Ховд, Хөвсгөл аймгийн нутгаас олдсон гурван бамбаруушийг нисдэг тэргээр зөөвөрлөн тайгад тавьжээ
Өнгөрсөн намар Ховд аймаг болон Хөвсгөл аймгийн Түнэл, Цагаан-Уул сумдын нутгаас олдсон хүрэн баавгайн гурван бамбаруушийг нисдэг тэргээр зөөвөрлөн их тайгад нь буцаан тавьсан байна.
Уг баавгайн бамбаруушууд өнгөрсөн 10 сар орчмын хугацаанд БОАЖЯ-ны харьяа, Хөвсгөл аймгийн Улаан тайгын Тусгай хамгаалалттай газрын байгаль хамгаалагчид асран тэжээж, өдийг хүрсэн юм.
Австрали улсын “Animals Australia“ байгууллагын дэмжлэгтэйгээр эдгээр баавгайн бамбаруушийг буцаан тавьжээ.
