Дэлхийн шилдэг даамчид монголд өрсөлдөж байна

Өнөөдөр (2017.07.21) Улаанбаатар хотноо Зуун буудалт даамын “Дэлхийн цом 2017”  тэмцээнд найман орны Олон улсын их мастер цолтой 15, нийт 58 тамирчин өрсөлдөж байна.

Энэ сарын 27-н хүртэл үргэлжлэх тус тэмцээнд манай улсаас улсаас Гавьяат тамирчин, Олон улсын их мастер Д.Эрдэнэбилэг, Азийн хоёр удаагийн аварга, Монгол Улсын 7 удаагийн аварга, Олон улсын их мастер Г.Ганжаргал, Азийн аварга, Олон улсын их мастер Р.Манлай нарын их мастер оролцож байна.

 Мөн  ОХУ-ын их мастерууд болох дэлхийн 10 удаагийн аварга А.Чижов, дэлхийн есөн удаагийн аварга А.Георгиев, Латвийн тамирчин, Олон улсын их мастер, дэлхийн аварга Г.Валнерис нарын зэрэг  дэлхийн шилдэгүүд өрсөлдөж байгаагаараа онцлог аж.