгэрийн Хамар цагаан хээр
Шүдлэн насны уралдаанд
1. Өвөрхангай аймгийн Хужирт сумын харьяат П.Батсайханы тогоруу зээрд
2. Улаанбаатар хотын Баянгол дүүргийн харьяат Д.Батбаярын хул
3. Төв аймгийн Зуунмод сумын харьяат С.Батдоржийн халтар
4. Дорнод аймгийн Хэрлэн сумын харьяат Аймгийн алдарт уяач С.Галтын хонгор халзан
5. Завхан аймгийн Цагаанчулуут сумын харьяат Монгол Улсын Манлай уяач Б.Баярдоржийн хээр
Дааганы уралдаанд:
1. Сэлэнгэ аймгийн Баянгол сумын харьяат Б.Болдбаатарын хээр
2. Өвөрхангай аймгийн Сант сумын харьяат Ж.Энхжаргалын хүрэн
3. Төв аймгийн Угтаалцайдам сумын харьяат “Тайган Алтай” ХХК-ийн захирал П.Баярбатын халтар
4. Сүхбаатар аймгийн Сүхбаатар сумын харьяат, Сумын алдарт уяач П.Даваанямын хээр халзан
5. Орхон аймгийн Баян-Өндөр сумын харьяат Ц.Эрлэнэбаярын хүрэн тус тус айрагдаж торгон жолоогоо өргүүллээ.
