МЭИК нь байгуулагдсан цагаасаа эхлэн нийгмийн хариуцлагын хүрээнд Монгол Улсын Эрүүл мэндийн салбарт тэр дундаа эх нярайн тусламж үйлчилгээг чанаржуулах, нярайн эндэгдлийг бууруулах томоохон төсөл хөтөлбөрүүдийг санаачлан амжилттай хэрэгжүүлсээр ирсэн билээ.
Цар тахлын энэ хүнд цаг үед ч дээрх хандив тусламжийн үйл ажиллагаагаа үргэлжлүүлсээр байгааг дуулгахад таатай байна. Бид жил бүр компанийн нийгмийн хариуцлагын бодлогын хүрээнд хүүхэд багачууд руу чиглэсэн ажлуудыг шат дараатайгаар зохион байгуулан ажилладаг бөгөөд цаашдаа эм эмнэлгийн байгууллага, эрүүл мэндийн салбарт тулгамдсан олон ажлуудыг хийхээр төлөвлөж байна.
Бид Эх нярайд ээлтэй орчныг бүрдүүлэн хүлээлгэж өгөхийн зэрэгцээ тус эмнэлэг дээр дөнгөж төрсөн эх нярайд Италийн алдарт CHICCO брэндийн гарын бэлэг гардуулж өглөө.
Мөн бусад байгууллагуудыг улсын эмнэлгүүдийн засвар тохижилтын ажилд хувь нэмрээ оруулан, шаардлагатай байгаа зүйлсээр нь тусалж дэмжихийг уриалж байна!
