Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Украин Беларусьтай хиллэдэг бүс нутагт тусгай ажиллагаа явуулж эхэлжээ – updown.mn

Украин Беларусьтай хиллэдэг бүс нутагт тусгай ажиллагаа явуулж эхэлжээ

Украин Беларусьтай хиллэдэг бүс нутагт “Полесье” хамтарсан тусгай ажиллагаа эхэлжээ. Ажиллагаанд Украины Төрийн хилийн алба болон Үндэсний гварди, Үндэсний цагдаа, Зэвсэгт хүчин болон бусад албад оролцож байгаа аж.

Украины Улсын хилийн алба “Эдгээр нь цагаачлалын хямралаас урьдчилан сэргийлэх, хууль бус үйл ажиллагаатай тэмцэхийн тулд Украины хилийн хамгаалалт, хамгаалалтыг нэмэгдүүлэхэд чиглэсэн тасралтгүй арга хэмжээ” хэмээн мэдэгджээ.

Улсын хилийн албаны нэгдүгээр орлогч Владимир Никифоренко Украин-Беларусийн хил дээр цагаачдын хямрал тархах аюул, цагаачдын урсгалыг Украин руу чиглүүлэх магадлалтай байгаа талаар хэлээд үүнээс сэргийлэхийн тулд хил хамгаалах арга хэмжээ авч байна гэсэн байна.

Хамтарсан тусгай ажиллагааны үеэр Украины Агаарын цэргийн хүчин сөнөөгчдийн халхавч дор газрын бай руу цохилт өгөх бэлтгэлээ хийсэн бөгөөд нисгэгчгүй агаарын тээврийн хэрэгсэл, техникийн хяналтын төхөөрөмжийг хилийн эргүүл, хяналтанд ашиглах гэж байгаа аж.

Украин-Беларусийн хилийн хэсгийн дагуух хилийн дэглэмийг Киев чангатгахаар төлөвлөж, хилийн хяналттай бүсэд хяналтын пост байгуулж, улсын хилээр гарах гол чиглэлд эргүүл гарган, автобус, төмөр замын буудлуудад хяналт шалгалт хийх, цагаачлалын хямралаас урьдчилан сэргийлнэ гэдгээ мэдэгджээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн