Украины Ерөнхийлөгч Зеленский ОХУ-ыг хэлэлцээр хийхийг уриалав

Украины Ерөнхийлөгч Владимир Зеленский Оросыг байлдааны ажиллагааг зогсоох талаар хэлэлцээр хийхийг уриалсан видео бичлэг хийжээ. Тэрбээр “Эрт орой хэзээ нэгэн цагт Орос улс бидэнтэй хэлэлцээр хийж, дайсагналаа хэрхэн зогсоож, энэ түрэмгийллийг зогсоох талаар ярилцах ёстой” гэжээ.

Түүний хэлснээр, хэлэлцээр хэдий чинээ хурдан эхлэх тусам Орос өөрөө төдий чинээ бага хохирол амсах гэнэ. Хоёрдугаар сарын 25-ны өглөө Киевт хэд хэдэн дэлбэрэлт болоод байгаа. Орон нутгийн хэвлэлд мэдээлснээр, тэд Печерский, Голосеевский дүүрэг, Позняки, Киевийн Троещина дүүрэгт үүрээр 4:22 цагт болсон байна. Үүний дараа Киевийн өмнөд хэсэгт байрлах олон давхар орон сууцны байшин үл мэдэгдэх зүйлээр цохиулан сны улмаас гал гарсан тухай хэвлэлүүд мэдээлжээ.

Хоёрдугаар сарын 24-нд ОХУ-ын Ерөнхийлөгч В.Путин ЛХР болон БНАСАУ-ын дарга нарын тусламж хүссэний хариуд Донбассыг хамгаалах цэргийн тусгай ажиллагаа явуулахаар шийдсэнээ зарлав. Украин Оростой дипломат харилцаагаа таслав. Уг ажиллагаа явуулах шийдвэр нь АНУ болон түүний холбоотнууд Оросын эсрэг шинэ хориг арга хэмжээ авах шалтгаан болсон юм.