Нийгмийн ардчилал, Монголын залуучуудын холбооны хурал амралтын өдрөөр Найрамдал зусланд болов. “Шинэ үе-шинэ сэргэлт” уриан дор зохион байгуулсан ээлжит бус их хурлаар долоон төрлийн хэлэлцүүлэг өрнүүлсэн байна.
Энэ үеэр УИХ-ын гишүүн Н.Учрал НӨАТ-ын хуульд өөрчлөлт оруулах санал гаргажээ. Тэрбээр “Нэмэгдсэн өртгийн албан татварын буцаан олголт хоёр хувь. Бидний өдөр тутам хэрэглэдэг сүү, талх, гурил, будаа, мах, шатахуун зэрэг өргөн хэрэглээний бараанд дөрвөн хувь хүртэл нэмэх хуулийн төсөл санаачлахаар төлөвлөж байна. Энэ нь инфляц амьжиргаанд сөргөөр нөлөөлж буй өнөөгийн нөхцөлд зөв шийдэл гэж харж байна. Нүдээ олоогүй халамжийн оронд иргэдийн өдөр тутмын хэрэглээнд зарцуулсан зардалд ногдох хувийг буцаан олгоно. Харин архи, тамхи зэрэг заавал шаардлагагүй бүтээгдэхүүнд буцаан олголтыг тэглэх нь зүйтэй. Холбооны гишүүдийн зүгээс хуулийн төслийг УИХ-д өргөн мэдүүлж, батлуулахад улс төрийн дэмжлэг үзүүлэхийг хүсэж байна.
Энэ санаачилгыг холбооны дэргэдэх Нийгмийн ардчилал академи, бодлогын институт, залуу хуульчдын клубийн тусламжтай гүйцэтгэнэ” гэсэн юм.
3 comments
биднийг алхаж гишгэх бүрд 10%, аваад буцааж өгөх дээрээ тулахад 4% гээд яриад суух юм, зарим тэнэг нь буцаан олголт хийхгүй гээд л
2021оны 4-р улиралийн нөатын мөнгө орохгүй юм хянагдаж бна гээд бх юм хаана хандах вэ утас энэ тэр нь бна уу
Наад шоугаа боль бодит цалин хөлсөө нэм .Тансаглалаа боль чадахгүй бол зайгаа тавиад зайл. Солонгос явуулж ажиллуул чадахгүй бол эд нар л валют олно.