Манай улсад энэ жил сүүлийн 50 жил тохиогоогүй их халуун болж тал хээрийн амьтад харангадаж үхэх аюулд хүрсэн. Тэднийг хамгаалахаар сайн дурын байгууллагынхан цагаан зээрийн сүрэг, бусад амьтдад зориулан цөөрөм байгуулсан бол энэ удаа зорьсон газраа хүрч чадалгүй үхлийн эрмэгт тулаад байсан хун шувуудыг аварчээ.
Дорнод Монголын хялганат талын эко байдлыг хамгаалахад хувь нэмрээ оруулж буй “Томо бюлдинг” болон “Дорнын их гэгээ” “петро чайна дачин тамсаг” ХХК-ны байгаль орчны мэргэжилтнүүд хамтран шувуудыг усалснаар сэргэсэн байна. Залуус энэ амьтадыг тэнхэртэл нөөцийн машинуудаа дайчлан ус зөөвөрлөж, хэд хэдэн газар цөөрөм үүсгэхээр болжээ.