Ш.Сайхансамбуу: Захаа битүүлчихвэл барааны үнэ огцом өснө
Нарантуул худалдааны төвийн эзэн, УИХ-ын гишүүн асан Ш.Сайхансамбуу худалдааны төвөө битүүлдэггүй шалтгаанаа ийнхүү тайлбарлажээ. “Захынхаа тав тухтай орчинг бүрдүүлж, битүүлж болно. Гэхдээ эцсийн үр дүндээ хэрэглэгчийн гар дээр очих бараа бүтээгдэхүүний үнэ ханш огцом өснө. Тийм учраас бүтээгдэхүүний үнийг тогтвортой байлгахын тулд битүүлдэггүй юм. Манай худалдааны төвд “Ногоон хурганы арьс, нохойн битүүн туурайнаас бусад нь бий” гэж ярьдаг. Тэгэхээр Монгол Улсын иргэн бүрийн амьдралд хэрэгцээтэй бүхэн цөм бий. Өөрөөр хэлбэл, битүүлчихвэл тэр бүгдийн үнэ өснө гэдгийг товчхондоо ойлгочиход болно” гэжээ.